Exodo 13:5 - Jiñi Tsiji' bʌ Wen T'añ cha'añ Estudio

⁵ Che' ba ora lac Yum tsa'ix yotsayetla ti' lumal cananeojob yic'ot heteojob yic'ot amorreojob yic'ot heveojob yic'ot jebuseojob, ya' baqui lac Yum tsi' wʌn su'be la' tatob cha'añ mi caj i yʌq'ueñetla jiñi lum ba'añ ca'bʌl leche yic'ot cha'b, mi caj la' chʌn mel ili q'uiñijel ti ili uw.

Chol de Tumbalá Bible

⁵ Lac Yum tsa'ix i yʌq'ueyob i t'an la' tat cha'an mi' yʌq'ueñetla i lumal cananeojob yic'ot heteojob yic'ot amorreojob yic'ot heveojob yic'ot jebuseojob. Ti jini lum an cabʌl lech yic'ot chab. Ya'i mi caj la' chʌn mel jini q'uiñijel ti jini uw ti marzo.

Chol: I T’an Dios

⁵ Lac Yum tsa'ix i yʌq'ueyob i t'an la' tat cha'an mi' yʌq'ueñetla i lumal cananeojob yic'ot heteojob yic'ot amorreojob yic'ot heveojob yic'ot jebuseojob. Ti jini lum an cabʌl lech yic'ot chab. Ya'i mi caj la' chʌn mel jini q'uiñijel ti jini uw ti marzo.

Exodo 13:5 Iomraidhean Croise

Genesis 26:3

Yom ma' wajñel ti jiñi lum maxto bʌ a cha'añic. Mi caj cajñel a wic'ot yic'ot mi caj cʌq'ueñet i yutslel c t'añ, come mi caj cʌq'ueñet yic'ot a p'olbal pejtelel ili lum. Mi caj c ts'ʌctesan jiñi t'añ tsa' bʌ c su'be Abraham a tat.

Genesis 50:24

Ti jump'ejl bʌ q'uiñ José tsi' su'be i yerañob: —Joñon mi caj c chʌmel pero Dios ti' isujm mi caj i ña'tañetla, mi caj i pʌyetla loq'uel ti ili lum, mi caj i pʌyetla majlel ti lum tsa' bʌ i su'beyob Abraham, Isaac yic'ot Jacob.

Exodo 12:24

Mi caj la' chʌn mel iliyi che' bajche' mandar, jatetla yic'ot la' walobilob ti pejtelel ora.

Exodo 13:10

Jiñi cha'añ mi caj la' mel ili q'uiñijel ti jujump'ejl ja'b che' ti yorajlel tac.

Exodo 13:11

Che' ba' ora lac Yum tsa'ix i pʌyʌyetla ochel ti' lumal cananeojob, che' bajche' tsi' wa'choco i t'añ ti la' tojlel yic'ot ti' tojlel la' tatob, che' bʌ tsa'ix i yʌq'ueyetla jiñi lum,

Exodo 3:17

Tsa'ix cʌq'ueyetla c t'añ: mi caj c loc'sañetla ti Egipto ba' woliyetla ti wocol, mi caj c pʌyetla ochel ti' lum cananeojob, heteojob, amorreojob, ferezeojob, heveojob yic'ot jebuseojob, ti jump'ejl lum ba'añ ca'bʌl leche yic'ot cha'b.”

Exodo 3:8

Tsa'ix ju'biyon tilel cha'añ mic loc'sañob ti jiñi lum cha'añ mic pʌyob ochel ti ñuc bʌ yic'ot ti wen bʌ lum ba'añ ca'bʌl leche yic'ot cha'b. Jiñʌch i lumal cananeojob, yic'ot heteojob, yic'ot amorreojob, yic'ot ferezeojob, yic'ot heveojob yic'ot jebuseojob.

Exodo 32:13

Ña'tan Abraham yic'ot Isaac yic'ot Israel, jiñi a wiñicob, tsa' bʌ a wʌq'ueyob a t'añ che' bʌ tsa' wʌlʌ: “Joñon mi caj c p'ojlesan la' p'olbal, che' bajche' c'amel añ ec' ti panchan yic'ot mi caj cʌq'ueñob la' p'olbal pejtelel ili lum tsa' bʌ c su'beyetla yic'ot mi caj i ch'ʌmob ti' wenta ti pejtelel ora.”

Exodo 33:1

Lac Yum tsi' su'be Moisés: —Cucu, letsen ilayi, jatet yic'ot ili tejclum tsa' bʌ a loc'sa ti' lumal Egipto. Cucula ya' ti jiñi lum tsa' bʌ c wʌn su'be Abraham yic'ot Isaac yic'ot Jacob che' tsa' c su'beyob: “Mi caj cʌq'uen la' p'olbal jiñi lum”.

