Exodo 13:9 - Jiñi Tsiji' bʌ Wen T'añ cha'añ Estudio

⁹ Ili q'uiñijel mi caj i c'ʌjñibʌyel che' bajche' i yejtal ti a c'ʌb yic'ot ti a pam cha'añ ma' chʌn ña'tan, cha'añ ma' chʌn tsictesan ti a wej i mandar lac Yum, come ti p'ʌtʌl bʌ i c'ʌb lac Yum tsi' loc'sayetla ti Egipto.

Chol de Tumbalá Bible

⁹ Jiñʌch i yejtal cha'an i cha'añetixla lac Yum che' bajche' jump'ejl ejtalʌl am bʌ ti la' c'ʌb mi ti la' pam, cha'an mi la' chʌn ña'tan i cʌntesʌbal lac Yum, come ti' p'ʌtʌlel lac Yum tsi' pʌyʌyetla loq'uel ti Egipto.

Chol: I T’an Dios

⁹ Jiñʌch i yejtal cha'an i cha'añetixla lac Yum che' bajche' jump'ejl ejtalʌl am bʌ ti la' c'ʌb mi ti la' pam, cha'an mi la' chʌn ña'tan i cʌntesʌbal lac Yum, come ti' p'ʌtʌlel lac Yum tsi' pʌyʌyetla loq'uel ti Egipto.

Exodo 13:9 Iomraidhean Croise

Exodo 12:14

Jiñʌch ili q'uiñ yom bʌ mi caj la' chʌn ña'tan yic'ot mi caj la' mel ch'ujul bʌ q'uiñijel cha'añ c ña'tʌntel ti pejtelel ora ti' tojlel la' p'olbal ti' lajm ti' lajm; jiñʌch c mandar yom bʌ mi la' jac' ti pejtelel ora.

Exodo 12:41

Ti jiñi jach bʌ q'uiñ che' bʌ tsa' ts'ʌctiyi jumbajc' yic'ot lujump'ejl i cha'c'al ja'b, tsa' loq'uiyob ti' lumal Egipto pejtelel i cha'año' bʌ lac Yum.

Exodo 13:14

Tal i yorajlel che' mi caj i c'ajtibeñetla la' walobilob: “¿Chuqui isujmlel iliyi?”, Mi caj la' jac'ben: “Lac Yum tsi' loc'sayonla ti p'ʌtʌl bʌ i c'ʌb ti Egipto, ya' ba'añ majtañ e'tel;

Exodo 13:16

Mi caj i c'ʌjñibʌyel che' bajche' i yejtal ti laj c'ʌb o ti lac pam cha'añ mi lac chʌn ña'tan che' bajche' lac Yum tsi' loc'sayonla ti Egipto ti p'ʌtʌl bʌ i c'ʌb.”

Exodo 13:3

Moisés tsi' su'be wiñicob x'ixicob: Yom mi la' chʌn ña'tan ili q'uiñ che' woli la' loq'uel ti Egipto ba' chucbiletla ti to'ol e'tel, come lac Yum woli' loc'sañetla ti p'ʌtʌl bʌ i c'ʌb; jiñi cha'añ mach mi la' c'ux waj am bʌ i levadurajlel.

Exodo 3:20

Pero joñon mi caj c pʌsben i p'ʌtʌlel j c'ʌb, mi caj cʌq'ueñob wocol jiñi egiptojob, mi caj c pʌsbeñob c p'ʌtʌlel ti ñuc tac bʌ c melbal, che' jiñi ti wi'il mi caj i choquetla majlel.

Exodo 7:4

Jiñi faraón ma'añic mi caj i ñʌch'tan la' t'añ, pero joñon mi caj c sʌts' j c'ʌb ti' contra egiptojob. Mi caj c loc'san ti' lumal Egipto, jiñi yalobilob Israel, jiñi c tejclum yic'ot bʌbʌq'uen tac bʌ c melbal.

Numeros 15:39

Che' mi' la' q'uel i ch'ʌjlil i ti' la' bujc yom mi la' c'ajtesan ti la' pusic'al pejtelel c mandar. Che' jiñi ts'ʌcʌl mi caj la' chʌn mel, ma'añix mi caj la' jac'ben jiñi mu' bʌ la' bajñel ña'tan la' pusic'al yic'ot mu' bʌ i q'uel la' wut, come jiñʌch mu' bʌ i yʌq'uetla ti ts'i'lel.

Mateo 23:5

Ti pejtelel i melbal tac mi' melob cha'añ jach mi' q'uejlel ti' wut wiñicob. Mi' cʌchob ti' jol yic'ot ti' c'ʌb mero ñuc bʌ i yajñib ts'ijbubil bʌ i t'añ Dios. Mi' melob wen tam bʌ i ch'ʌjlib i yoc i bujc mu' bʌ i xojob ti oración.

Romanos 10:8

Pero ¿chuqui mi yʌl? “Lʌc'ʌl añ jiñi t'añ ba' añet, añ ti a wej yic'ot añ ti a pusic'al.” Jiñʌch jiñi wen t'añ mu' bʌ c su'b lojon cha'añ mi la' ñop.

Deuteronomio 30:14

Come c'ax lʌc'ʌl jax añ ti la' tojlel jiñi t'añ, ya'ʌch añ ti la' wej yic'ot ti la' pusic'al, cha'añ mi la' jac'.

Deuteronomio 5:15

Yom ma' ña'tan xmajtan e'telet ti yam bʌ ora ti' lumal Egipto, pero Joñon a Yum Dios tsa' c loc'sayet ti p'ʌtʌl bʌ j c'ʌb, jiñi cha'añ mic su'beñet cha'añ ma' c'aj a woj ti' q'uiñilel c'aj-o.”

Deuteronomio 6:21

mi caj la' su'ben la' walobilob: “Ti yam bʌ ora mozojon lojon ti Egipto ti' tojlel faraón, pero lac Yum tsi' loc'sayon lojon ti p'ʌtʌl bʌ i c'ʌb ya' ti Egipto.

Deuteronomio 6:6

Ts'ijbanla cʌytʌl ti la' pusic'al ili t'añ mu' bʌ c su'beñetla wʌle.

Deuteronomio 6:8

Mi caj la' cʌch ti la' c'ʌb yic'ot ti la' pam ba' ts'ijbubil jiñi mandar, che' bajche' i yejtal;

Apocalipsis 18:8

Jiñi cha'añ ti jump'ejl jach q'uiñ mi caj i tilel ca'bʌl i wocol. Mi caj i chʌmel, mi caj i cha'len uq'uel, mi caj i yu'bin wi'ñal. Mi caj i pulel ti c'ajc, come p'ʌtʌl lac Yum Dios mu' bʌ i mel Babilonia.