Exodo 16:12 - Jiñi Tsiji' bʌ Wen T'añ cha'añ Estudio

¹² —Tsa'ix cu'bibeyob che' bʌ tsi' cha'leyob wulwul t'añ jiñi israelob. Su'beñob: “Che' ti ic'ajel mi caj la' c'ux we'elʌl, che' ti sʌc'ajel mi caj la' ñaj-añ ti waj. Che' jiñi mi caj la' ña'tan joñon la' Yumon la' Dioson.”

Exodo 16:12 Iomraidhean Croise

Exodo 6:7

Mi caj cotsañetla tic tejclum yic'ot mi caj cochel ti la' Dios. Che' jiñi mi caj la' ña'tan Yumʌlon, la' Dioson, tsa' bʌ c pʌyʌyetla loq'uel ti wocol e'tel ti' tojlel egiptojob.

Exodo 7:17

Jiñi cha'añ lac Yum woli' yʌl: Mux caj a ña'tan cha'añ joñon Yumʌlon: Mi caj c jats' tic barajte' jiñi ja' Nilo. Jiñi ja' mi caj i pʌntʌyel ti ch'ich'.

Exodo 4:5

—Che' jiñi mi caj i ña'tañob tsa' c pʌsʌ c bʌ ti a tojlel. A Yumon, i Dioson a tatob, i Dioson Abraham, i Dioson Isaac yic'ot i Dioson Jacob.

Exodo 12:6

Mi caj la' cʌntan chʌnlujump'ejl q'uiñ ti ili uw, che' ti ili tsic mi caj i tsʌnsañob tʌñʌme' tac pejtelel israelob che' ti ic'ajel.

Exodo 16:11

Lac Yum tsi' su'be Moisés:

Levitico 11:44

Come joñon la' Yumon, la' Dioson. Jiñi cha'añ cʌntan la' bʌ cha'añ sʌc mi la' wajñel yic'ot cha'añ ch'ujul mi la' wajñel, come joñon ch'ujulon. Jiñi cha'añ mach mi la' bi'b-esan la' bʌ yic'ot ili jexecña tac bʌ mi cha'len xʌmbal ti lum.

Numeros 14:27

—¿Jayp'ejl to ora mi caj cuchbeñob i mul ili jontolo' bʌ wiñicob woliyo' bʌ ti wulwul t'añ tij contra? Tsa'ix cu'bibeyob i t'añ jiñi israelob cha'añ woli i contrajiñoñob.

Numeros 11:4

Jiñi wiñicob mach bʌ israelobic tsa' bʌ i xʌbʌyob i bʌ yic'otob, tsa' cajiyob ti wulwul t'añ cha'añ ti' caj jiñi wi'ñal, yic'ot jiñi israelob tsa' cajiyob ti wo'wo' uq'uel ja'el, tsi' yʌlʌyob: “¡Majqui mi caj i yʌq'ueñonla laj c'ux we'elʌl!