Exodo 34:11

Jac'ʌ jiñi mu' bʌ c su'beñet wʌle. Joñon mi caj c choc loq'uel ti la' tojlel jiñi amorreojob, jiñi cananeojob, jiñi heteojob, jiñi ferezeojob, jiñi heveojob, yic'ot jiñi jebuseojob.

Exodo 6:4

Che' ja'el tsa' cʌq'ueyob xuc'ul bʌ c t'añ cha'añ mi caj cʌq'ueñob i lumal Canaán ba' tsa' poj chumleyob.

Exodo 6:8

Mi caj c pʌyetla ochel ti jiñi lum ya' baqui tsa' c sʌts'ʌ j c'ʌb che' bʌ tsa' cʌc'ʌ xuc'ul bʌ c t'añ cha'añ mi caj cʌq'ueñob Abraham yic'ot Isaac yic'ot Jacob. Mi caj cʌq'ueñetla cha'añ la' cha'añʌch ti pejtelel ora. Joñon Yumʌlon.”

Levitico 20:24

Pero jatetla tsa'ix c su'beyetla: cha'añ mi caj la' ch'ʌmbeñob i lum, joñon mi caj cʌq'ueñetla cha'añ mi la' chumtʌl, jiñi lum, mi yʌc' ca'bʌl leche yic'ot cha'b.” “Joñoñʌch la' Yumon, la' Dioson, tsa' bʌ c yajcayetla ti' tojlel pejtelel jiñi yan tac bʌ tejclum.

Numeros 11:12

¿Calobilob ba ti' pejtelel ili tejclum? ¿I taton ba, cha'añ ma' su'beñon: “Pʌyʌyob majlel ti a t'ejl cha'añ ma' cʌntañob che' bajche' x'ixic mu' bʌ i mec' majlel i yalobil cha'añ mi' tsu'san c'ʌlʌl ti jiñi lum tsa' bʌ a wʌn su'beyob c ñojte'el lojon cha'añ ma' wʌq'ueñob”?

Numeros 13:27

Che' ja'el tsi' su'beyob: “Tsa' c'otiyon lojon ya' ba' tsa' chocoyon lojon majlel, isujm añʌch ca'bʌl leche yic'ot cha'b; iliyi jiñʌch i wut jiñi pʌc'ʌbʌl tac.

Numeros 14:16

Jiñi i Yum ma'añic tsa' mejli i pʌyob majlel ya' ti lum baqui tsi' wʌn su'be cha'añ mi caj i yʌq'ueñ, jiñi cha'añ tsi' yʌc'ʌ ti chʌmel ya' ti tiquiñal bʌ pañimil.

Numeros 14:30

Mi juntiquilic ti la' tojlel mi caj i yochel ti jiñi lum tsa' bʌ cʌlʌ cha'añ mi caj la' ch'ʌm, cojach Caleb i yalobil Jefone, yic'ot Josué i yalobil Nun, mi caj i yochelob ti jiñi lum.

Numeros 32:11

“Jiñi wiñicob tsa' bʌ loq'uiyob ti Egipto año' bʌ jujunc'al i ja'bilel c'ʌlʌl ti' ñoxlel, ma'añic mi caj i q'uelob jiñi lum tsa' bʌ c wʌn su'beyob ti xuc'ul bʌ c t'añ jiñi Abraham, Isaac, yic'ot Jacob, come mach xuc'ulobic i pusic'al tic tojlel,

Deuteronomio 12:29

Che' ba' ora lac Yum Dios tsa'ix i jisa jiñi wiñicob x'ixicob ya' ba' mi caj la' ch'ʌm cha'añ mi la' chumtʌl ya' ti' lumob,

Deuteronomio 19:1

Che' ba' ora a Yum Dios mi caj i jisan jiñi xchumtʌlob ya' ba' mi caj i yʌq'ueñet a Yum Dios cha'añ ma' ch'ʌm yic'ot cha'añ ma' wochel ti chumtʌl ti' tejclumob yic'ot ti yototob,

Deuteronomio 26:1

Che' ochemetix ti chumtʌl ti jiñi lum mu' bʌ i yʌq'ueñet lac Yum Dios,

Deuteronomio 7:1

Che' ba' ora lac Yum Dios tsa'ix i pʌyʌyetla ochel ti jiñi lum mu' bʌ caj la' ch'ʌm yic'ot che' bʌ tsa'ix i choco loq'uel ca'bʌl tejclumob ti la' tojlel, che' bajche' heteojob, gergeseojob, amorreojob, cananeojob, ferezeojob, heveojob yic'ot jebuseojob; jiñʌch wucpejt tejclum ñumen oño' bʌ yic'ot ñumen p'ʌtʌlo' bʌ bajche' jatetla.