Exodo 26:1 - Jiñi Tsiji' bʌ Wen T'añ cha'añ Estudio

¹ Che' mi la' mel jiñi Tabernáculo, yom mi la' c'ʌn lujumpajc lino bʌ pisil wen uts'at bʌ, yʌjyʌx bʌ lino yic'ot chʌccojan bʌ yic'ot chʌchʌc bʌ; yom mi la' wen mel yic'ot i yejtal ángelob.

Chol de Tumbalá Bible

^1-2 Woli' chʌn al lac Yum: Che' mi la' mel jini Tabernáculo, jini pisil bʌ otot, yom mi la' c'ʌn lujumpajc lino bʌ pisil, wen uts'at bʌ jalbil, yʌjyʌx bʌ yic'ot chʌccojan bʌ yic'ot chʌchʌc bʌ. Yom jalbil ja'el i yejtal ángelob. Wen melbil yom. Chʌnlujump'ejl (14) metro yom i tamlel jini cortina. Cha'p'ejl metro yom ti' xujc. Yom lajal i ñuclel ti jujump'ejl jini cortina.

Chol: I T’an Dios

^1-2 Woli' chʌn al lac Yum: Che' mi la' mel jini Tabernáculo, jini pisil bʌ otot, yom mi la' c'ʌn lujumpajc lino bʌ pisil, wen uts'at bʌ jalbil, yʌjyʌx bʌ yic'ot chʌccojan bʌ yic'ot chʌchʌc bʌ. Yom jalbil ja'el i yejtal ángelob. Wen melbil yom. Chʌnlujump'ejl (14) metro yom i tamlel jini cortina. Cha'p'ejl metro yom ti' xujc. Yom lajal i ñuclel ti jujump'ejl jini cortina.

Exodo 26:1 Iomraidhean Croise

Exodo 25:18

Yom mi la' mel ja'el cha'tiquil i yejtal ángelob ti puro oro, cujbil bʌ ti martillo, mu' bʌ i yajñel ti' cha'wejlel i xujc jiñi Arca.

Exodo 25:4

yʌjyʌx bʌ pisil, chʌccojan bʌ pisil, chʌchʌc bʌ pisil, wen bʌ lino bʌ pisil, yic'ot i tsutsel tac chivo,

Exodo 25:8

Com mi' mel israelob jump'ejl ch'ujul bʌ ajñibʌl cha'añ mic chumtʌl yic'otob.

Exodo 26:2

Lajchʌmp'ejl yic'ot ojlil (12.50) metro yom i tamlel jiñi cortina yic'ot yom cha'p'ejl metro i xujc. Pejtelel jiñi cortina tac yom junlajal i ñuclel ti jujump'ejl.

Exodo 26:31

Che' ja'el mi caj la' mel jump'ejl colem bʌ pisil yʌjyʌx bʌ yic'ot chʌccojan bʌ yic'ot chʌchʌc bʌ, wen jalbil bʌ ti lino bʌ pisil yic'ot i yejtal tac querubiñob.

Exodo 26:36

Mi caj la' mel cha'añ i majc i ti' jiñi Tabernáculo jump'ejl cortina bʌ pisil, yʌjyʌx bʌ yic'ot chʌccojan bʌ yic'ot chʌchʌc bʌ yic'ot wen jalbil bʌ lino bʌ pisil, yom wen joch'bil tac ili cortina.

Exodo 31:7

Jiñi yom bʌ melol jiñʌch Tabernáculo, yic'ot jiñi Arca yic'ot i majc jiñi Arca, yic'ot pejtelel mu' bʌ i c'ʌjñel ya' ti Tabernáculo;

Exodo 35:11

Jiñi Tabernáculo yic'ot i pislel, yic'ot i majc tac, yic'ot i joc'lib tac, yic'ot i tablajlel tac yic'ot i barajlel tac, yic'ot i yoyel tac yic'ot i c'ʌclib tac;

Exodo 35:35

yic'ot tsi' yʌq'ueyob i p'ip'lelob i pusic'al cha'añ mi' melob e'tel ti' chajp ti' chajp, cha'añ mi' joch'ob yʌjyʌx bʌ pisil, yic'ot chʌccojan bʌ pisil, yic'ot chʌchʌc bʌ pisil, yic'ot wen bʌ lino bʌ pisil, yic'ot cha'añ mi' cha'leñob jalbal yic'ot cha'añ mi' melob pejtelel uts'at tac bʌ e'tel.”

