Exodo 1:7 - Jiñi Tsiji' bʌ Wen T'añ cha'añ Estudio

⁷ Pero i yalobilob jiñi israelob tsa' wen p'ojliyob, wen ca'bʌlob yic'ot wen p'ʌtʌlob, ma'añix jochol bʌ lum ba' mi' chumtʌlob.

Chol de Tumbalá Bible

⁷ Tsa' wen p'ojliyob jini israelob. Wen cabʌlob. Wen p'ʌtʌlob. Ma'anix jochol bʌ lum ba'añob.

Chol: I T’an Dios

⁷ Tsa' wen p'ojliyob jini israelob. Wen cabʌlob. Wen p'ʌtʌlob. Ma'anix jochol bʌ lum ba'añob.

Exodo 1:7 Iomraidhean Croise

Genesis 1:20

Dios tsi' yʌlʌ: “La' ajñic i chʌñil ja', yic'ot la' wejlic te'lemut tac ti pañimil, ti' ye'bal panchan.”

Genesis 1:28

Dios tsi' yʌq'ueyob i yutslel i t'añ, tsi' su'beyob: “La' tilic la' p'olbal, la' p'ojliquetla yic'ot but'ula jiñi pañimil, c'ʌñʌla; la' i yumañetla jiñi chʌy tac am bʌ ti mar yic'ot jiñi xwejlel mut tac am bʌ ti panchan yic'ot pejtelel cuxul tac bʌ mu' bʌ ti xʌmbal ti pañimil.”

Genesis 12:2

Mi caj cʌq'ueñet ca'bʌl a p'olbal, mi caj cʌq'ueñet a wenlel, mi caj cʌc' ti cʌjñel a c'aba', yic'ot mi caj i tajob i wenlel wiñicob x'ixicob ti pejtelel pañimil cha'añet.

Genesis 13:16

Mi caj c p'ojlesan a p'olbal che' bajche' i ts'u'bejñal lum. Mi añ majqui mi' mejlel i tsic i ts'u'bejñal lum, mi caj i mejlel i tsic a p'olbal ja'el.

Genesis 15:5

Jiñi cha'añ lac Yum tsi' pʌyʌ loq'uel Abram ti jumpat, tsi' su'be: —Q'uele wʌle jiñi panchan, tsiqui jiñi ec' tac mi tsa' mejli a tsic. Tsi' cha' alʌ: —Che'ʌch mi' caj ti p'ojlel a p'olbal.

Genesis 17:16

Mi caj cʌq'uen Sara i yutslel c t'añ yic'ot mi caj i yʌq'ueñet Sara juntiquil ch'itoñ bʌ a walobil. Isujmʌch, mi caj cʌq'uen Sara i yutslel c t'añ, yic'ot mi caj i pejcʌntel ti' ña' wiñicob x'ixicob ti ca'bʌl lum; mi caj i yilan pañimil reyob ti' tojlel.

Genesis 22:17

ti isujm mi caj cʌq'ueñet a wenlel yic'ot mi caj c wen p'ojlesʌbeñet a p'olbal che' bajche' ec' tac am bʌ ti panchan yic'ot che' bajche' ji' am bʌ ti ti' mar. Jiñi a p'olbal mi caj i cha'len i yumʌntel ti' tojlel i contrajob.

Genesis 26:22

Tsa' loq'ui Isaac ya'i, tsi' piqui yam bʌ pozo, pero ma'añix tsa' tili i contrajiñob cha'añ mi' chilbeñob; jiñi cha'añ tsi' yotsʌbe i c'aba' ti “Rehobot”, come tsi' yʌlʌ: “Wʌle lac Yum tsa'ix i coltayonla, jiñi cha'añ mi caj i p'ojlel lac chu'bʌañ ti ili lum.”

Genesis 26:4

Mi caj c p'ojlesan a p'olbal che' bajche' ec' ti panchan; mi caj cʌq'uen a p'olbal pejtelel ili lum; ti' tojlel a p'olbal mi caj i yʌq'ueñtelob i yutslel c t'añ wiñicob x'ixicob ti pejtelel pañimil,

Genesis 28:14

Lajal ti tsicol a p'olbal che' bajche' i ts'u'bejñal lum. Mi caj i pam pujquelob majlel c'ʌlʌl ba' mi' bʌjlel q'uiñ yic'ot ba' mi' pasel q'uiñ, yic'ot ti norte yic'ot ti sur. Cha'añet yic'ot cha'añ a p'olbal mi caj i yʌq'ueñtelob i yutslel c t'añ wiñicob x'ixicob ti jujunmojt.

