Apocalipsis 4:8 - Jiñi Tsiji' bʌ Wen T'añ cha'añ Estudio

⁸ Ti jujuntiquil añ wʌcwʌcq'uejl i wich', añ ca'bʌl i wut tac ti' joytʌlel i cuctal yic'ot ti' mal, ti q'uiñil yic'ot ti ac'ʌlel ma'añic mi' cʌy i yʌlob: “Ch'ujul, ch'ujul, ch'ujul lac Yum Dios jiñi Mach bʌ Añic i P'isol i P'ʌtʌlel, jiñi am bʌ ti wajali, jiñi am bʌ wʌle, jiñi tal to bʌ.”

Chol de Tumbalá Bible

⁸ Ti jujuntiquil an wʌwʌq'uejl i wich'. An cabʌl i wut tac ti' joytʌlel i cuctal yic'ot ti' mal. Ti pejtelel q'uin yic'ot ti pejtelel ac'ʌlel ma'anic mi' cʌyob i yʌl: Ch'ujul, ch'ujul, ch'ujul lac Yum Dios jini Mach bʌ Anic i P'isol i P'ʌtʌlel, jini am bʌ ti wajali, jini am bʌ wʌle, jini tal to bʌ. Che' mi' yʌlob.

Chol Tila

⁸ Ti jujuntiquil jini chʌntiquil cuxul bʌ chʌ bʌ yes an seis tyacob i wich'. Ti jujump'ej i wich' an cabʌl i wut tyac ti' pam yic'ot ti' yebal. C'ʌlʌ mi ñumel q'uin, c'ʌlʌ mi ñumel ac'bʌlel ma'an ba' bʌ ora mi' cʌyob i yʌle': Ch'ujulet, ch'ujulet, ch'ujulet, lojon c Yum, Dios mach'ʌ ba'an i p'isol a p'ʌtyʌlel, añet bʌ ti ñoj oniyix, añet bʌ wale iliyi, añet bʌ ti tyal tyo bʌ ora. Che' mi' yʌlob.

Chol: I T’an Dios

⁸ Ti jujuntiquil an wʌwʌq'uejl i wich'. An cabʌl i wut tac ti' joytʌlel i cuctal yic'ot ti' mal. Ti pejtelel q'uin yic'ot ti pejtelel ac'ʌlel ma'anic mi' cʌyob i yʌl: Ch'ujul, ch'ujul, ch'ujul lac Yum Dios jini Mach bʌ Anic i P'isol i P'ʌtʌlel, jini am bʌ ti wajali, jini am bʌ wʌle, jini tal to bʌ. Che' mi' yʌlob.

Apocalipsis 4:8 Iomraidhean Croise

Genesis 17:1

Che' bolomlujump'ejlix i jo'c'al (99) i ja'bilel Abram, lac Yum tsi' pʌsbe i bʌ Abram, tsi' su'be: —Joñon jiñi Dios Mach Bʌ Añic i P'isol i P'ʌtʌlel. Yom ma' wajñel tic tojlel yic'ot yom wen uts'at ma' wajñel.

Exodo 15:11

¿Am ba yam bʌ diosob lajal bʌ bajche'et c Yum? ¿Am ba yam bʌ ñuc bʌ, ch'ujul bʌ che' bajche' Jatet, bʌbʌq'uen bʌ mi pʌs wen bʌ i melbal?

Exodo 3:14

Dios tsi' su'be Moisés: —“Joñoñʌch Jiñi Am Bʌ.” Tsi' cha' alʌ: —Che' yom ma' su'ben israelob: “Jiñi mu' bʌ i su'b i bʌ ti Joñoñʌch tsa'ix i chocoyon tilel ba'añetla.”

Hechos 20:31

Jiñi cha'añ yom yʌxʌl la' wo, ña'tanla uxp'ejl ja'b ma'añic tsa' j cʌyʌ c xic'beñetla ti jujuntiquiletla ti q'uiñil yic'ot ti ac'ʌlel. Tsa' c cha'le uq'uel.

2 Corintios 6:18

Mi caj cochel ti la' Tat. Mi caj la' wochel ti calobil, che'en lac Yum jiñi mach bʌ añic i p'isol i p'ʌtʌlel.”

1 Tesalonicenses 2:9

C'ajal to la' cha'añ, hermañujob, tsa' c cha'le lojon wocol e'tel ti q'uiñil ti ac'ʌlel, cha'añ ma'añic mi' c'ojyel la' mʌc'lañon lojon che' bʌ tsa' c su'beyet lojon i wen t'añ Dios.

1 Timoteo 4:16

Cʌntan a bʌ, chʌn cha'len cʌntesa ti toj; chʌn ajñen ti isujmlel, come che' jiñi mi caj a coltañ a bʌ yic'ot jiñi mu' bʌ i yu'biñob a t'añ.

