Exodo 16:3 - Jiñi Tsiji' bʌ Wen T'añ cha'añ Estudio

³ Jiñi israelob tsi' su'beyob: —Uts'at tsa'ic i tsʌnsayon lojon lac Yum ya' ti' lumal Egipto, ba' tsa' buchleyon lojon ti c'ux waj yic'ot we'elʌl añ tac bʌ ti p'ejt, jinto tsa' ñaj-ayon lojon, pero tsa'ix a pʌyʌyon lojon tilel ba'añ i tiquiñal lum cha'añ ma' tsʌnsan ti wi'ñal pejtelel ili wiñicob x'ixicob.

Chol de Tumbalá Bible

³ Tsi' subeyob: Uts'at tsa'ic i jisayonla lac Yum ya' ti' lumal egiptojob ba' tsa' buchleyonla ti we'el ba' jasʌl tsa' laj c'uxu waj, come tsa'ix a pʌyʌyon lojon tilel ba' tiquin lum cha'an ma' tsʌnsañon ti wi'ñal tic pejtelel lojon, che'ob.

Chol: I T’an Dios

³ Tsi' subeyob: Uts'at tsa'ic i jisayonla lac Yum ya' ti' lumal egiptojob ba' tsa' buchleyonla ti we'el ba' jasʌl tsa' laj c'uxu waj, come tsa'ix a pʌyʌyon lojon tilel ba' tiquin lum cha'an ma' tsʌnsañon ti wi'ñal tic pejtelel lojon, che'ob.

Exodo 16:3 Iomraidhean Croise

Exodo 14:11

yic'ot tsi' su'beyob Moisés: —¿Mach ba añic mucoñibʌl ya' ti Egipto? ¿Chucoch tsa' pʌyʌyon lojon tilel ti chʌmel ila ti' tiquiñal lum? ¿Chucoch che' tsa' melbeyon lojon bajche' iliyi? ¿Chucoch tsa' pʌyʌyon lojon loq'uel ti Egipto?

Exodo 17:3

Jiñi cha'añ jiñi wiñicob x'ixicob tsa' tiquiyob i ti', tsi' cha'leyob wulwul t'añ ti' contra Moisés, tsi' yʌlʌyob: —¿Chucoch tsa' pʌyʌyon lojon loq'uel ti Egipto cha'añ ma' tsʌnsañon lojon ti tiquinti' yic'ot calobil lojon yic'ot cʌlac' lojon?

Exodo 2:23

Che' bʌ tsa' ñumi ca'bʌl q'uiñ, tsa' chʌmi jiñi rey ti Egipto. Jiñi israelob año' bʌ ti Egipto tsi' cha'leyob ajcʌn cha'añ tsʌts bʌ e'tel, tsi' cha'leyob wocol t'añ; Dios tsi' yu'bibeyob i t'añ cha'añ ca'bʌl wocol e'tel.

Exodo 5:21

Tsi' yʌlʌyob: —La' i meletla lac Yum come tsa'ix la' wʌc'ʌyon lojon ti ts'a'lentel ti' tojlel faraón yic'ot ti' tojlel c pi'ʌlob lojon. Tsa'ix la' techbe i mich'ajel faraón cha'añ mi' tsʌnsañon lojon.

Numeros 11:15

Mi che'ʌch mi caj a mel tic tojlel, awocolic tsʌnsañoñix mi añʌch i yutslel a pusic'al tic tojlel, cha'añ che' jiñi ma'añix mi caj c chʌn q'uel jiñi wocol.

Numeros 11:20

ti' jump'ejlel uw mi caj la' c'ux jinto che' muq'uix la' cha' bi'len, yic'ot che' mach la womix la' chʌn q'uel, come tsa' la' ts'a'leyon che' bʌ ya'añon ti ojlil la' wic'ot, tsa' la' cha'le uq'uel, tsa' la' wʌlʌ: ¿Chucoch tsa' loq'uiyonla tilel ti Egipto?

