Exodo 17:1 - Jiñi Tsiji' bʌ Wen T'añ cha'añ Estudio

¹ Pejtelel jiñi israelob tsi' techeyob i xʌmbal ya' ti tiquiñal lum i c'aba' Sin, c'unte' c'unte' tsi' xʌñʌyob majlel che' bajche' tsi' su'beyob lac Yum; tsa' c'otiyob ti jijlel ya' ti Refidim ya' ba' ma'añic ja' cha'añ mi' japob.

Chol de Tumbalá Bible

¹ Pejtel jini tejclum tsa' majli ti colem bʌ i tiquiñal lum i c'aba' Sin, che' bajche' tsi' subeyob lac Yum. Tsa' jijliyob ya' ti Refidim ba' ma'anic ja' cha'an mi' japob.

Chol: I T’an Dios

¹ Pejtel jini tejclum tsa' majli ti colem bʌ i tiquiñal lum i c'aba' Sin, che' bajche' tsi' subeyob lac Yum. Tsa' jijliyob ya' ti Refidim ba' ma'anic ja' cha'an mi' japob.

Exodo 17:1 Iomraidhean Croise

Exodo 15:22

Moisés tsi' pʌyʌ majlel israelob, tsi' cʌyʌyob jiñi Chʌchʌc bʌ Mar. Tsa' majliyob ti' tiquiñal lum i c'aba' Shur, uxp'ejl q'uiñ tsi' cha'leyob xʌmbal ya' ti' tiquiñal lum pero ma'añic tsi' tajayob ja'.

Exodo 16:1

Pejtelel jiñi israelob tsa' loq'uiyob ti Elim, tsa' c'otiyob ti' tiquiñal lum i c'aba' Sin am bʌ ti ojlil Elim yic'ot Sinaí, tsa' c'otiyob che' ti' jo'lujump'ejlel tsic che' ti' cha'p'ejlel uw che' loq'uemobix ti Egipto.

Exodo 17:8

Ti wi'il tsa' tiliyob amalecob, tsi' cha'leyob guerra ti' contra israelob ya' ti Refidim.

Exodo 19:2

Tsa' loq'uiyob ti Refidim, che' bʌ tsa' c'otiyob ti' tiquiñal lum i c'aba' Sinaí, ya'i tsa' jijliyob ti' tojel jiñi wits.

Numeros 20:2

Cha'añ ti' caj ma'añic ja', tsa' caji i tempañob i bʌ israelob cha'añ mi' contrajiñob Moisés yic'ot Aarón.

Numeros 9:17

Pero che' bʌ tsa' caji ti letsel majlel jiñi tocal am bʌ ya' ti' pam jiñi Tabernáculo, jiñi israelob tsi' techeyob i xʌmbal; ya' ba' tsa' wa'le jiñi tocal, ya' tsa' wa'leyob ja'el, ya'i tsi' wa'chocoyob jiñi pisil bʌ otot tac.

Numeros 9:23

Ti' mandar lac Yum tsa' jal-ayob yic'ot ti' mandar lac Yum tsi' techeyob i xʌmbal. Che'ʌch tsi' jac'beyob i mandar lac Yum jiñi israelob, che' bajche' lac Yum tsi' wʌn su'be Moisés.