Apocalipsis 3:12 - Jiñi Tsiji' bʌ Wen T'añ cha'añ Estudio

¹² Jiñi mu' bʌ i mʌjlel i cha'añ mi caj i yajñel che' bajche' oy ti' templo c Dios, ma'añix mi caj i chʌn loq'uel ya'i. Mi caj c ts'ijbuben i c'aba' c Dios ti jiñi wiñic yic'ot tsiji' bʌ j c'aba' yic'ot i c'aba' i tejclum c Dios, jiñi tsiji' bʌ Jerusalén mu' bʌ i loq'uel tilel ti panchan ch'oyol bʌ tic Dios.

Chol de Tumbalá Bible

¹² Jini mu' bʌ i mʌjlel i cha'an mi caj cʌq'uen i yajñel bajche' oy ti' templo c Dios. Ma'anix mi caj i chʌn loq'uel ya'i. Mi caj c ts'ijbuben i c'aba' c Dios ti jini winic yic'ot tsiji' bʌ j c'aba' yic'ot i c'aba' i tejclum c Dios, jini tsiji' bʌ Jerusalén mu' bʌ i loq'uel tilel ti panchan ch'oyol bʌ tic Dios.

Chol Tila

¹² Jini mu' bʌ quejel i ganariñob cha'an ma'an mi' sʌt i bʌ mi quejel c xuc'chocon ya' ti panchan ya' ba'an lac Dios. Ma'an ba' bʌ ora mi quejel i cha' loq'uel. Mi quejel c tsictisan cha'an i yalobilobʌch lac Dios. Mi quejel cʌq'uen i cha'len chumtyʌl ya' ba'an lac Dios ti lum mu' bʌ i pejcʌntyel ti tsiji' bʌ Jerusalén, jini tyʌlem bʌ ti panchan ba'an lac Dios. Mic tsictisan cha'an calobilobʌch.

Chol: I T’an Dios

¹² Jini mu' bʌ i mʌjlel i cha'an mi caj cʌq'uen i yajñel bajche' oy ti' templo c Dios. Ma'anix mi caj i chʌn loq'uel ya'i. Mi caj c ts'ijbuben i c'aba' c Dios ti jini winic yic'ot tsiji' bʌ j c'aba' yic'ot i c'aba' i tejclum c Dios, jini tsiji' bʌ Jerusalén mu' bʌ i loq'uel tilel ti panchan ch'oyol bʌ tic Dios.

Apocalipsis 3:12 Iomraidhean Croise

Marcos 12:16

Tsi' ch'ʌmbeyob tilel, Jesús tsi' c'ajtibeyob: —¿Majqui i cha'añ ili i yejtal yic'ot i ts'ijbal ti' pam? Tsi' su'beyob: —I cha'añ César.

Gálatas 2:9

Jacobo, Pedro yic'ot Juan, jiñi mu' bʌ i q'uejlelob che' bajche' i yoyel otot, tsi' ña'tayob aq'uebilon i yutslel i pusic'al Dios, che' jiñi tsi' yʌq'ueyon lojon cortesía quic'ot Bernabé ti ñoj bʌ i c'ʌb i yejtal cha'añ lac pi'ʌlʌch lac bʌ, che' jiñi tsa' majliyon lojon ba'añ gentilob, jiñi uxtiquilob tsa' majliyob ba'añ judíojob.

Efesios 3:15

tsa' bʌ i ch'ʌmbe i c'aba' jujunchajp wiñicob x'ixicob ti panchan yic'ot ti pañimil,

Hebreos 12:22

Pero jatetla tsa'ix c'otiyetla ti wits i c'aba' Sión, i tejclum jiñi cuxul bʌ Dios, jiñi Jerusalén am bʌ ti panchan ba' tempʌbilob bajc'ʌl ángelob,

Hebreos 13:14

mach wʌ'ic añ lac tejclum, pero woli lac sajcan jiñi tal to bʌ tejclum mach bʌ yujilic jilel.

1 Juan 4:4

Calobilob, i cha'añetla Dios, tsa'ix la' t'uchta jiñi xlotob come ñumen ñuc jiñi am bʌ ti la' pusic'al bajche' jiñi am bʌ ti pañimil.

Apocalipsis 14:1

Ti wi'il tsa' j q'uele ya'añ jiñi Tʌñʌme' ti' pam wits i c'aba' Sión yic'ot waxʌclujumpic (144,000) wiñicob x'ixicob, ts'ijbubilob ti' pam i c'aba' jiñi Tʌñʌme' yic'ot i c'aba' i Tat.

Apocalipsis 17:14

Mi caj i contrajiñob jiñi Tʌñʌme' ti guerra. Jiñi Tʌñʌme' mi caj i mʌl come i Yumʌch yumʌlob, i Reyʌch reyob. Pejtel mu' bʌ i yajñelob yic'ot jiñi Tʌñʌme' jiñobʌch pʌybilo' bʌ, yajcʌbilo' bʌ, xuc'ulo' bʌ i pusic'al.”

Apocalipsis 2:11

Jiñi am bʌ i chiquin la' i yu'biben i t'añ jiñi Espíritu mu' bʌ i su'ben xñopt'añob. Jiñi mu' bʌ i mʌjlel i cha'añ ma'añic mi caj i chʌmel ti' cha'yajlel.”

Apocalipsis 2:17

Jiñi am bʌ i chiquin la' i yu'biben i t'añ jiñi Espíritu mu' bʌ i su'ben xñopt'añob. Jiñi mu' bʌ i mʌjlel i cha'añ mi caj cʌq'uen i c'ux mucul bʌ maná, mi caj cʌq'uen jump'ejl sʌsʌc bʌ alʌ xajlel, ba' otsʌbil tsiji' bʌ i c'aba', ma'añic majch yujil chuqui otsʌbil, cojach jiñi mu' bʌ i ch'ʌm.”

Apocalipsis 2:7

Jiñi am bʌ i chiquin la' i yu'biben i t'añ i yEspíritu Dios mu' bʌ i su'ben xñopt'añob mu' bʌ i tempañob i bʌ. Jiñi mu' bʌ i mʌjlel i cha'añ mi caj cʌq'uen i c'uxben i wut jiñi te' i yejtal bʌ laj cuxtʌlel am bʌ ti' yojlil i paraíso Dios.”

Apocalipsis 21:2

Joñon, Juan, tsa' j q'uele jiñi Ch'ujul bʌ Tejclum, jiñi tsiji' bʌ Jerusalén, woli' ju'bel tilel ti panchan ch'oyol bʌ ti Dios, ch'ʌlbil bajche' xch'oc mu' bʌ i taj i ñoxi'al.

Apocalipsis 22:4

Mi caj i q'uelbeñob i wut yic'ot mi caj i ts'ijbubentelob i c'aba' Dios ti' pam.

Apocalipsis 3:5

Jiñi mu' bʌ i mʌjlel i cha'añ mi caj i yʌq'uentel i lʌp sʌsʌc bʌ i pislel. Ma'añic mi caj c yʌpben i c'aba' ti juñ ba' otsʌbilob i c'aba' año' bʌ i cuxtʌlel. Mi caj c su'b ti' tojel c Tat yic'ot ti' tojel i yángelob.