Exodo 24:6 - Jiñi Tsiji' bʌ Wen T'añ cha'añ Estudio

⁶ Moisés tsi' ch'ʌmʌ ojlil i ch'ich'el wacax tsi' yotsa ti poc' tac, jiñi yam bʌ ojlil tsi' c'ʌñʌ i tsijcʌben i pulʌntib.

Chol de Tumbalá Bible

⁶ Moisés tsi' ch'ʌmʌ ojlil i ch'ich'el wacax. Tsi' yotsa ti p'ejt tac. Ojlil tsi' c'ʌñʌ i tsijcʌben i pulʌntib.

Chol: I T’an Dios

⁶ Moisés tsi' ch'ʌmʌ ojlil i ch'ich'el wacax. Tsi' yotsa ti p'ejt tac. Ojlil tsi' c'ʌñʌ i tsijcʌben i pulʌntib.

Exodo 24:6 Iomraidhean Croise

Exodo 12:22

Ch'ʌmʌla junbujts hisopo, ts'ajala ti ch'ich' am bʌ ti jiñi taza yic'ot boñola jiñi ts'omte' yic'ot jiñi cha'tejc chumte' ti jiñi ch'ich' am bʌ ti taza. Mach yomic mi la' loq'uel mi juntiquilic ti la' wotot c'ʌlʌl mi' sʌc'an,

Exodo 12:7

Mi caj i chucbeñob i ch'ich'el, cha'añ mi caj i c'ʌn i bombeñob cha'tejc i chumte'lel i yototob yic'ot i ts'omte'lel ya' ba' mi' cajelob ti we'el.

Exodo 24:8

Jiñi cha'añ Moisés tsi' ch'ʌmʌ jiñi ch'ich', tsi' tsijca ti' tojlel wiñicob x'ixicob, tsi' yʌlʌ: —Ili ch'ich' jiñʌch i sellojlel jiñi xuc'ul bʌ t'añ tsa' bʌ i mele lac Yum ti la' tojlel ti' pejtelel.

Exodo 29:16

Tsʌnsan jiñi tat tʌñʌme', mi caj a tsijcʌben i ch'ich'el ti' joytʌlel jiñi pulʌntib.

Exodo 29:20

Mi caj a tsʌnsan jiñi tat tʌñʌme', mi caj a ch'ʌmben i ch'ich'el ti a c'ʌb cha'añ ma' bomben ti' ñoj bʌ i c'unlel i chiquin Aarón, yic'ot ja'el ti' ñoj bʌ i c'unlel i chiquin i yalobilob. Yom ma' bombeñob ja'el ñoj bʌ i ña'al i c'ʌb yic'ot ñoj bʌ i ña'al i yoc yic'ot mi caj a tsijcan i colojbal jiñi ch'ich' ti' joytʌlel jiñi pulʌntib.

Levitico 1:11

Mi caj i tsʌnsañob ya' ti norte ya' ti' t'ejl i pulʌntib tic tojlel. Jiñi motomajob yic'ot i yalobilob Aarón mi caj i tsijcañob ti ch'ich' ti' joytʌlel jiñi pulʌntib.

Levitico 1:5

Jiñi motomajob i yalobilob Aarón mi caj i tsʌnsañob jiñi alʌc'ʌl tic tojlel. Mi caj i ch'ʌmob jiñi ch'ich' cha'añ mi' tsijcañob ti' joytʌlel i pulʌntib jiñi majtañʌl am bʌ ti' tojel i ti' jiñi Tabernáculo ba' mi la' tempan la' bʌ.

Levitico 3:2

La' i c'ʌcchocon i c'ʌb ti' jol jiñi alʌc'ʌl, la' i tsʌnsan ya' ti ti' jiñi Tabernáculo ba' mi la' tempan la' bʌ, ti wi'il jiñi motomajob, i yalobilob Aarón mi caj i tsijcañob ti' ch'ich'el jiñi alʌc'ʌl ti' joytʌlel jiñi pulʌntib.”

