Exodo 24:1 - Jiñi Tsiji' bʌ Wen T'añ cha'añ Estudio

¹ Lac Yum tsi' su'be Moisés: —Yom ma' letsel tilel ba'añon, temel a wic'ot Aarón, Nadab, Abiú, yic'ot lujuntiquil i chʌnc'al xñoxo' bʌ ti Israel yic'ot ñajt jach mi caj i c'uchchocoñob i bʌ.

Chol de Tumbalá Bible

¹ Lac Yum tsi' sube Moisés: Yom ma' letsel tilel ba' añon awic'ot Aarón, Nadab, Abiú, awic'ot lujuntiquil i chʌnc'al xñoxo' bʌ ti Israel. Ñajt mi caj i ch'ujutesañoñob.

Chol: I T’an Dios

¹ Lac Yum tsi' sube Moisés: Yom ma' letsel tilel ba' añon awic'ot Aarón, Nadab, Abiú, awic'ot lujuntiquil i chʌnc'al xñoxo' bʌ ti Israel. Ñajt mi caj i ch'ujutesañoñob.

Exodo 24:1 Iomraidhean Croise

Exodo 1:5

Añ lujuntiquil i chʌnc'al (70) i p'olbal Jacob ti' pejtelel. José ya'ix wʌn chumul ti Egipto.

Exodo 19:20

Tsa' ju'bi tilel lac Yum, tsa' c'oti ya' ti' pam wits i c'aba' Sinaí. Lac Yum tsi' su'be letsel Moisés ya' ti' pam wits, che' jiñi Moisés tsa' letsi majlel.

Exodo 19:24

Pero lac Yum tsi' su'be: —Yom ma' ju'bel, ti wi'il pʌyʌ letsel Aarón a wic'ot; pero jiñi motomajob yic'ot jiñi wiñicob x'ixicob mach yomic mi' c'axelob ba'añ jiñi mojon tac cha'añ mi' tilelob ba'añon, ame c jisañob.

Exodo 19:9

Lac Yum tsi' su'be: —Talon ba'añet ti pim bʌ tocal, cha'añ mi' yu'biñob jiñi israelob che' mic pejcañet, cha'añ mi' q'ueletob ti ñuc ti pejtelel ora. Moisés tsi' su'be Dios i t'añ jiñi israelob.

Exodo 20:21

Che' ñajt wa'alob wiñicob x'ixicob, Moisés tsi' lʌc'tesa i bʌ ba'añ Dios ya' ba'añ ic'yoch'an bʌ tocal.

Exodo 24:15

Che' jiñi tsa' letsi majlel Moisés ti wits. Junmojt tocal tsi' moso jiñi wits,

Exodo 24:2

Cojach Moisés mi caj i lʌc'tesan i bʌ ba'añon; ixcu jiñi yaño' bʌ ma'añic mi caj i lʌc'tesañob i bʌ mi jiñic israelob mi' mejlelob ti letsel ti wits.

Exodo 24:9

Tsa' letsi majlel ti wits Moisés yic'ot Aarón yic'ot Nadab yic'ot Abiú, yic'ot lujuntiquil i chʌnc'al (70) xñoxo' bʌ ti Israel,

Exodo 28:1

Yom ma' wa'chocon Aarón, jiñi a weran temel yic'ot i yalobilob, Nadab, Abiú, Eleazar, yic'ot Itamar cha'añ mi' coltañetob cha'añ mi' melbeñoñob que'tel ti motomaj ti' tojlel i yalobilob Israel.

Exodo 3:5

Dios tsi' yʌlʌ: —Mach a lʌc'tesan a bʌ; loc'san a warach ti a woc, come ch'ujul jiñi lum ba' wa'alet.

Exodo 34:2

Jiñi cha'añ chajpan a bʌ, cha'añ ijc'ʌl che' mi' sʌc'an ma' letsel ya' ti wits i c'aba' Sinaí. Yom ma' c'otel tic tojlel ya' ti' pam jiñi wits.

Exodo 6:23

Aarón tsi' pʌyʌ ti yijñam Elisabet i yalobil Aminadab, i yijts'in Naasón. Tsi' yʌc'ʌ ti pañimil Nadab, Abiú, Eleazar yic'ot Itamar.

Numeros 11:16

Jiñi cha'añ lac Yum tsi' su'be Moisés: —Tempʌbeñon lujuntiquil i chʌnc'al (70) wiñicob ñoxobix bʌ ti' tojlel israelob, cʌmbil bʌ a cha'añ año' bʌ i ye'tel, pʌyʌyob tilel ti ti' jiñi Tabernáculo ba' mi la' tempan la' bʌ, la' tem wa'lecob a wic'ot ya'i.

Lucas 10:1

Che' ujtemix iliyi, lac Yum tsi' yʌq'ueyob i ye'tel yam bʌ lajchʌntiquil i chʌnc'al (72). Tsi' chocoyob majlel ti cha'cha'tiquil cha'añ mi' majlelob ti ñaxan ti pejtelel tejclum yic'ot xchumtʌl ba' mi caj i majlel Jesús.

Lucas 10:17

Tsa' cha' tiliyob jiñi lajchʌntiquil i chʌnc'al, ti tijicñʌyelob, tsi' su'beyob: —C Yum, jiñi xi'bajob mi' loq'uelob che' mic su'ben lojon loq'uel ti a c'aba'.

Deuteronomio 1:15

“Jiñi cha'añ tsa' c pʌyʌ jiñi ñuc taco' bʌ i ye'tel ti la' tojlel año' bʌ ca'bʌl i ña'tʌbal yic'ot wen yujilo' bʌ e'tel, tsa' c wa'chocoyob ti' ye'tel ti la' tojlel. Añ tsa' bʌ i tajayob i ye'tel ti mil tac ti jujunmojt, yic'ot ti jo'jo'c'al tac, yic'ot ti lujuntiquil tac i yuxc'al, yic'ot ti lujuntiquil tac.