Apocalipsis 22:2 - Jiñi Tsiji' bʌ Wen T'añ cha'añ Estudio

² Woli' ñumel ti' yojlil calle am bʌ ti jiñi tejclum, ti jujunwejl ja' añ te' i yejtal bʌ laj cuxtʌlel, mi' yʌc' i wut ti jujump'ejl uw lajchʌnyajl ti ja'b, añ i c'ʌjñibal i yopol jiñi te' cha'añ mi' c'oq'uesan ti c'am-ʌjel jiñi año' bʌ ti pañimil.

Chol de Tumbalá Bible

² Woli' ñumel ti' yojlil calle am bʌ ti jini tejclum. Ti jujunwejl ja' an te' i yejtal bʌ laj cuxtʌlel. Mi' yʌc' i wut ti jujump'ejl uw lajchʌnyajl ti jab. An i c'ʌjñibal i yopol jini te' cha'an mi' lajmesan jini año' bʌ ti pañimil.

Chol Tila

² Ti xinil jini colem calle ya' ti jini ch'ujul bʌ lum yic'ot ti cha'wejlel jini río mi colel tye' am bʌ i wut. Mi yʌc' i wut ti jujump'ej uw. I wut jini tye' mi yʌq'uen i cuxtyʌlel mach'ʌ yujil jilel. An i c'ʌjnibal i yopol jini tye' cha'an mi' lajmisan ti pejtyelel quixtyañujob ya' bʌ much'quibilob.

Chol: I T’an Dios

² Woli' ñumel ti' yojlil calle am bʌ ti jini tejclum. Ti jujunwejl ja' an te' i yejtal bʌ laj cuxtʌlel. Mi' yʌc' i wut ti jujump'ejl uw lajchʌnyajl ti jab. An i c'ʌjñibal i yopol jini te' cha'an mi' lajmesan jini año' bʌ ti pañimil.

Apocalipsis 22:2 Iomraidhean Croise

Genesis 2:9

Lac Yum Dios tsi' yʌc'ʌ ti colel ti lum pejtelel i t'ojol bʌ te' yic'ot uts'at bʌ cha'añ i bʌl ñʌc'ʌl. Tsi' yʌc'ʌ ti colel ja'el ya' ti' yojlil jiñi pʌc'ʌbʌl jiñi te' mu' bʌ i yʌc' laj cuxtʌlel yic'ot jiñi te' mu' bʌ i yʌc' ti cʌjñel chuqui uts'at yic'ot chuqui jontol.

Lucas 4:18

“Añ i yEspíritu lac Yum tic pusic'al. Tsi' yajcayon cha'añ mic su'beñob wen t'añ jiñi p'ump'uño' bʌ. [Tsi' chocoyon tilel cha'añ mic lajmesʌbeñob i ch'ijiyemlel jiñi ch'ijiyemo' bʌ i pusic'al,] cha'añ mic su'beñob loq'uel jiñi ñup'ulo' bʌ, cha'añ mij cambeñob i wut jiñi xpots'ob, cha'añ mi cʌc'ob ti colel jiñi tic'lʌbilo' bʌ,

1 Pedro 2:24

I bajñel jach tsi' cuchu lac mul ti' bʌc'tal che' bʌ tsa' chʌmi ti te', cha'añ mi' jilel i p'ʌtʌlel mulil ti lac tojlel, cuxuloñixla cha'añ mi lac mel chuqui toj. Lajmesʌbiletla cha'añ tsa' lojwi lac Yum.

Apocalipsis 2:7

Jiñi am bʌ i chiquin la' i yu'biben i t'añ i yEspíritu Dios mu' bʌ i su'ben xñopt'añob mu' bʌ i tempañob i bʌ. Jiñi mu' bʌ i mʌjlel i cha'añ mi caj cʌq'uen i c'uxben i wut jiñi te' i yejtal bʌ laj cuxtʌlel am bʌ ti' yojlil i paraíso Dios.”

Apocalipsis 21:21

Jiñi lajchʌmp'ejl i ti' jiñʌch lajchʌmp'ejl perla tac. Ti jujump'ejl i ti' melbil i puertajlel ti jujump'ejl perla. Jiñi bij ti tejclum puro oro, wen sʌctsʌñan bajche' espejo.

Apocalipsis 21:24

Jiñi año' bʌ ti pañimil mi caj i cha'leñob xʌmbal ti' sʌclel, jiñi reyob ti pañimil mi caj i ch'ʌmob ochel i ñuclel yic'ot i wenlel.

Apocalipsis 22:1

Ti wi'il tsi' pʌsbeyon sʌc bʌ colem ja', i yejtal bʌ laj cuxtʌlel, wen sʌsʌc bajche' espejo, woli' loq'uel ja' ti' buchlib Dios yic'ot ti' buchlib Tʌñʌme'.

Apocalipsis 22:14

“Tijicñayob mu' bʌ i wuts'ob i pislel cha'añ mi' mejlel i c'uxbeñob i wut jiñi te' i yejtal bʌ i cuxtʌlel yic'ot cha'añ mi yochelob ti ti' jiñi tejclum.

Apocalipsis 22:19

Mi añ majch mi' yʌp lamital i t'añ jiñi juñ, Dios mi caj i yʌpben i c'aba' ti' juñ ba' ts'ijbubil i c'aba'ob jiñi año' bʌ i cuxtʌlel, mi caj i chilben i yajñib ti jiñi ch'ujul bʌ tejclum che' bajche' ts'ijbubil ti ili juñ.