Exodo 35:6

yʌjyʌx bʌ pisil, chʌccojan bʌ pisil, chʌchʌc bʌ pisil yic'ot wen bʌ lino bʌ pisil, yic'ot i tsutsel tac chivo,

Exodo 36:35

Che' ja'el tsi' meleyob colem bʌ joc'ol bʌ pisil, yʌjyʌx bʌ, yic'ot chʌccojan bʌ, chʌchʌc bʌ, wen jalbil bʌ lino yic'ot i yejtal querubiñob ti wen uts'at.

Exodo 39:3

Tsi' cujuyob jiñi oro cha'añ mi' pech i bʌ, che' bʌ pechelix tsi' bic'ti siliyob cha'añ i wentajlel puy cha'añ mi' jalob yic'ot jiñi yʌjyʌx bʌ pisil, yic'ot chʌccojan bʌ, yic'ot chʌchʌc bʌ yic'ot lino bʌ pisil, wen uts'atax tsi' meleyob.

Exodo 40:2

“Ti ñaxan bʌ q'uiñ ti jiñi ñaxan bʌ uw yom ma' wa'chocon jiñi Tabernáculo ba' mi la' tempan la' bʌ;

Numeros 3:25

I yalobilob Gersón añob ti' wenta cha'añ mi' cʌntañob jiñi Tabernáculo ba' mi' tempañob i bʌ, mi' q'uelob jiñi otot tac yic'ot i majc tac, yic'ot jiñi pisil joc'ol bʌ ti ti' jiñi Tabernáculo ba' mi' tempañob i bʌ,

Numeros 4:25

Mi' caj i ch'ʌmob majlel jiñi pisil tac yic'ot i pʌchʌlel cojtom yic'ot jiñi pisil am bʌ ti ti' jiñi Tabernáculo ba' mi la' tempan la' bʌ,

Juan 1:14

Jiñi T'añ tsi' ch'ʌmʌ i bʌc'tal. Tsa' chumle la quic'ot, tsa' laj q'uele i ñuclel, jiñʌch i ñuclel cojach bʌ i Yalobil Dios, but'ul bʌ ti' yutslel i pusic'al yic'ot isujmlel.

Juan 2:21

Jesús tsi' laji i bʌc'tal che' bajche' Templo.

Hebreos 8:2

Woli' mel i ye'tel ti motomaj ya' ti jiñi C'ax Ch'ujul bʌ Ajñibʌl, jiñi mero isujm bʌ otot tsa' bʌ i wa'choco lac Yum, mach jiñic pisil bʌ otot tsa' bʌ i wa'choco wiñicob.

Hebreos 9:2

tsa' mejli jiñi pisil bʌ otot che' bajche' iliyi, ya' ti ñaxan bʌ i mal i c'aba' Ch'ujul bʌ Ajñibʌl ya'añ jiñi lámpara yic'ot mesa ba' tsa' ajq'ui jiñi ch'ujul bʌ waj.

Hebreos 9:9

Jiñi pisil bʌ otot, jiñʌch i yejtal jiñi isujm bʌ otot mu' bʌ i yʌq'ueñonla Cristo wʌle; ti jiñi pisil bʌ otot tsa' aq'uenti Dios i majtañ tac yic'ot tsʌnsʌbil bʌ i majtañ mach bʌ mejlic i junyajlel ñʌch'chocobeñob i pusic'al jiñi mu' bʌ i cha'leñob ch'ujutesaya.

Apocalipsis 19:8

Tsa'ix aq'uenti i lʌp wen uts'at bʌ sʌsʌc pisil i c'aba' lino, sʌsʌc jax bʌ. (Come jiñi wen uts'at bʌ pisil jiñʌch i yejtal toj bʌ i melbal i cha'año' bʌ Dios).

Apocalipsis 21:3

Tsa' cu'bi c'am bʌ t'añ tsa' bʌ loq'ui ti panchan, tsi' yʌlʌ: “Awilan, wʌ'ix añ i Tabernáculo Dios yic'ot wiñicob x'ixicob. Mi caj i chumtʌl yic'otob, wiñicob x'ixicob mi caj i yochelob ti' cha'añ bʌ Dios, mi caj i yajñel Dios yic'otob.