Exodo 10:9 - Jiñi Tsiji' bʌ Wen T'añ cha'añ Estudio

⁹ Moisés tsi' jac'ʌ: —Mic majlel lojon yic'ot alobob, yic'ot xñoxob, yic'ot ch'itoño' bʌ yic'ot xch'octaco' bʌ calobilob lojon; mi caj c majlel lojon yic'ot c tʌñʌme' lojon yic'ot c wacax lojon, come jiñʌch ñuc bʌ q'uiñijel cha'añ c Yum lojon.

Chol de Tumbalá Bible

⁹ Moisés tsi' jac'ʌ: Mic majlel lojon quic'ot alobob, quic'ot xñoxob, quic'ot ch'itoño' bʌ, quic'ot xch'oc bʌ calobilob lojon, yic'ot alʌc'ʌl tac, cha'an mic melben lojon q'uin c Yum lojon, che'ob.

Chol: I T’an Dios

⁹ Moisés tsi' jac'ʌ: Mic majlel lojon quic'ot alobob, quic'ot xñoxob, quic'ot ch'itoño' bʌ, quic'ot xch'oc bʌ calobilob lojon, yic'ot alʌc'ʌl tac, cha'an mic melben lojon q'uin c Yum lojon, che'ob.

Exodo 10:9 Iomraidhean Croise

Genesis 50:8

tsa' majliyob pejtelel año' bʌ ti yotot José, yic'ot i yerañob, yic'ot jiñi año' bʌ ti yotot i tat; cojach tsa' cʌleyob alʌlob yic'ot tʌñʌme' yic'ot wacax ya' ti Gosén.

Exodo 10:10

Faraón tsi' su'beyob: —¡La' ajñic la' Yum la' wic'ot! ¿Bajche' mi caj cʌq'uetla ti majlel temel yic'ot la' walobilob? Come woli j q'uel ti la' tojlel cha'añ woli la' ña'tan jontolil.

Exodo 10:26

Jiñi cʌlac' lojon mi' caj pʌy lojon majlel ja'el. Ma'añic mi caj i cʌytʌl mi yejc'achic, come jiñi cʌlac' lojon mi caj c'ʌn lojon cha'añ mic ch'ujutesan lojon c Yum Dios yic'ot mach cujilic lojon baqui bʌ mi caj c'ʌn lojon cha'añ i ch'ujutesʌntel c Yum lojon, jinto mij c'otel lojon ya'i.

Exodo 12:32

Pʌyʌla majlel ja'el la' tʌñʌme' yic'ot la' wacax che' bajche' tsa' la' wʌlʌ, cucuxla; yic'ot c'ajtibenla Dios cha'añ mi' yʌq'ueñon i yutslel i t'añ ja'el.

Exodo 12:37

Jiñi israelob tsa' loq'uiyob ti Ramesés, tsa' majliyob ti' Sucot. Añ lujunc'al i cha'bajc' (600) mil wiñicob woliyo' bʌ ti majlel, mach tsicbilobic alobob.

Exodo 12:38

Che' ja'el tsa' majli yic'otob bajc'ʌl yan tac bʌ wiñicob x'ixicob, yic'ot tʌñʌme' tac, yic'ot ca'bʌl wacax.

Exodo 13:6

Wucp'ejl q'uiñ mi caj la' c'ux waj mach bʌ añic i levadurajlel, pero che' ti' wucp'ejlel q'uiñ mi caj la' mel q'uiñijel ti' tojlel lac Yum.

Exodo 3:18

Mi caj i jac'ob a t'añ; jatet yic'ot xñoxob ti Israel mi caj la' majlel ba'añ jiñi rey ti Egipto, mi caj la' su'ben: “C Yum lojon, i Dios hebreojob, tsa'ix tili i pejcañon lojon; jiñi cha'añ mij c'ajtibeñet lojon: La' majlicon lojon uxp'ejl q'uiñ ya' ti colem bʌ i tiquiñal pañimil cha'añ mic ch'ujutesan lojon c Yum Dios.”

Exodo 5:1

Moisés yic'ot Aarón tsa' majliyob ba'añ faraón, tsi' su'beyob: —Lac Yum i Dios Israel tsi' pejcayon lojon, tsi' yʌlʌ: “La' majlicob c tejclumob cha'añ mi' melbeñoñob q'uiñijel ya' ti colem bʌ i tiquiñal pañimil.”

Exodo 5:3

Tsi' yʌlʌyob: —I Dios hebreojob tsi' pejcayon lojon. Jiñi cha'añ wersa mic majlel lojon uxp'ejl q'uiñ xʌmbal ya' ti colem bʌ i tiquiñal pañimil. Mi caj cʌq'uen lojon tsʌnsʌbil bʌ i majtañ c Yum Dios, ame i tsʌnsañon lojon ti c'am-ʌjel yic'ot ti guerra.

Numeros 29:12

“Che' ja'el che' ti' jo'lujump'ejlel q'uiñ che' ti' wucp'ejlel uw mi caj la' mel ch'ujul bʌ tempa bʌ, cha'añ mi caj la' mel wucp'ejl q'uiñ ñuc bʌ q'uiñijel tic tojlel: mach yomic mi la' cha'len e'tel.

Efesios 6:4

Che' ja'el tatʌlob, mach mi la' techben i mich'ajel la' walobilob, ju'sʌbenla i pusic'al che' woliyob ti colel yic'ot cʌntesanla ti lac Yum.