Exodo 19:10 - Jiñi Tsiji' bʌ Wen T'añ cha'añ Estudio

¹⁰ Lac Yum tsi' su'be: —Cucu ba'añ wiñicob x'ixicob, sʌc-esañob wʌle yic'ot ijc'ʌl. La' i wuts'ob i pislel,

Chol de Tumbalá Bible

¹⁰ Cucu subeñob, la' i wʌn chajpañob i bʌ wʌle yic'ot ijc'ʌl. La' i wuts'ob i pislel.

Chol: I T’an Dios

¹⁰ Cucu subeñob, la' i wʌn chajpañob i bʌ wʌle yic'ot ijc'ʌl. La' i wuts'ob i pislel.

Exodo 19:10 Iomraidhean Croise

Genesis 35:2

Jiñi cha'añ Jacob tsi' su'be jiñi año' bʌ ti yotot yic'ot pejtelel año' bʌ ti' wenta: —Chocola loq'uel jiñi dios tac am bʌ la' cha'añ, sʌc-esan la' bʌ yic'ot q'uextan la' pislel.

Levitico 11:25

“Majqui jach mi' lot chʌmeñ bʌ alʌc'ʌl, yom mi' wuts' i pislel, bi'bi' mi' cʌytʌl c'ʌlʌl mi' bʌjlel q'uiñ.”

Levitico 15:5

Majqui jach mi' tʌlben i wʌyib, yom mi' wuts' i pislel, che' ja'el yom mi' cha'len ts'ʌmel, bi'bi'ʌch mi' cʌytʌl c'ʌlʌl mi yic'an.

Numeros 11:18

Pero mi caj a su'beñob jiñi wiñicob x'ixicob: Mi caj la' sʌc-esan la' bʌ ijc'ʌl, yic'ot mi caj la' c'ux we'elʌl, come tsa'ix la' cha'le uq'uel tic tojlel, tsa' la' wʌlʌ: ¡majqui mi caj i yʌq'ueñonla laj c'ux we'elʌl! ¡isujm ñumen uts'at che' bʌ ya'añonla ti Egipto! Joñon mi caj cʌq'ueñetla la' c'ux we'elʌl.

Numeros 19:19

Jiñi wiñic mach bʌ añic i bi'bi'lel tic wut, la' i tsijcan ti ja' jiñi bi'bi' bʌ che' ti yuxp'ejlel q'uiñ yic'ot che' ti wucp'ejlel q'uiñ. Che' bʌ tsa'ix ts'ʌctiyi wucp'ejl q'uiñ i sʌc-esʌntel jiñi wiñic mi caj i wuts' i pislel, mi' cajel ti ts'ʌmel, che' jiñi cha' sʌquix che' mi yic'an.

Numeros 31:23

pejtelel mach bʌ añic mi' jilel ti c'ajc, yom mi la' ñusan ti c'ajc cha'añ sʌc mi cʌlel, ti wi'il mi la' sʌc-esan ti jiñi ja' mu' bʌ la' c'ʌn cha'añ sʌc-esaya. Pero pejtelel jiñi mu' bʌ i jilel ti c'ajc, yom mi la' sʌc-esan ti ja'.

Numeros 31:24

Che' ja'el mi caj la' sʌc-esan la' pislel che' ti' wucp'ejlel q'uiñ, che' jiñi sʌc-esʌbil mi la' cʌytʌl; ti wi'il mi la' mejlel ti ochel ti tejclum.”

Numeros 8:21

Jiñi levijob tsi' sʌc-esayob i bʌ yic'ot tsi' wuts'uyob i pislel. Ti wi'il Aarón tsi' yʌc'ʌyob che' bajche' i majtañ lac Yum, yic'ot tsi' tsʌnsa tat wacax cha'añ mi' sʌc-esʌntelob.

Numeros 8:7

Jiñʌch bajche' mi caj a sʌc-esañob: tsijcañob ti jiñi ja' cha'añ i ñusʌntel mulil yic'ot ac'ʌ ti jujchintel i tsutsel i bʌc'tal; mi caj i wuts'ob i pislel, che' jiñi sʌc-esʌbilobix.

1 Corintios 6:11

Lamitaletla che'ʌch tsa' la' mele, pero wʌle pocbiletixla ti' c'aba' lac Yum Jesucristo, che' ja'el wolix la' q'uejlel ti toj cha'añ ti' c'aba' lac Yum Jesucristo yic'ot cha'añ ti yEspíritu lac Dios.

Hebreos 10:22

Jiñi cha'añ la' lac lʌc'tesan lac bʌ ba'añ Dios ti jump'ejl lac pusic'al, mach yomic tilebixel lac pusic'al che' mi lac ñop, yom sʌc-esʌbil lac pusic'al ti leco tac bʌ lac ña'tʌbal yic'ot yom pocbil lac bʌc'tal ti yʌx bʌ ja'.

Apocalipsis 22:14

“Tijicñayob mu' bʌ i wuts'ob i pislel cha'añ mi' mejlel i c'uxbeñob i wut jiñi te' i yejtal bʌ i cuxtʌlel yic'ot cha'añ mi yochelob ti ti' jiñi tejclum.

Apocalipsis 7:14

Tsa' c su'be: “C yum, awujil jatet.” Tsi' su'beyon: “Jiñobʌch tsa' bʌ loq'uiyob ti ñuc bʌ wocol. Tsa'ix i wuts'uyob i pislel, tsi' sʌc-esayob ti' ch'ich'el jiñi Tʌñʌme'.