Exodo 23:1 - Jiñi Tsiji' bʌ Wen T'añ cha'añ Estudio

¹ Mach ma' p'ojlesan t'añ che' mach a wujilic mi isujm. Mach ma' laj a t'añ a wic'ot xjontolil cha'añ ma' mucben i mul.

Chol de Tumbalá Bible

¹ Mach ma' p'ojlesan t'an che' mach a wujilic mi isujm. Mach ma' cha'len lot cha'an ma' mucben i mul xjontolil.

Chol: I T’an Dios

¹ Mach ma' p'ojlesan t'an che' mach a wujilic mi isujm. Mach ma' cha'len lot cha'an ma' mucben i mul xjontolil.

Exodo 23:1 Iomraidhean Croise

Genesis 39:17

Jiñi cha'añ tsi' su'be jiñi jach bʌ t'añ i ñoxi'al, tsi' yʌlʌ: —Jiñi x'e'tel hebreo tsa' bʌ a pʌyʌ tilel, tsa' tili i ñop i pi'leñon cha'añ mi' yʌc'on ti quisin.

Exodo 20:16

Mach a cha'len jop't'añ ti' contra a pi'ʌl.

Exodo 23:7

Mach ma' jop'ben i mul a pi'ʌl che' mach isujmic, yic'ot mach ma' wʌc' ti tsʌnsʌntel jiñi mach bʌ añic i mul yic'ot jiñi toj bʌ, come ma'añic mi caj c ñusʌben i mul jiñi xjontolil.

Levitico 19:11

“Mach mi la' cha'len xujch', mach mi la' cha'len lot, mi yomic mi la' lotin la' pi'ʌlob.”

Levitico 19:16

“Mach yomic mi la' cha'len u'yaj t'añ ti' tojlel la' pi'ʌlob.” “Mach yomic mi la' ña'tan la' tsʌnsan la' pi'ʌlob, come Joñon, la' Yumon.”

Mateo 19:18

Jiñi wiñic tsi' c'ajti: —¿Chuqui ti mandar? Jesús tsi' su'be: —Mach a cha'len tsʌnsa, mach a cha'len ts'i'lel, mach a cha'len xujch', mach a cha'len jop't'añ,

Lucas 19:8

Jiñi cha'añ Zaqueo che' wa'al ti tojel lac Yum, tsi' su'be: —C Yum, mi caj cʌq'ueñob ojlil c chu'bʌañ jiñi mach bʌ añobic i chu'bʌañ, mi añ tsa' bʌ j chilbe i chu'bʌañ, mi caj c cha' sutq'uiben chʌnyajl i ñumel.

Lucas 3:14

Che' ja'el cha'tiquil uxtiquil soldadojob tsi' c'ajtibeyob: —Ixcu joñon lojon, ¿chuqui yom mic mel lojon? Juan tsi' su'beyob: —Mach mi la' chilben i taq'uiñ lac pi'ʌl mi juntiquilic. Mach mi la' pʌc' ti mulil mi juntiquilic. Yom tijicñayetla yic'ot la' tojol ti e'tel.

Juan 7:51

—¿Chuqui mi' yʌl jiñi mandar? ¿Mejl ba mi lac su'b mi añ i mul wiñic che' maxto u'bibilic i t'añ jiñi wiñic, che' maxto ña'tʌbilic chuqui tsi' mele?

Romanos 3:8

Lamital mi yʌlob cha'añ woliyon lojon ti cʌntesa che' bajche' iliyi: “La' lac cha'len jontolil cha'añ mi' p'ojlel chuqui tac uts'at.” Ili wiñicob woliyob ti lot, jiñi cha'añ yomʌch mi' tojob i mul che' bajche' yom.

Efesios 4:25

Jiñi cha'añ cʌyʌla lot. Cha'lenla t'añ ti isujm ti jujuntiquiletla yic'ot la' pi'ʌlob, come lac pi'ʌlʌch lac bʌ.

Deuteronomio 5:20

“Mach a cha'len jop't'añ ti' contra a pi'ʌl.”

2 Timoteo 3:3

Mach yujilobic c'uxbiya mi p'untaya, x'u'yajob, ma'añic mi' tic'ob i pusic'al, wen jontolob, mi' ts'a'leñob chuqui uts'at.

1 Pedro 3:16

Ajñenla ti uts'at cha'añ ma'añic mi' tejchel t'añ ti la' pusic'al. Che' jiñi mi caj i yu'biñob quisin la' contrajob mu' bʌ i [pʌq'uetla ti jontolil] che' mi' q'uelob wen bʌ la' melbal ti Cristo.

Apocalipsis 12:10

Che' jiñi tsa' cu'bi c'am bʌ t'añ ti panchan, tsi' yʌlʌ: “Wʌle tsa'ix tili i coltʌntel wiñicob x'ixicob yic'ot i p'ʌtʌlel yic'ot i yumʌntel lac Dios yic'ot i p'ʌtʌlel Cristo. Come tsa'ix chojqui ju'bel jiñi mu' bʌ i su'b i mul la quermañujob, jiñi mu' bʌ i su'b lac mul ti' tojlel Dios ti q'uiñil ti ac'ʌlel.