2 Timoteo 4:2

su'bu jiñi wen t'añ, yom chajpʌbilet ti' yorajlel subt'añ yic'ot che' mach i yorajlelic. Xic'beñob i ñop, su'beñob i mul, xic'beñob ti uts'at ti' yutslel a pusic'al yic'ot i cʌntesa Dios.

Hebreos 13:8

Jesucristo ma'añic mi' q'uextʌyel, junlajalʌch ac'bi yic'ot wʌle yic'ot ti pejtelel ora.

Apocalipsis 1:4

Juañon, mic ts'ijbubeñetla ili juñ wucmojt xñopt'añet bʌ la mu' bʌ la' tempan la' bʌ ya' ti Asia: La' i yʌq'ueñetla i yutslel yic'ot i ñʌch'tʌlel i pusic'al Dios jiñi am bʌ wʌle, jiñi am bʌ ti wajali, jiñi tal to bʌ, yic'ot jiñi wuctiquil espíritu año' bʌ ti' tojel i buchlib Dios,

Apocalipsis 1:8

Joñon tsa' c teche pejtelel chuqui tac añ, mi cʌq'uen i jilibal, añon ti' tejchibal, añon ti' jilibal, che'en lac Yum. Joñoñʌch jiñi am bʌ wʌle, jiñi am bʌ ti wajali, jiñi tal to bʌ, jiñi Mach bʌ Añic i P'isol i P'ʌtʌlel.

Apocalipsis 11:17

tsi' yʌlʌyob: “Wocolix a wʌlʌ c Yum Dios mach bʌ añic i p'isol a p'ʌtʌlel. Añet bʌ wʌle yic'ot ti wajali yic'ot mu' bʌ caj a cha' tilel, come tsa'ix a ch'ʌmʌ ñuc bʌ a p'ʌtʌlel yic'ot a yumʌntel.

Apocalipsis 14:11

I buts'il i wocol jiñi wiñicob mi' letsel majlel ti pejtelel ora. Jiñi mu' bʌ i ch'ujutesañob jiñi jontol bʌ bʌte'el yic'ot i yejtal yic'ot jiñi mu' bʌ i ch'ʌmbeñob i c'aba' ma'añic mi' c'ajob i yoj, ti q'uiñil mi jiñic ti ac'ʌlel.

Apocalipsis 14:3

Tsi' cha'leyob tsiji' bʌ c'ay ti' tojel i buchlib Dios yic'ot ti' tojel jiñi chʌntiquil querubín yic'ot ti' tojel jiñi ancianojob. Ma'añic majch tsa' mejli i cʌn jiñi c'ay, cojach jiñi waxʌclujumpic wiñicob x'ixicob tsa' bʌ mʌjñiyob loq'uel ti' tojlel año' bʌ ti pañimil.

Apocalipsis 15:3

Tsi' c'ʌyiyob i c'ay Moisés, i wiñic Dios, yic'ot i c'ay jiñi Tʌñʌme', tsi' yʌlʌyob: “Wen ñuc, wen uts'at pejtelel a melbal c Yum Dios, jatet Mach bʌ Añic i P'isol a P'ʌtʌlel. Toj a bijlel, isujm ja'el. Jatet i Reyet pejtel i cha'año' bʌ Dios.

Apocalipsis 15:7

Juntiquil querubín am bʌ i ye'tel yic'ot jiñi uxtiquil tsi' yʌq'ueyob jiñi wuctiquil ángelob wucp'ejl taza melbil bʌ ti oro, but'ul bʌ ti' mich'ajel Dios, jiñi cuxul bʌ ti pejtelel ora.

Apocalipsis 16:14

Jiñi espíritujob jiñʌch xi'bajob mu' bʌ i pʌsob i yejtal tac i p'ʌtʌlel, mi' majlelob ba'añ reyob ti pejtelel pañimil cha'añ mi' tempañob tilel ti guerra mu' bʌ caj i yujtel ti jiñi ñuc bʌ i q'uiñilel Dios Mach bʌ Añic i P'isol i P'ʌtʌlel.

Apocalipsis 16:7

Che' jiñi tsa' cu'bi t'añ tsa' bʌ loq'ui ti' pulʌntib i majtañ Dios, tsi' yʌlʌ: ¡Melel, c Yum Dios, mach bʌ Añic i P'isol a P'ʌtʌlel, come ma' cha'len meloñel ti' isujm yic'ot ti toj!

