Exodo 19:12 - Jiñi Tsiji' bʌ Wen T'añ cha'añ Estudio

¹² Mi caj a mel mojon ba' jaxʌl yom mi' c'otelob wiñicob x'ixicob yic'ot mi caj c su'beñob: “Chʌcʌ q'uele la' bʌ cha'añ ma'añic mi la' letsel ti wits, mi yomic mi la' tʌl jiñi mojon; majqui jach mi' tʌl jiñi wits wersa mi caj i chʌmel.”

Chol de Tumbalá Bible

¹² Mi caj a mel mojon tac ya' ti' joytilel jini wits cha'an mach mi' ñumelob. Subeñob: “Chʌcʌ q'uele la' bʌ cha'an ma'anic mi la' letsel ti wits. Mach yomic ja'el mi la' tʌl jini wits. Majqui jach mi' tʌl jini wits wersa mi caj i chʌmel.

Chol: I T’an Dios

¹² Mi caj a mel mojon tac ya' ti' joytilel jini wits cha'an mach mi' ñumelob. Subeñob: “Chʌcʌ q'uele la' bʌ cha'an ma'anic mi la' letsel ti wits. Mach yomic ja'el mi la' tʌl jini wits. Majqui jach mi' tʌl jini wits wersa mi caj i chʌmel.

Exodo 19:12 Iomraidhean Croise

Exodo 10:28

Faraón tsi' su'be: —Loq'uen tic tojlel. Chʌcʌ q'uele a bʌ cha'añ ma'añic ma' chʌn tilel ba'añon, come mi tsa' cha' tiliyet ba'añon mi caj a chʌmel.

Exodo 19:21

Lac Yum tsi' su'be Moisés: —Yom ma' cha' ju'bel cha'añ ma' wʌq'ueñob mandar a pi'ʌlob, cha'añ mach mi' ñumelob ba'añ mojon tac cha'añ mi' q'ueloñob, come ca'bʌl mi caj i chʌmelob mi tsa' c'axiyob.

Exodo 19:23

Moisés tsi' su'be lac Yum: —Jiñi wiñicob x'ixicob mach mejlicob ti letsel ti wits i c'aba' Sinaí, come tsa' wʌq'ueyon lojon mandar, tsa' wʌlʌ: “Yom ma' wʌq'uen i mojonlel tac ili wits yic'ot sʌc-esan cha'añ ch'ujul mi yajñel.”

Exodo 24:2

Cojach Moisés mi caj i lʌc'tesan i bʌ ba'añon; ixcu jiñi yaño' bʌ ma'añic mi caj i lʌc'tesañob i bʌ mi jiñic israelob mi' mejlelob ti letsel ti wits.

Exodo 34:12

Cʌntan la' bʌ cha'añ ma'añic mi la' laj la' t'añ yic'ot jiñi wiñicob x'ixicob ya' ba' mi caj la' c'otel, cha'añ ma'añic mi la' tsajcʌbeñob i melbal.

Exodo 34:3

Mach yomic mi' letsel yam bʌ wiñic a wic'ot. Mi yomic mi' c'otelob ya' ti wits, mi tʌñʌme'ic, mi wacaxic yom mi' cha'leñob buc'bal ya' ti wits.

Deuteronomio 2:4

Su'beñob jiñi wiñicob x'ixicob: Che' mi la' ñumel ya' ti' lum la' pi'ʌlob, i yalobilob Esaú chumulo' bʌ ti Seir, mi' cajelob ti bʌq'uen cha'añetla; pero jatetla yom wen tsajiletla.

Deuteronomio 4:9

Jiñi cha'añ, tsajilet yic'ot cʌntan a bʌ ti uts'at, cha'añ ma'añic mi' ñajʌyel a cha'añ chuqui tac tsa' q'uele, mi yomic mi' yʌjñel ti a pusic'al che' cuxulet to; che' ja'el cʌntesan a walobilob yic'ot i yalobilob a walobilob.”

Hebreos 12:18

Come jatetla mach pʌybileticla ti wits che' bajche' israelob, ba' woli ti lejmel c'ajc, ba'añ bʌbʌq'uen bʌ sutujt ic' yic'ot ja'al, ba' ic'yoch'an pañimil,