Apocalipsis 8:3 - Jiñi Tsiji' bʌ Wen T'añ cha'añ Estudio

³ Tsa' tili yam bʌ ángel, tsa' wa'le ti' tojel i pulʌntib i majtañ Dios, chucul i cha'añ i yajñib pom melbil bʌ ti oro. Tsa' aq'uenti ca'bʌl pom cha'añ mi' xʌb yic'ot i yoración pejtelel i cha'año' bʌ Dios, tsi' yʌc'ʌ ti pulel ti pam pulʌntib melbil bʌ ti oro ya' ti' tojel i buchlib Dios.

Chol de Tumbalá Bible

³ Tsa' tili yambʌ ángel. Tsa' wa'le ti' tojel i pulʌntib i majtan Dios, chucul i cha'an i yajñib pom melbil bʌ ti oro. Tsa' aq'uenti cabʌl pom cha'an mi' xʌb yic'ot i yoración pejtelel i cha'año' bʌ Dios. Tsi' yʌc'ʌ ti pulel ti pam pulʌntib melbil bʌ ti oro ya' ti' tojel i buchlib Dios.

Chol Tila

³ Che' jini ti tyʌli yambʌ ajtroñel i cha'an Dios ch'oyol bʌ ti panchan. Ya' ti wa'le ya' ti' t'ejl i yajnib ba' mi' pule' pom. Chucul i cha'an oro bʌ i pulo' pom. Ti aq'uenti cabʌl pom cha'an mi' xʌctyun yic'ot i yoración pejtyel i cha'año' bʌ Dios. Ti yʌc'ʌ ti pulel ti pam i yajnib ba' mi' pule' pom ya' ti' tyojel i buchlib Dios. Jini pulo' pom melel ti oro.

Chol: I T’an Dios

³ Tsa' tili yambʌ ángel. Tsa' wa'le ti' tojel i pulʌntib i majtan Dios, chucul i cha'an i yajñib pom melbil bʌ ti oro. Tsa' aq'uenti cabʌl pom cha'an mi' xʌb yic'ot i yoración pejtelel i cha'año' bʌ Dios. Tsi' yʌc'ʌ ti pulel ti pam pulʌntib melbil bʌ ti oro ya' ti' tojel i buchlib Dios.

Apocalipsis 8:3 Iomraidhean Croise

Exodo 40:26

Moisés tsi' yʌc'ʌ ja'el jiñi pulʌntib melbil bʌ ti oro ya' ti Tabernáculo ba' mi' tempañob i bʌ ti' tojel jiñi joc'ol bʌ pisil,

Numeros 4:11

“Mi caj i c'ʌñob azul bʌ pisil cha'añ mi' mosob jiñi pulʌntib melbil bʌ ti oro, yic'ot mi caj i mosob ti' pʌchʌlel cojtom, che' jiñi mi caj i yotsʌbeñob i te'el tac.

Numeros 7:62

yic'ot tsi' yʌc'ʌ junts'ijt cuchara melbil bʌ ti oro am bʌ lujump'ejl i wʌcc'al (110) gramo i yalel, but'ul ti pom;

Lucas 1:10

Pejtelel wiñicob x'ixicob añob ti jumpat, woli' pejcañob Dios che' ti' yorajlel woli' pulel pom.

Romanos 8:34

¿Majqui mi' mejlel i yʌc'onla ti tojmulil? Come Cristo tsa' chʌmi cha'añonla; tsa' tejchi ch'ojyel ja'el ba'añ chʌmeño' bʌ; che' ja'el añ ti' ñoj Dios ba' woli' c'ajtiben Dios laj coltʌntel.

Hebreos 7:25

Jiñi cha'añ mi mejlel i junyajlel coltañ pejtelel jiñi mu' bʌ i lʌc'tesañob i bʌ ba'añ Dios ti' tojlel Jesús, come chʌn cuxul ti pejtelel ora, woli' chʌn tajob ti oración ti' tojlel Dios.

Hebreos 9:4

Ya'añ i pulʌntib pom melbil bʌ ti oro yic'ot Arca laj pixbil bʌ ti oro ba' lotol jiñi xuc'ul bʌ t'añ, ya' ti mal Arca añ p'ejt melbil bʌ ti oro ba' lotol maná, ya'añ ja'el i barajte' Aarón tsa' bʌ loq'ui i buts, yic'ot jiñi xajlel ba' ts'ijbubil jiñi lujump'ejl mandar.

Apocalipsis 10:1

Tsa' j q'uele tsa' loq'ui ti panchan yam bʌ p'ʌtʌl bʌ ángel, tsa' ju'bi tilel, añ tocal ti' joytʌlel, añ t'oxja' ti' chañelal i jol. Che' yilal i wut bajche' q'uiñ. Che'ʌch i yoc bajche' wa'al bʌ c'ajc.

Apocalipsis 14:18

Yam bʌ ángel tsa' loq'ui ba'añ i pulʌntib i majtañ Dios, añ i p'ʌtʌlel cha'añ mi' jisan pañimil ti c'ajc, c'am tsi' cha'le t'añ, tsi' pejca jiñi am bʌ i machit jay bʌ i yej, tsi' yʌlʌ: ¡Wejlun majlel a machit jay bʌ i yej, tempan jiñi tsoc'ol bʌ ts'usub ti pañimil, come c'ʌñix jiñi ts'usub!

Apocalipsis 5:8

Che' bʌ tsi' ch'ʌmʌ jiñi juñ, jiñi chʌntiquil querubiñob yic'ot chʌntiquil i cha'c'al ancianojob tsi' pʌc chocoyob i bʌ ti' tojel jiñi Tʌñʌme'. Ti jujuntiquil añ i cha'añ arpa yic'ot taza melbil bʌ ti oro but'ul bʌ ti pom, jiñʌch i yejtal i yoración i cha'año' bʌ Dios.

Apocalipsis 6:9

Che' bʌ tsi' jamʌ i jo'p'ejlel sello, tsa' j q'uele ti' ye'bal i pulʌntib i majtañ Dios i ch'ujlel pejtelel wiñicob x'ixicob tsa' bʌ tsʌnsʌntiyob cha'añ xuc'ulob ti' t'añ Dios, tsi' yʌc'ʌyob ti cʌjñel Cristo.

Apocalipsis 7:2

Tsa' j q'uele ja'el yam bʌ ángel woli' letsel tilel ti' pasibal q'uiñ, chucul i cha'añ i sellojlel jiñi cuxul bʌ Dios. Ti c'am bʌ t'añ tsi' pejca jiñi chʌntiquil ángelob tsa' bʌ aq'uentiyob i p'ʌtʌlel cha'añ mi' tic'lañob pañimil yic'ot mar,

Apocalipsis 8:4

I buts'il jiñi pom tsa' bʌ i yʌc'ʌ ti pulel jiñi ángel, tsa' letsi ti' tojlel Dios yic'ot i yoración wiñicob x'ixicob i cha'año' bʌ Dios.

Apocalipsis 8:5

Jiñi ángel tsi' ch'ʌmʌ i yajñib pom, tsi' but'u ti' ñich c'ajc loq'uem bʌ ti' pulʌntib, tsi' choco ju'bel ti pañimil, tsa' tili i t'añ chajc, yic'ot ca'bʌl t'añ tac, yic'ot i xu'il chajc yic'ot i yujquel lum.

Apocalipsis 9:13

I wʌcticlel ángel tsi' wusu i trompeta. Tsa' cu'bibe i t'añ loq'uem bʌ ti chʌnts'ijt xulub am bʌ ti jiñi pulʌntib melbil bʌ ti oro ya' ti' tojel Dios.