Apocalipsis 19:15

Ya' ti' yej mi' loq'uel junts'ijt jay bʌ espada cha'añ mi c'ʌn i low jiñi año' bʌ ti tejclum tac, che' ja'el mi caj i c'ʌn bara melbil bʌ ti tsucu taq'uiñ che' mi' cha'len i yumʌntel. Mi caj i t'uchtan i yʌjts'ib ts'usub yilal ti tsʌts bʌ i mich'ajel Dios Mach bʌ Añic i P'isol i P'ʌtʌlel.

Apocalipsis 19:4

Che' jiñi tsi' pʌcchocoyob i bʌ ti lum jiñi chʌntiquil i cha'c'al (24) ancianojob yic'ot chʌntiquil querubiñob, tsi' ch'ujutesayob Dios, buchul bʌ ti' yumʌntel, tsi' yʌlʌyob: ¡Amén! ¡Aleluya!

Apocalipsis 21:22

Ma'añic tsa' j q'uele templo ti ili tejclum come lac Yum Dios, jiñi Mach bʌ Añic i P'isol i P'ʌtʌlel, yic'ot jiñi Tʌñʌme' i templojʌch.

Apocalipsis 3:7

Ts'ijbuben xcʌntaya i cha'añ xñopt'añob mu' bʌ i tempañob i bʌ ya' ti Filadelfia: “Jiñi Ch'ujul Bʌ, jiñʌch Isujm Bʌ, am bʌ i cha'añ i llave David, che' añ chuqui mi' jam, ma'añic majch mi' ñup', che' añ chuqui mi' ñup', ma'añic majch mi' jam. Jiñʌch mu' bʌ i yʌl ili t'añ:

Apocalipsis 4:4

Ti' joytʌlel i buchlib añ chʌmp'ejl i cha'c'al buchlibʌl, ya' buchulob ti ye'tel tsa' q'uele chʌntiquil i cha'c'al (24) ancianojob lʌpʌl i cha'añob sʌsʌc bʌ i pislel, añob i corona tac melbil bʌ ti oro c'ʌcʌl ti' jol.

Apocalipsis 4:6

Che' ja'el ti' tojel i buchlib Dios añ mar yilal, am bʌ i sʌclel che' bajche' espejo. Ti' joytʌlel jiñi buchlibʌl ti' chʌnwejlel, añ chʌntiquil querubín, año' bʌ ca'bʌl i wut ti' joytʌlel i bʌc'tal ti c'ajpam yic'ot ti' pat.

Apocalipsis 4:9

Ti jujunyajl jiñi chʌntiquil querubín che' mi' c'ʌyibeñob i ñuclel, che' mi' su'beñob wocolix i yʌlʌ jiñi buchul bʌ ti' yumʌntel jiñi cuxul bʌ ti pejtelel ora,

Apocalipsis 5:6

Tsa' j q'uele ya'añ jiñi Tʌñʌme' ti' tojel i buchlib Dios, joyol ti chʌntiquil querubiñob yic'ot ancianojob, tsiquil tsa' tsʌnsʌnti jiñi Tʌñʌme' pero cha' cuxul, añ wucts'ijt i xulub i yejtal i p'ʌtʌlel yic'ot wucp'ejl i wut, jiñʌch wuctiquil espíritu i cha'añ Dios chocbilo' bʌ tilel ti pejtelel pañimil.

Apocalipsis 6:1

Che' jiñi tsa' j q'uele tsi' jamʌ jump'ejl sello jiñi Tʌñʌme', tsa' cu'bibe i t'añ juntiquil querubín i pi'ʌl jiñi uxtiquil, wen c'am tsi' cha'le t'añ che' bajche' i t'añ chajc, tsi' yʌlʌ: ¡La' q'uele!

Apocalipsis 6:6

Tsa' cu'bi t'añ loq'uem bʌ ti' yojlil jiñi chʌntiquil querubiñob. Tsi' yʌlʌ: Jump'ejl kilo trigo jiñʌch i tojol jump'ejl q'uiñ e'tel. Uxp'ejl kilo cebada, jiñʌch i tojol jump'ejl q'uiñ e'tel, pero mach ma' letsʌben i tojol jiñi ts'usubil mi olivojil.

Apocalipsis 7:11

Pejtelel ángelob tsa' wa'leyob ti' joytʌlel i buchlib, ti' joytʌlel ancianojob yic'ot jiñi chʌntiquil querubiñob, tsi' pʌc chocoyob i bʌ ti' tojel i buchlib Dios, tsi' ch'ujutesayob Dios.

Apocalipsis 7:15

Jiñi cha'añ wʌ' añob ti' tojel i buchlib Dios. Mi' cha'libeñob i ye'tel ti q'uiñil ti ac'ʌlel ti' mal i Templo. Jiñi buchul bʌ ti' yumʌntel mi caj i yajñel yic'otob.