Exodo 11:3 - Jiñi Tsiji' bʌ Wen T'añ cha'añ Estudio

³ Lac Yum tsi' ñijcʌbeyob i pusic'al egiptojob cha'añ mi' pʌsbeñob i yutslel i pusic'al jiñi israelob. Che' ja'el Moisés wen ñuc tsa' q'uejli ti pejtelel i lumal egiptojob, wen ñuc ti' wut i wiñicob faraón yic'ot ti' wut pejtelel egiptojob.

Chol de Tumbalá Bible

³ Lac Yum tsi' nijcʌbeyob i pusic'al egiptojob cha'an mi' pʌsbeñob i yutslel i pusic'al jini hebreojob. Wen ñuc tsi' q'ueleyob pejtel egiptojob. Wen ñuc ti' wutob i winicob Faraón yic'ot ti' wutob pejtel egiptojob.

Chol: I T’an Dios

³ Lac Yum tsi' nijcʌbeyob i pusic'al egiptojob cha'an mi' pʌsbeñob i yutslel i pusic'al jini hebreojob. Wen ñuc tsi' q'ueleyob pejtel egiptojob. Wen ñuc ti' wutob i winicob Faraón yic'ot ti' wutob pejtel egiptojob.

Exodo 11:3 Iomraidhean Croise

Genesis 12:2

Mi caj cʌq'ueñet ca'bʌl a p'olbal, mi caj cʌq'ueñet a wenlel, mi caj cʌc' ti cʌjñel a c'aba', yic'ot mi caj i tajob i wenlel wiñicob x'ixicob ti pejtelel pañimil cha'añet.

Genesis 39:21

Pero lac Yum tsa' ajñi yic'ot José, tsi' pʌsbe i yutslel i pusic'al, tsi' yʌc'ʌ ti q'uelol ti uts'at ti' tojlel jiñi xcʌnta mʌjquibʌl.

Exodo 12:35

Jiñi israelob tsi' meleyob che' bajche' tsi' su'beyob Moisés, tsi' c'ajtibeyob egiptojob i ch'ʌjlilob melbil bʌ ti plata yic'ot ti oro yic'ot bujcʌl tac.

Exodo 12:36

Lac Yum tsi' ñijcʌbeyob i pusic'al egiptojob cha'añ mi' q'uelob ti uts'at jiñi israelob, jiñi cha'añ jiñi egiptojob tsi' yʌq'ueyob i majtañ jiñi israelob che' bajche' c'amel tsi' c'ajtiyob. Che'ʌch tsi' ch'ʌmbeyob i chu'bʌañ jiñi egiptojob.

Exodo 3:21

Mi caj c ñijcʌbeñob i pusic'al jiñi egiptojob cha'añ mi' q'ueletla ti uts'at, cha'añ mi' yʌq'ueñet la' majtañ. Che' mi la' majlel, mach to'ol che'ic jach mi caj la' majlel.

Hechos 7:22

Tsa' wen cʌntesʌnti Moisés ti pejtelel i ña'tʌbal egiptojob, wen ch'ejl ti t'añ yic'ot ti e'tel.

Deuteronomio 34:10

Ma'añic yam bʌ juntiquil x'alt'añ tsa' bʌ tili ti' tojlel israelob che' bajche' Moisés tsa' bʌ i cha'le t'añ yic'ot lac Yum, come tsi' pejca ti' wut;

Deuteronomio 34:11

ma'añic yam bʌ bajche' Moisés come tsi' cha'le ñuc tac bʌ i ye'tel yic'ot bʌbʌq'uen tac bʌ tsa' bʌ i su'be i mel lac Yum ya' ti' lumal Egipto, ti' contra faraón yic'ot ti' wut pejtelel año' bʌ i ye'tel ti Egipto yic'ot ti pejtelel i lumal;

Apocalipsis 3:9

Awilan, mi caj c pʌy tilel ti la' tojlel i cha'año' bʌ Satanás, wiñicob mu' bʌ i cha'leñob lot, mi' cuyob i bʌ ti israelob anquese mach israelobic, mux caj c pʌyob tilel cha'añ mi' ñocchocoñob i bʌ ti' tojel la' woc, mi caj i ña'tañob c'ux mi cubiñetla.