Apocalipsis 4:10 - Jiñi Tsiji' bʌ Wen T'añ cha'añ Estudio

¹⁰ jiñi chʌntiquil i cha'c'al ancianojob mi' pʌcchocoñob i bʌ ti' tojel jiñi buchul bʌ ti' yumʌntel, mi' ch'ujutesañob jiñi cuxul bʌ Dios ti pejtelel ora, mi' yʌc'ob i corona ti' tojel i buchlib, mi' yʌlob:

Chol de Tumbalá Bible

¹⁰ jini chʌntiquil i cha'c'al ancianojob mi' pʌcchocoñob i bʌ ti' tojel jini buchul bʌ ti' yumʌntel. Mi' ch'ujutesañob jini cuxul bʌ Dios ti pejtelel ora. Mi' yʌc'ob i corona ti' tojel i buchlib. Mi' yʌlob:

Chol Tila

¹⁰ jini veinticuatro ancianojob mi' ñoctyʌlob ti' tyojel jini buchul bʌ ti' buchlib. Mi' ch'ujutisañob jini cuxul bʌ ti bele' ora. Mi' yʌc'ob i corona ya' ti' tyojel i buchlib Dios cha'an i señʌjlel chʌncol i yoque q'uelob ti ñuc. Mi yʌlob:

Chol: I T’an Dios

¹⁰ jini chʌntiquil i cha'c'al ancianojob mi' pʌcchocoñob i bʌ ti' tojel jini buchul bʌ ti' yumʌntel. Mi' ch'ujutesañob jini cuxul bʌ Dios ti pejtelel ora. Mi' yʌc'ob i corona ti' tojel i buchlib. Mi' yʌlob:

Apocalipsis 4:10 Iomraidhean Croise

Mateo 2:11

Che' bʌ tsa' ochiyob ti otot, tsi' q'ueleyob jiñi alʌl yic'ot María i ña'. Tsi' ñocchocoyob i bʌ cha'añ mi' ch'ujutesañob, che' jiñi tsi' jamʌyob Arca, tsi' yʌq'ueyob i majtañ: oro, yic'ot xojocña bʌ pom, yic'ot mirra.

Lucas 24:52

Jiñi xcʌnt'añob che' bʌ tsa' ujti i ch'ujutesañob, tsa' cha' majliyob ti Jerusalén yic'ot ca'bʌl i tijicñʌyelob i pusic'al.

1 Corintios 15:10

Pero wʌle apóstolon cha'añ ti' yutslel i pusic'al Dios, mach lolomic jach tsa' aq'uentiyon i yutslel i pusic'al Dios, ñumen ca'bʌl tsa' c cha'le e'tel bajche' pejtelel yaño' bʌ, pero mach joñoñic, jiñʌch i yutslel i pusic'al Dios am bʌ quic'ot.

Deuteronomio 32:40

Come Joñon mi caj letsan j c'ʌb ti panchan, mi caj cʌl: ¡Cuxulon ti pejtelel ora!

Apocalipsis 10:6

Tsi' su'bu t'añ ti' c'aba' jiñi cuxul bʌ ti pejtelel ora, tsa' bʌ i mele panchan yic'ot i bʌl, yic'ot pañimil yic'ot i bʌl, yic'ot colem mar yic'ot i bʌl, tsi' yʌlʌ mach chʌn jalix mi caj i jilel pañimil.

Apocalipsis 11:16

Jiñi chʌntiquil i cha'c'al (24) ancianojob buchulo' bʌ ti ye'tel ti' tojel Dios tsi' pʌcchocoyob i bʌ, tsi' ch'ujutesayob Dios,

Apocalipsis 15:4

C Yum, ¿am ba wiñic mach bʌ añic mi caj i bʌc'ñʌbeñet a c'aba', mach bʌ añic mi caj i ñuq'uesʌbeñet a c'aba'? Come jatet jach ch'ujulet. Jiñi cha'añ pejtel año' bʌ ti pañimil mi caj i tilelob i ch'ujutesañet, come tsa' tsictiyi toj bʌ a meloñel.”

Apocalipsis 15:7

Juntiquil querubín am bʌ i ye'tel yic'ot jiñi uxtiquil tsi' yʌq'ueyob jiñi wuctiquil ángelob wucp'ejl taza melbil bʌ ti oro, but'ul bʌ ti' mich'ajel Dios, jiñi cuxul bʌ ti pejtelel ora.

Apocalipsis 19:4

Che' jiñi tsi' pʌcchocoyob i bʌ ti lum jiñi chʌntiquil i cha'c'al (24) ancianojob yic'ot chʌntiquil querubiñob, tsi' ch'ujutesayob Dios, buchul bʌ ti' yumʌntel, tsi' yʌlʌyob: ¡Amén! ¡Aleluya!

Apocalipsis 4:2

Ti ora tsa' bujt'i c pusic'al ti Espíritu, awilan, tsa' j q'uele jump'ejl buchlibʌl ac'bil bʌ ti panchan yic'ot jiñi ya' bʌ buchul ti' yumʌntel.

Apocalipsis 4:4

Ti' joytʌlel i buchlib añ chʌmp'ejl i cha'c'al buchlibʌl, ya' buchulob ti ye'tel tsa' q'uele chʌntiquil i cha'c'al (24) ancianojob lʌpʌl i cha'añob sʌsʌc bʌ i pislel, añob i corona tac melbil bʌ ti oro c'ʌcʌl ti' jol.

Apocalipsis 4:9

Ti jujunyajl jiñi chʌntiquil querubín che' mi' c'ʌyibeñob i ñuclel, che' mi' su'beñob wocolix i yʌlʌ jiñi buchul bʌ ti' yumʌntel jiñi cuxul bʌ ti pejtelel ora,

Apocalipsis 5:14

Jiñi chʌntiquil querubiñob tsi' yʌlʌyob: “Amén.” Jiñi chʌntiquil i cha'c'al ancianojob tsi' pʌc chocoyob i bʌ, tsi' ch'ujutesayob jiñi cuxul bʌ ti pejtelel ora.

Apocalipsis 5:8

Che' bʌ tsi' ch'ʌmʌ jiñi juñ, jiñi chʌntiquil querubiñob yic'ot chʌntiquil i cha'c'al ancianojob tsi' pʌc chocoyob i bʌ ti' tojel jiñi Tʌñʌme'. Ti jujuntiquil añ i cha'añ arpa yic'ot taza melbil bʌ ti oro but'ul bʌ ti pom, jiñʌch i yejtal i yoración i cha'año' bʌ Dios.

Apocalipsis 7:11

Pejtelel ángelob tsa' wa'leyob ti' joytʌlel i buchlib, ti' joytʌlel ancianojob yic'ot jiñi chʌntiquil querubiñob, tsi' pʌc chocoyob i bʌ ti' tojel i buchlib Dios, tsi' ch'ujutesayob Dios.