Levitico 3:8

Mi caj i yʌc' i c'ʌb ti' jol jiñi alʌc'ʌl, ti wi'il mi caj i tsʌnsan ya' ti ti' jiñi Tabernáculo ba' mi la' tempan la' bʌ. Ti wi'il i yalobilob Aarón mi caj i tsijcʌbeñob i ch'ich'el jiñi alʌc'ʌl ti' joytʌlel jiñi pulʌntib.”

Levitico 4:6

Jiñi motomaj mi caj i ts'aj i yal i c'ʌb ya' ti ch'ich' cha'añ mi' tsijcan wucyajl tic tojlel ya' ti' tojel jiñi joc'ol bʌ pisil ya' ti Ch'ujul bʌ Ajñibʌl.

1 Corintios 11:25

Che' ja'el, tsi' ch'ʌmʌ vaso che' bʌ tsa' ujti ti we'el, tsi' yʌlʌ: “Jiñi vaso jiñʌch i yejtal jiñi tsijib xuc'ul bʌ c t'añ wa'chocobil bʌ tic ch'ich'el. Che'ʌch yom mi la' mel ti jujunyajl che' mi la' jap cha'añ mi la' ña'tañon.”

Colosenses 1:20

cha'añ ti' caj i ye'tel Cristo, Dios tsi' yuts-esa pejtelel chuqui tac añ ti pañimil yic'ot ti panchan, Cristo tsi' ñʌch'choco pejtelel mu' bʌ i contrajin Dios che' bʌ tsa' bejq'ui i ch'ich'el ya' ti cruz.

Hebreos 12:24

tsa'ix c'otiyetla ba'añ Jesús, jiñi tsa' bʌ i yʌq'ueyonla jiñi tsijib xuc'ul bʌ t'añ tsijcʌbil ti' ch'ich'el cha'añ mi' ñusʌntel lac mul, ñumen uts'at i ch'ich'el che' bajche' i ch'ich'el Abel.

Hebreos 8:9

Mach lajalic bajche' jiñi xuc'ul bʌ t'añ tsa' bʌ c mele yic'ot i ñojte'elob, che' bʌ tsa' c chucbeyob i c'ʌb, cha'añ mic pʌyob loq'uel ti' lumal Egipto, ma'añic tsi' wen jac'ʌyob, jiñi cha'añ tsa' c tʌts'ʌ c bʌ ti' tojlelob, che'en lac Yum.

Hebreos 9:18

Jiñi ñaxan bʌ xuc'ul bʌ t'añ ja'el ma'añic i p'ʌtʌlel jinto tsa' bejq'ui ch'ich'.

Hebreos 9:19

Moisés tsi' su'bu pejtelel i mandar Dios ti' tojlel pejtelel wiñicob; ti wi'il tsi' ch'ʌmʌ i ch'ich'el alʌ wacax yic'ot i ch'ich'el chivo yic'ot ja', yic'ot chʌchʌc bʌ i tsutsel tʌñʌme', yic'ot pimel cha'añ mi' tsijcan i juñilel mandar yic'ot pejtelel wiñicob x'ixicob.

Hebreos 9:21

Che' ja'el tsi' tsijca ti ch'ich' jiñi pisil bʌ otot yic'ot pejtelel i bʌl mu' bʌ i c'ʌjñel ti' ye'tel Dios.

1 Pedro 1:19

Pero mʌmbiletla ti' ch'ich'el Cristo letsem bʌ i tojol, che' bajche' juncojt alʌ tat tʌñʌme' mach bʌ añic i chʌmel mi i bi'bi'lel.

1 Pedro 1:2

yajcʌbiletla che' bajche' tsi' wʌn ña'ta Dios lac Tat, jiñi Espíritu woli' sʌc-esañetla cha'añ mi la' jac'ben Jesucristo, yic'ot ja'el cha'añ mi la' tsijcʌntel ti' ch'ich'el Jesucristo. La' p'ojlesʌntic i yutslel yic'ot i ñʌch'tʌlel la' pusic'al.