Apocalipsis 7:12 - Jiñi Tsiji' bʌ Wen T'añ cha'añ Estudio

¹² Tsi' yʌlʌyob: ¡Amén! La' lac su'b i c'uxbiya yic'ot i ñuclel yic'ot i ña'tʌbal lac Dios. La' lac su'ben wocolix i yʌlʌ cha'añ i ñuclel yic'ot i p'ʌtʌlel yic'ot i coltaya ti pejtelel ora. ¡Amén!

Chol de Tumbalá Bible

¹² Tsi' yʌlʌyob: Amén. La' lac suben i c'uxbintel yic'ot i ñuclel yic'ot i ña'tʌbal lac Dios. La' lac suben wocolix i yʌlʌ cha'an i ñuclel yic'ot i p'ʌtʌlel yic'ot i wersa ti pejtelel ora. Amén, che'ob.

Chol Tila

¹² Ti yʌlʌyob: Chʌ'ʌch yom. La' sujbic i yutslel yic'ot i ñuclel lac Dios ti bele' ora. La' tsictiyic i ña'tyʌbal, la' subentic wocox i yʌlʌ, la' q'uejlic ti ñuc, la' tsictiyic i p'ʌtyʌlel cha'an ti pejtyel q'uin. Amén. Che' ti yʌlʌyob.

Chol: I T’an Dios

¹² Tsi' yʌlʌyob: Amén. La' lac suben i c'uxbintel yic'ot i ñuclel yic'ot i ña'tʌbal lac Dios. La' lac suben wocolix i yʌlʌ cha'an i ñuclel yic'ot i p'ʌtʌlel yic'ot i wersa ti pejtelel ora. Amén, che'ob.

Apocalipsis 7:12 Iomraidhean Croise

Mateo 6:13

Mach ma' wʌc'on lojon ba' mic pʌjyel lojon ti mulil. Cʌntañon lojon ame yajlicon lojon ti jontolil. [Come a cha'añʌch a yumʌntel yic'ot a p'ʌtʌlel yic'ot a ñuclel, ti pejtelel ora. Amén.]

Romanos 11:36

Come ch'oyol ti Dios pejtelel chuqui tac añ, ti pejtelel cʌntʌbil i cha'añ, yic'ot i cha'añʌch Dios pejtelel chuqui tac añ. La' sujbic i ñuclel Dios ti pejtelel ora. Amén.

1 Corintios 14:16

Come mi ti a ch'ujlel jach ma' ch'ujutesan Dios ti' tojlel jiñi mu' bʌ i tilel i ñʌch'tan, ¿bajche' mi caj i yʌl “amén” che' ma' su'ben Dios wocolix i yʌlʌ, mi ma'añic mi' ch'ʌmben isujm chuqui wola' wʌl?

2 Corintios 4:15

Come mi cu'bin lojon pejtelel ili wocol cha'añ mi la' taj la' wenlel, che' mi' tajbeñob i yutslel i pusic'al Dios ca'bʌlob mi caj i su'beñob Dios wocolix i yʌlʌ cha'añ mi' yutsi tsictiyel i ñuclel Dios.

Colosenses 2:7

yom añ la' wi' ti Cristo, come wa'chocobiletla i cha'añ, yom chʌn xuc'uletla ti jiñi tsa' bʌ la' ñopo, che' bajche' tsa' cʌntesʌntiyetla, chʌn su'benla Dios wocolix i yʌlʌ.

Colosenses 3:17

Ti pejtelel chuqui mi la' mel, mi t'añ, mi e'tel, melela ti' c'aba' lac Yum Jesús, su'benla wocolix i yʌlʌ Dios lac Tat ti Jesús.

Judas 1:25

Jiñi cojach bʌ Dios am bʌ i ña'tʌbal, la caj Coltaya, la' tsictiyic i ñuclel yic'ot i yumʌntel yic'ot i p'ʌtʌlel ti' tojlel lac Yum Jesucristo wʌle yic'ot ti pejtelel ora. Amén.

Apocalipsis 1:18

Joñoñʌch jiñi cuxul bʌ, tsa' chʌmiyon, awilan, cha' cuxulon ti pejtelel ora, [amén.] Añ tic p'ʌtʌlel jiñi chʌmeño' bʌ yic'ot i yajñib chʌmeño' bʌ.

Apocalipsis 19:4

Che' jiñi tsi' pʌcchocoyob i bʌ ti lum jiñi chʌntiquil i cha'c'al (24) ancianojob yic'ot chʌntiquil querubiñob, tsi' ch'ujutesayob Dios, buchul bʌ ti' yumʌntel, tsi' yʌlʌyob: ¡Amén! ¡Aleluya!