Apocalipsis 9:2 - Jiñi Tsiji' bʌ Wen T'añ cha'añ Estudio

² Tsi' jambe i ti' jiñi tam bʌ ch'eñ, tsa' loq'ui buts' ti ch'eñ lajal bajche' i buts'il colem c'ajc, tsa' ic'a jiñi q'uiñ yic'ot pañimil cha'añ jiñi buts' woli bʌ i loq'uel ti ch'eñ.

Chol de Tumbalá Bible

² Tsi' jambe i ti' jini tam bʌ ch'en. Tsa' loq'ui buts' ti ch'en lajal bajche' i buts'il colem c'ajc. Tsa' ic'a jini q'uin yic'ot pañimil cha'an jini buts' loq'uem bʌ ti ch'en.

Chol Tila

² Jini ec' bʌ yilal ti' jambe i ti' jini ch'en. Ti loq'ui tyʌlel buts'. Cʌlʌxix ti letsi i buts'il che' bajche' i buts'il colem c'ajc. Ti ic'ʌ q'uin yic'ot chan cha'an i buts'il tsa' bʌ loq'ui tyʌlel ti ch'en.

Chol: I T’an Dios

² Tsi' jambe i ti' jini tam bʌ ch'en. Tsa' loq'ui buts' ti ch'en lajal bajche' i buts'il colem c'ajc. Tsa' ic'a jini q'uin yic'ot pañimil cha'an jini buts' loq'uem bʌ ti ch'en.

Apocalipsis 9:2 Iomraidhean Croise

Genesis 15:17

Che' bʌ tsa' bʌjli q'uiñ, che' ac'ʌlelix, tsi' pʌsʌ i bʌ jump'ejl horno am bʌ i buts'il yic'ot xutunte' woli bʌ ti lejmel, tsa' ñumi ti ojlil ba'añ jiñi majtañʌl t'oxbil bʌ ti ojlil tac.

Genesis 19:28

Tsi' ñajti q'uele Sodoma yic'ot Gomorra yic'ot pejtelel jiñi lum am bʌ ti joctʌl, tsi' q'uele i buts'il jiñi lum woli' letsel che' bajche' i buts'il jump'ejl horno.

Exodo 19:18

Tsa' joy ic'a ti buts' jiñi wits i c'aba' Sinaí, come lac Yum tsa' ju'bi tilel ti c'ajc ya' ti' pam wits. Jiñi buts' tomocña tsa' letsi che' bajche' i buts'il horno yic'ot jiñi wits bʌbʌq'uen tsi' ñijca i bʌ.

Hechos 2:19

Mi caj c pʌs bʌbʌq'uen tac bʌ ti panchan, yic'ot i yejtal tac c p'ʌtʌlel ti pañimil, ch'ich' yic'ot c'ajc yic'ot buts';

Apocalipsis 14:11

I buts'il i wocol jiñi wiñicob mi' letsel majlel ti pejtelel ora. Jiñi mu' bʌ i ch'ujutesañob jiñi jontol bʌ bʌte'el yic'ot i yejtal yic'ot jiñi mu' bʌ i ch'ʌmbeñob i c'aba' ma'añic mi' c'ajob i yoj, ti q'uiñil mi jiñic ti ac'ʌlel.

Apocalipsis 16:10

I jo'ticlel ángel tsi' beq'ue i bʌl taza ti' buchlib jontol bʌ bʌte'el, tsa' ic'a ba' woli i mel i yumʌntel. Wiñicob x'ixicob tsi' c'uxuyob i yac' cha'añ i c'uxel i wocol,

Apocalipsis 8:12

I chʌnticlel ángel tsi' wusu i trompeta, tsa' ic'a ojlil (1/3) jiñi q'uiñ, yic'ot ojlil (1/3) jiñi uw, yic'ot ojlil jiñi ec'. Che' jiñi, ma'añic tsi' yʌc'ʌ i sʌclel pañimil ba' i'ic', mi ti q'uiñil mi ti ac'ʌlel.

Apocalipsis 9:1

Jiñi i jo'ticlel ángel tsi' wusu i trompeta, tsa' j q'uele jump'ejl ec' tsa' bʌ yajli ti panchan c'ʌlʌl ti pañimil. Tsa' aq'uenti i llavejlel jiñi ch'eñ mach bʌ añix mi' tajben i ye'bal.

Apocalipsis 9:11

Añ i rey jiñi sajc', jiñʌch i yángel jiñi ch'eñ mach bʌ añix mi' tajben i ye'bal, i c'aba'ʌch Abadón ti' t'añ hebreo, jiñʌch Apolión ti' t'añ griego.

Apocalipsis 9:17

Tsa' j q'uele ca'bʌl caballo yic'ot jiñi c'ʌchʌlo' bʌ, añ i mʌjquil i tajñ jiñi c'ʌchʌlo' bʌ, chʌchʌc bajche' c'ajc, yʌjyʌx bajche' jacinto, c'ʌnc'ʌn bajche' azufre. Che' yilal i jol jiñi caballo tac che' bajche' i jol colem bajlum, tsa' loq'ui c'ajc ti' yej yic'ot buts' yic'ot azufre.