Exodo 2:3 - Jiñi Tsiji' bʌ Wen T'añ cha'añ Estudio

³ Che' bʌ ma'añix tsa' mejli i chʌn muc i yalobil, tsi' chajpa chiquib, tsi' boño ti asfalto yic'ot i yetsel te', tsi' yotsa i yalobil ti' mal jiñi chiquib, che' jiñi tsi' yʌc'ʌ ti' yojlil amʌyol am bʌ ti ti' ja',

Chol de Tumbalá Bible

³ Che' bʌ ma'anix tsa' mejli i chʌn muc i yalobil, tsi' chajpa chiquib melbil bʌ ti amʌy. Tsi' boño ti asfalto yic'ot i yetsel te'. Tsi' yotsa i yalobil ti' mal. Tsi yʌc'ʌ jini chiquib ti' yojlil amʌyol am bʌ ti' ti' ja'.

Chol: I T’an Dios

³ Che' bʌ ma'anix tsa' mejli i chʌn muc i yalobil, tsi' chajpa chiquib melbil bʌ ti amʌy. Tsi' boño ti asfalto yic'ot i yetsel te'. Tsi' yotsa i yalobil ti' mal. Tsi yʌc'ʌ jini chiquib ti' yojlil amʌyol am bʌ ti' ti' ja'.

Exodo 2:3 Iomraidhean Croise

Genesis 11:3

Ti jump'ejl bʌ q'uiñ tsa' caji i yʌlob: “La' lac mel ladrillo, mi lac pul ti c'ajc cha'añ mi lac c'ʌn.” Jiñi ladrillo tsi' c'ʌñʌyob i wentajlel xajlel, jiñi asfalto tsi' c'ʌñʌyob i wentajlel mezcla.

Genesis 14:10

Jiñi joctʌl i c'aba' Sidim but'ul ti' pozojlel tac asfalto, che' bʌ tsa' puts'iyob i rey Sodoma yic'ot i rey Gomorra, tsa' yajliyob lamital i wiñicob ya' ti' jiñi pozo tac; yaño' bʌ tsa' puts'iyob majlel ti wits.

Genesis 6:14

Mele barco ti gofer te', ma' mel tsalʌl tac ti' mal, ma' pʌc' yic'ot i yetsel te' ti' mal yic'ot ti' pat.

Exodo 1:22

Che' jiñi faraón tsi' yʌq'ue mandar pejtelel wiñicob x'ixicob ti' lumal: “Che' mi yilan pañimil ch'itoñ ti' tojlel hebreojob, chocola ti colem ja', pero yom cuxul mi' cʌytʌl jiñi xch'oc tacob.”

Mateo 2:13

Che' sujtemobix jiñi wiñicob, awilan, tsa' tsictiyi i yÁngel lac Yum ti' ñajal José. Jiñi ángel tsi' yʌlʌ: Ch'ojyen. Pʌyʌ majlel jiñi alʌl yic'ot i ña'. Puts'en ti Egipto, cʌlejen ya'i jinto mic su'beñet, come Herodes mi caj i sʌclan jiñi alʌl cha'añ mi' tsʌnsan.

Mateo 2:16

Tsa' caji ti ca'bʌl mich'ajel Herodes che' bʌ tsi' ña'ta tsa' lotinti cha'añ jiñi wiñicob año' bʌ ca'bʌl i ña'tʌbal. Tsi' yʌc'ʌ mandar cha'añ mi' tsʌnsʌntelob pejtelel alʌ ch'itoñob maxto bʌ ts'ʌcʌlic cha'p'ejl i ja'bilel ya' bʌ añob ti Belén yic'ot ti' joytʌlel. Yujilix jiñi rey Herodes jayp'ejlix i ja'bilel jiñi alʌl, come tsi' su'beyob jiñi wiñicob año' bʌ ca'bʌl i ña'tʌbal.

Hechos 7:19

Wen jontol ili rey, tsi' loti, yic'ot tsi' wen tic'la lac ñojte'elob, tsi' xic'beyob cha'añ mi' cʌyob jiñi alʌ to bʌ alʌlob ti' bajñelil cha'añ mi yʌc'ob ti chʌmel cha'añ mi' jilel i p'olbal Israel.