Apocalipsis 10:5 - Jiñi Tsiji' bʌ Wen T'añ cha'añ Estudio

⁵ Jiñi ángel tsa' bʌ j q'uele, jiñi xat wa'al bʌ ti mar yic'ot ti lum, tsi' letsa i c'ʌb ti panchan.

Chol de Tumbalá Bible

⁵ Jini ángel tsa' bʌ j q'uele, jini xat wa'al bʌ ti colem ñajb yic'ot ti lum, tsi' letsa i c'ʌb ti panchan.

Chol Tila

⁵ Jini p'ʌtyʌl bʌ ajtroñel i cha'an Dios ch'oyol bʌ ti panchan tsa' bʌ quilʌ ya' xat wa'al yic'ot junts'ijt i yoc ti lum, junts'ijt i yoc ti ja' ti letsʌ i ñoj bʌ c'ʌb.

Chol: I T’an Dios

⁵ Jini ángel tsa' bʌ j q'uele, jini xat wa'al bʌ ti colem ñajb yic'ot ti lum, tsi' letsa i c'ʌb ti panchan.

Apocalipsis 10:5 Iomraidhean Croise

Genesis 14:22

Abram tsi' jac'be i rey Sodoma: —Tsa' cʌc'ʌ c t'añ ti' tojlel c Yum, jiñi C'ax Ñuc Bʌ Dios, jiñi tsa' bʌ i mele panchan yic'ot pañimil,

Exodo 20:11

come ti' wʌcp'ejl q'uiñ a Yum tsi' mele panchan yic'ot pañimil, jiñi mar, yic'ot pejtelel i bʌl; tsi' c'aja i yoj che' ti wucp'ejlel q'uiñ; jiñi cha'añ a Yum tsi' q'uele ti uts'at i q'uiñilel c'aj-o yic'ot tsi' q'uele ti ch'ujul.

Exodo 6:8

Mi caj c pʌyetla ochel ti jiñi lum ya' baqui tsa' c sʌts'ʌ j c'ʌb che' bʌ tsa' cʌc'ʌ xuc'ul bʌ c t'añ cha'añ mi caj cʌq'ueñob Abraham yic'ot Isaac yic'ot Jacob. Mi caj cʌq'ueñetla cha'añ la' cha'añʌch ti pejtelel ora. Joñon Yumʌlon.”

Hechos 14:15

tsi' yʌlʌyob: —Wiñicob, ¿chucoch mi la' mel che' bajche' iliyi? Joñon lojon wiñicon jach lojon ja'el che' bajche'etla. Woli c su'b lojon cha'añ yom mi la' cʌy jiñi lolom jach bʌ la' melbal cha'añ mi la' ñop jiñi cuxul bʌ Dios tsa' bʌ i mele panchan yic'ot pañimil yic'ot mar yic'ot pejtelel i bʌl.

Hechos 17:23

Come che' bʌ tsa' ñumiyon tsa' j q'uele i yotlel tac diosob, tsa' c taja jump'ejl pulʌntib ba' ts'ijbubil jiñi t'añ: JIÑI DIOS MACH BɅ CɅMBILIC. Jiñi Dios mu' bʌ la' ch'ujutesan mach bʌ la' cʌñʌyic, jiñʌch woli bʌ c su'b.

Romanos 1:20

Anquese ma'añic mi laj q'uel ti lac wut, tsiquil i p'ʌtʌlel yic'ot i ña'tʌbal, come c'ʌlʌl ti' cajibal pañimil tsiquil añʌch Dios, come tsiquil ti' melbal. Jiñi cha'añ bʌjobʌch i bʌ che' ma'añic mi' ñopob.

Deuteronomio 32:40

Come Joñon mi caj letsan j c'ʌb ti panchan, mi caj cʌl: ¡Cuxulon ti pejtelel ora!

Hebreos 6:13

Dios tsi' yʌq'ue Abraham jiñi xuc'ul bʌ i t'añ, i bajñel jach tsi' xuc'choco i t'añ, come ma'añic yam bʌ ñuc bʌ che' bajche' Dios tsa' bʌ mejli i xuc'chocon,

Apocalipsis 1:18

Joñoñʌch jiñi cuxul bʌ, tsa' chʌmiyon, awilan, cha' cuxulon ti pejtelel ora, [amén.] Añ tic p'ʌtʌlel jiñi chʌmeño' bʌ yic'ot i yajñib chʌmeño' bʌ.

Apocalipsis 10:2

Ya' ti' c'ʌb añ bʌlbil bʌ alʌ juñ, jambil, tsi' yʌc'ʌ ñoj bʌ i yoc ti' pam jiñi mar, tsi' yʌc'ʌ ts'ej bʌ i yoc ti' pam jiñi lum,

Apocalipsis 14:7

C'am tsi' cha'le t'añ, tsi' yʌlʌ: ¡Bʌc'ñanla Dios. Su'benla i ñuclel, tsa'ix tili i yorajlel cha'añ mi' cha'len meloñel. Ch'ujutesanla jiñi tsa' bʌ i mele panchan yic'ot pañimil, yic'ot mar, yic'ot i loq'uib ja' tac!

Apocalipsis 16:17

I wucticlel ángel tsi' beq'ue i bʌl taza ti ic'. Tsa' loq'ui c'am bʌ t'añ ti' buchlib Dios ya' ti templo am bʌ ti panchan, tsi' yʌlʌ: ¡Tsa'ix ujti!

Apocalipsis 4:11

Uts'atet c Yum lojon. Yom mi' sujbel a ñuclel yic'ot a c'uxbintel yic'ot a p'ʌtʌlel, come jatet tsa' mele pejtelel chuqui tac añ. Ti pejtelel tsa' mejli cha'añ che'ʌch awom, tsa' laj aq'ue i cuxtʌlel.

Apocalipsis 4:9

Ti jujunyajl jiñi chʌntiquil querubín che' mi' c'ʌyibeñob i ñuclel, che' mi' su'beñob wocolix i yʌlʌ jiñi buchul bʌ ti' yumʌntel jiñi cuxul bʌ ti pejtelel ora,