Apocalipsis 1:9 - Jiñi Tsiji' bʌ Wen T'añ cha'añ Estudio

⁹ Joñon, Juan, a wermañujon mu' bʌ c tem u'bin wocol quic'otetla cha'añ Jesús, temel añonla ti' yumʌntel, temel woli laj cuch wocol che' mi lac pijtan Jesús, añon ti lum joyol bʌ ti ja' i c'aba' Patmos cha'añ ti caj i su'bol i t'añ Dios yic'ot isujmlel Jesús.

Chol de Tumbalá Bible

⁹ Joñon, Juañon, a wermanojon mu' bʌ c tem ubin wocol quic'otetla cha'an Jesús. Temel añonla ti' yumʌntel. Temel woli laj cuch wocol che' mi lac pijtan Jesús. Añon ti lum joyol bʌ ti ja' i c'aba' Patmos cha'an i t'an Dios yic'ot i sujmlel Jesús.

Chol Tila

⁹ Joñon Juañon la' wermañujon ti Cristo. Chʌncol c motin ilan wocol quic'otyetla cha'an Jesucristo. Mi lac motin cha'len yumʌl la quic'ot Dios. Lajal mi yʌq'ueñonla i p'ʌtyʌlel Jesucristo ti lac pusic'al cha'an mi lac ñusan wocol ti wen. Cʌchʌlon ya' ti lum joyol bʌ ti ja' Patmos bʌ i c'aba' cha'an ti caj tic subu i t'an Dios yic'ot cha'an tic tsictisʌ i sujmlel cha'an Jesucristo.

Chol: I T’an Dios

⁹ Joñon, Juañon, a wermanojon mu' bʌ c tem ubin wocol quic'otetla cha'an Jesús. Temel añonla ti' yumʌntel. Temel woli laj cuch wocol che' mi lac pijtan Jesús. Añon ti lum joyol bʌ ti ja' i c'aba' Patmos cha'an i t'an Dios yic'ot i sujmlel Jesús.

Apocalipsis 1:9 Iomraidhean Croise

Mateo 20:23

Jesús tsi' su'beyob: —Isujm mi caj la' ñusan jiñi jach bʌ wocol mu' bʌ c ñusan, [yic'ot mi caj la' ch'ʌmja' che' bajche' tsa' c ch'ʌmʌ] pero ma'añic tic wenta cha'añ mic su'b majqui mi' caj i buchtʌl tic ñoj yic'ot tic ts'ej. Cojach mi caj i buchtʌlob jiñi yajcʌbilo' bʌ i cha'añ c Tat.

Marcos 10:39

Tsi' su'beyob: —Muc'ʌch c mejlel lojon. Jesús tsi' su'beyob: —Isujmʌch, jatetla mi caj la' ñusan jiñi wocol mu' bʌ caj c ñusan che' ja'el mi caj la' ch'ʌmja' che' bajche' mic ch'ʌm.

Juan 16:33

Tsa' c su'beyetla jiñi t'añ cha'añ mi la' taj i ñʌch'tʌlel la' pusic'al ti joñon. Ti pañimil mi caj la' taj wocol, pero yom ch'ejletla come joñon tsa' c jisʌbe i yumʌntel pañimil.

Hechos 1:15

Ti jim bʌ ora Pedro tsa' wa'le ti ojlil ba'añ hermañujob, (tic'ʌl mi añob wʌcc'al jiñi ya' bʌ tempʌbilob), tsi' yʌlʌ:

Hechos 14:22

Tsi' ch'ejl-esʌbeyob i pusic'al xñopt'añob, tsi' xic'beyob cha'añ xuc'ul mi' chʌn ñopob i t'añ Dios yic'ot tsi' su'beyob: “Wersa yom mi lac ñusan ca'bʌl wocol cha'añ mi la cochel ti' yumʌntel Dios.”

Romanos 8:17

Mi i yalobilonla Dios, añ chuqui mi caj la cʌq'uentel ti Dios, mi tsa' la cu'bi wocol temel yic'ot Cristo, lac tem cha'añ jach la quic'ot Cristo chuqui mi caj la cʌq'uentel, cha'añ temel mi lac taj lac ñuclel yic'ot Cristo.

Romanos 8:25

Mi woli lac pijtan jiñi maxto bʌ laj q'uele, la' lac pijtan ti' xuc'tʌlel lac pusic'al.

2 Corintios 1:7

Cujil lojon ti' xuc'tʌlel c pusic'al añ chuqui mi caj la' taj, come woli la' ñusan wocol che' bajche' joñon lojon, jiñi cha'añ woli la' taj i ñuq'uesʌntel la' pusic'al ja'el che' bajche' joñon lojon.

