Apocalipsis 11:2 - Jiñi Tsiji' bʌ Wen T'añ cha'añ Estudio

² Mach a p'is i pam Templo am bʌ ti' mal corral, la' to ajñic come aq'uebilobix gentilob. Cha'p'ejl i yuxc'al (42) uw mi caj i t'uchtañob jiñi ch'ujul bʌ tejclum.

Chol de Tumbalá Bible

² Mach a p'is i pam Templo am bʌ ti' mal corral. La' to ajnic. Aq'uebilix gentilob*. Cha'p'ejl i yuxc'al (42) uw mi caj i t'uchtañob jini ch'ujul bʌ tejclum.

Chol Tila

² Pero mach yom ma' p'ise' jini i pam templo am bʌ ti mal corral como tsa'ix aq'uentiyob jini mach bʌ israelobic. C'ʌlʌ cuarenta y dos meses jiñob mi quejel i tyʌc'lañob, mi quejel i ch'ʌmob ti' wenta jini lum i cha'an bʌ Dios.

Chol: I T’an Dios

² Mach a p'is i pam Templo am bʌ ti' mal corral. La' to ajnic. Aq'uebilix gentilob. Cha'p'ejl i yuxc'al (42) uw mi caj i t'uchtañob jini ch'ujul bʌ tejclum.

Apocalipsis 11:2 Iomraidhean Croise

Numeros 14:34

Che' bajche' cha'c'al q'uiñ tsajñi la' tsajin jiñi lum, che' ja'el cha'c'al ja'b mi caj la' wu'bin ca'bʌl wocol cha'añ la' mul, jump'ejl ja'b cha'añ jujump'ejl q'uiñ. Che' jiñi, mux caj la' cʌn che' bajche' yilal jiñi wocol mu' bʌ cʌq'ueñetla.

Mateo 27:53

Che' bʌ tsa' loq'uiyob ti mucoñibʌl, che' bʌ ch'ojyemix Jesús, tsa' majliyob ti jiñi ch'ujul bʌ tejclum. Tsa' tsictiyi ti' wut ca'bʌl wiñicob x'ixicob.

Mateo 4:5

Jiñi xi'ba tsa' caji i pʌy majlel Jesús ti ch'ujul bʌ tejclum, ya'i tsi' pʌyʌ letsel ti' pam i jol jiñi Templo,

Mateo 5:13

Jatetla i yʌts'miletla pañimil. Mi tsa' jili i tsajel ats'am, ¿bajche' mi caj i cha' tsaj-esʌntel? Ma'añix i c'ʌjñibal, mi lac choc ba' mi' t'uchtañob majlel wiñicob.

Lucas 21:24

Mi caj i yajlelob cha'añ ti' yej machit. Mi caj i pʌjyelob majlel ti yan tac bʌ lum. Jerusalén mi caj i t'uchtʌntel cha'añ gentilob c'ʌlʌl mi' ts'ʌctiyel i yorajlel gentilob.

Hebreos 10:29

¿Mach ba ñumeñic mi caj i toj i mul jiñi mu' bʌ i ts'a'len i Yalobil Dios, jiñi mu' bʌ ñusan jiñi xuc'ul bʌ t'añ yic'ot i ch'ich'el mu' bʌ i sʌc-esañonla, yic'ot jiñi woli' bʌ i ts'a'len jiñi Espíritu woli bʌ i pʌyonla ti' yutslel i pusic'al?

Apocalipsis 11:11

Che' ñumeñix ojlil i chʌmp'ejl q'uiñ, Dios tsi' cha' otsʌbeyob i ch'ujlel cha'añ mi' cuxtʌyelob, tsa' wa'leyob ti' yoc, wen ca'bʌl tsi' cha'leyob bʌq'uen jiñi tsa' bʌ i q'ueleyob.

Apocalipsis 11:3

Mi caj cʌq'uen i p'ʌtʌlel cha'tiquil testigo mu' bʌ caj i yʌc'oñob ti cʌjñel. Uxc'al i chʌmbajc' (1,260) q'uiñ mi caj i cha'leñob subt'añ, lʌpʌl i cha'añob i pislel melbil bʌ ti' tsutsel chivo.

Apocalipsis 12:6

Tsa' puts'i majlel jiñi x'ixic ti jochol bʌ lum ba' chajpʌbil i yajñib ti Dios cha'añ ya'i mi' we'sʌntel jiñi x'ixic uxc'al i chʌmbajc' (1,260) q'uiñ.

Apocalipsis 21:10

Tsi' pʌyʌyon majlel ti Espíritu c'ʌlʌl ti jump'ejl chañ bʌ wits, tsi' pʌsbeyon jiñi colem bʌ tejclum jiñi ch'ujul bʌ Jerusalén woli bʌ i ju'bel tilel ti panchan ch'oyol bʌ ti Dios.

Apocalipsis 21:2

Joñon, Juan, tsa' j q'uele jiñi Ch'ujul bʌ Tejclum, jiñi tsiji' bʌ Jerusalén, woli' ju'bel tilel ti panchan ch'oyol bʌ ti Dios, ch'ʌlbil bajche' xch'oc mu' bʌ i taj i ñoxi'al.

Apocalipsis 22:19

Mi añ majch mi' yʌp lamital i t'añ jiñi juñ, Dios mi caj i yʌpben i c'aba' ti' juñ ba' ts'ijbubil i c'aba'ob jiñi año' bʌ i cuxtʌlel, mi caj i chilben i yajñib ti jiñi ch'ujul bʌ tejclum che' bajche' ts'ijbubil ti ili juñ.