Genesis 35:11

Che' ja'el Dios tsi' su'be: “Joñoñʌch jiñi Dios Mach Bʌ Añic i P'isol i p'ʌtʌlel: La' p'ojlic a walobilob; la' ochiquet ti ñuc bʌ tejclum yic'ot la' loq'uicob ca'bʌl tejclum tac ti a tojlel, yic'ot mi caj i loq'uel reyob tilemo' bʌ ti a p'olbal.

Genesis 46:3

Dios tsi' su'be: —Joñon Dioson, i Dioson a tat; mach a bʌc'ñan majlel ti Egipto, come ya'i mi caj c wen p'ojlesan a walobilob.

Genesis 47:27

Che'ʌch tsa' chumle Israel ti' lumal Egipto ya' ti lum i c'aba' Gosén; ya'i tsa' chumleyob, tsa' wen p'ojliyob i yalobilob.

Genesis 48:16

jiñi Ángel tsa' bʌ i loc'sayon ti pejtelel wocol, la' i yʌq'ueñob i wenlel ili ch'itoñob. La' i ch'ʌmbeñoñob j c'aba' yic'ot i c'aba' c tatob, Abraham yic'ot Isaac, la' wen p'ojliquetla ti pañimil.”

Genesis 48:4

tsi' su'beyon: “Mi caj c p'ojlesañet, mi caj c p'ojlesan a walobilob, mi caj a wochel ti' tat ca'bʌl wiñicob x'ixicob ti' mojt ti' mojt; mi caj cʌq'ueñob ili lum a p'olbal maxto bʌ añic tsi' yilayob pañimil, i cha'añobʌch mi caj i yajñel ti pejtelel ora.”

Genesis 9:1

Dios tsi' yʌq'ue i yutslel i t'añ Noé yic'ot i yalobilob, tsi' su'beyob: “La' tilic la' p'olbal, la' p'ojliquetla, but'ula jiñi pañimil.

Exodo 1:12

Anquese tsa' wen tic'lʌntiyob jiñi israelob ñumen tsa' p'ojliyob, tsa' wen oñ-ayob ti jiñi lum, jiñi cha'añ jiñi egiptojob tsi' bʌc'ñayob jiñi israelob.

Exodo 12:37

Jiñi israelob tsa' loq'uiyob ti Ramesés, tsa' majliyob ti' Sucot. Añ lujunc'al i cha'bajc' (600) mil wiñicob woliyo' bʌ ti majlel, mach tsicbilobic alobob.

Exodo 5:5

Jiñi faraón tsi' yʌlʌ ja'el: —Wʌle ca'bʌlʌch la' pi'ʌlob tic lumal, la' womix la' tic'ob cha'añ ma'añix mi' chʌn melob i ye'tel.

Hechos 13:17

I Dios israelob tsi' yajca lac ñojte'el tsi' yʌq'ueyob i ñuclel che' ya'añob ti' lumal Egipto ba' mach bʌ i lumalobic, ti' p'ʌtʌlel i c'ʌb tsi' pʌyʌyob loq'uel ti Egipto.

Deuteronomio 10:22

La' ñojte'elob tsa' ju'biyob majlel ti Egipto yic'ot i yalobilob añob che' bajche' lujuntiquil i chʌnc'al (70) wiñicob ti' pejtelelob, pero wʌle ca'bʌletixla come lac Yum Dios tsa'ix i p'ojlesayetla che' bajche' jiñi ec' tac ti panchan.

Deuteronomio 26:5

Che' jiñi mi caj a wʌl ili t'añ ya' ti' tojlel lac Yum Dios: “Jiñi c tat jiñʌch juntiquil arameo colel bʌ i chʌmel, tsa' bʌ ju'bi majlel ti Egipto, tsa' bʌ chumle yic'ot wiñico' bʌ i yalobilob. Ya'i tsa' wen p'ojliyob, jinto tsa' ochiyob ti colem tejclum, wen p'ʌtʌl bʌ.