Numeros 14:2

Ti pejtelel israelob tsa' caji i contrajiñob Moisés yic'ot Aarón. Jiñi wiñicob x'ixicob tsi' yʌlʌyob: “¡Uts'at tsa'ic chʌmiyon lojon ti' lumal Egipto! ¡uts'at muq'uic lac chʌmel wʌ' ti tiquiñal lum!

Numeros 14:3

¿Chucoch woli' pʌyon lojon tilel lac Yum ti ili lum cha'añ mic tsʌnsʌntel lojon ti espada, yic'ot chucoch jiñi quijñam lojon yic'ot calobilob lojon mi' chujquelob majlel cha'añ ti' caj guerra? ¿Mach ba uts'atic che' mic cha' sujtel lojon ti Egipto?”

Numeros 16:13

¿Mach ba añic a mul ma' wu'bin che' bʌ tsa' pʌyʌyon lojon loq'uel ya' ti lum ba'añ leche yic'ot cha'b, cha'añ ma' wʌc'on lojon ti chʌmel ila ti colem bʌ i tiquiñal lum yic'ot ja'el awomix cha'añ mic yumañet lojon?

Numeros 16:41

Che' ti yijc'ʌlal, pejtelel jiñi israelob tsa' cajiyob ti wulwul t'añ ti' contra Moisés yic'ot Aarón, tsi' yʌlʌyob: “Jatetla tsa'ix la' wʌc'ʌ ti chʌmel i tejclum lac Yum.”

Numeros 21:5

tsa' cajiyob ti wulwul t'añ ti' contra Dios yic'ot ti' contra Moisés: “¿Chucoch tsa' pʌyʌyon lojon loq'uel ti Egipto cha'añ ma' wʌc'on lojon ti chʌmel ila ti' tiquiñal lum? Come ilayi ma'añic waj yic'ot ja', tsa'ix c'ojyi j c'ux lojon jiñi waj mach bʌ p'ʌtʌlic tic ñʌc' lojon.”

Hechos 26:29

Pablo tsi' yʌlʌ: —Uts'at mi ti junyajlel ma' ñop che' bajche'on, mach cojic jach jatet, pero pejtelel mu' bʌ i yu'biñob c t'añ wʌle, uts'at mi lajaletla quic'ot anquese mach cʌchʌleticla ti cadena.

1 Corintios 4:8

Mi la' lon al jasʌlix la' cʌntesʌntel ti Dios, ca'bʌlix la' ña'tʌbal. Che' mach ya'ic añon lojon la' wic'ot mi la' lon mel la' bʌ che' bajche' reyetla. Uts'at, aja reyeticla cha'añ che' jiñi temel mi lac cha'len yumʌntel.

2 Corintios 11:1

Uts'at mi tsa' la' ts'ita' cuchbeyon c t'añ, anquese tonto yu'bil.

Deuteronomio 28:67

Che' ti sʌc'ajel mi caj la' wʌl: “¡Uts'atax ic'ajeliquix wʌle!”, ixcu che' ti ic'ajel mi caj la' wʌl: “¡Uts'atax sʌc'ajeliquix wʌle!”, che'etla. Come tsiltsilña la' pusic'al cha'añ ca'bʌl bʌq'uen yic'ot cha'añ chuqui tac mi caj la' q'uel.

Deuteronomio 8:3

Tsi' yʌq'ueyetla wocol, tsi' yʌq'ueyetla la' wu'bin wi'ñal, pero tsi' yʌq'ueyetla la' c'ux maná mach bʌ cʌmbilic i cha'añ la' ñojte'elob mi jateticla, cha'añ mi' yʌq'ueñetla la' ña'tan mach cojic jach ti waj cuxulob wiñicob x'ixicob, pero cuxul mi' yajñel wiñicob x'ixicob ti pejtelel t'añ mu' bʌ i yʌl Dios.