Filipenses 1:7

Che'ʌch yom mic chʌn ña'tañetla ti la' pejtelel ti pejtelel ora, come añetla tic pusic'al; jiñi cha'añ woli la' tajben i yutslel i pusic'al Dios quic'ot, come chʌn xuc'ulon ti jiñi wen t'añ wʌ' ba' ñup'ulon, wolic chʌn tsictesan isujmlel.

Filipenses 4:14

Wen uts'at tsa' la' mele che' bʌ tsa' la' coltayon tic wocol.

2 Tesalonicenses 3:5

La' ñijcʌntic la' pusic'al ti lac Yum cha'añ mi la' c'uxbin Dios, yic'ot cha'añ mi la' cuch wocol che' bajche' Cristo.

2 Timoteo 1:8

Jiñi cha'añ mach a cha'len quisin che' ma' wʌc' ti cʌjñel lac Yum, mach yomic ma' wu'bin quisin cha'añ xñujp'elon i cha'añ lac Yum, ti' p'ʌtʌlel Dios, ñusan wocol quic'ot cha'añ jiñi wen t'añ.

Hebreos 10:36

yom chʌn xuc'uletla ti' cuchol wocol cha'añ mi la' taj chuqui tac albil i cha'añ Dios che' bʌ tsa'ix la' mele chuqui yom Dios.

1 Pedro 5:1

Ti wocol t'añ mic su'beñob ancianojob ti la' tojlel, come ancianojon ja'el, che' ja'el testigojon cha'añ tsi' cuchu wocol Cristo, joñon ja'el mi caj cʌq'uentel c ñuclel yic'ot Cristo che' mi' tsictiyel:

Apocalipsis 1:1

Jiñʌch i tsictesʌbal Jesucristo. Dios tsi' yʌq'ue Cristo cha'añ mi' pʌsben i wiñicob chuqui tac mach jalic mi' caj ti ujtel. Cristo tsi' choco tilel i yángel ba'añ Juan, i wiñic Cristo cha'añ mi' tsictesan.

Apocalipsis 1:2

Juan tsi' su'bu isujmlel i t'añ Dios yic'ot isujmlel Jesucristo yic'ot pejtelel chuqui tac tsi' q'uele.

Apocalipsis 1:4

Juañon, mic ts'ijbubeñetla ili juñ wucmojt xñopt'añet bʌ la mu' bʌ la' tempan la' bʌ ya' ti Asia: La' i yʌq'ueñetla i yutslel yic'ot i ñʌch'tʌlel i pusic'al Dios jiñi am bʌ wʌle, jiñi am bʌ ti wajali, jiñi tal to bʌ, yic'ot jiñi wuctiquil espíritu año' bʌ ti' tojel i buchlib Dios,

Apocalipsis 1:6

Tsi' yotsayonla ti rey yic'ot ti motomaj ti' tojlel Dios i Tat, la' aq'uentic Jesucristo i ñuclel yic'ot i p'ʌtʌlel ti pejtelel ora. Amén.

Apocalipsis 11:7

Che' mi' yujtel i ye'tel jiñi cha'tiquil testigo, mi caj i tilel jiñi jontol bʌ bʌte'el mu' bʌ i letsel loq'uel ti ch'eñ mach bʌ añix mi' tajben i ye'bal, mi caj i tech guerra ti' contra jiñi cha'tiquil, mi caj i mʌjlel i cha'añ, mi caj i tsʌnsan jiñi cha'tiquil.

Apocalipsis 12:11

Jiñi hermañujob tsi' mʌlbeyob xi'ba cha'añ ti' ch'ich'el jiñi Tʌñʌme' yic'ot i t'añ tsa' bʌ i su'beyob. Ma'añic tsi' c'uxbiyob i cuxtʌlel che' bʌbʌq'uen mi' yʌjq'uelob ti chʌmel.

Apocalipsis 12:17

Jiñi ajin ca'bʌl tsi' mich'le jiñi x'ixic, tsa' majli i cha'len guerra ti' contra pejtelel i p'olbal jiñi x'ixic mu' bʌ i jac'beñob i mandar Dios, mu' bʌ i ñopbeñob i t'añ Jesucristo.

Apocalipsis 13:10

“Jiñi mu' bʌ i cajel ti cʌjchel cʌchʌl mi' majlel. Jiñi mu' bʌ i cha'len tsʌnsa ti espada mi caj i tsʌnsʌntel ti espada.” Che' jiñi mi' tsictiyel i p'ʌtʌlel i cha'año' bʌ Dios ti' cuchol wocol, yic'ot i xuc'tʌlel i pusic'al che' mi' ñopob Dios.

Apocalipsis 14:12

Jiñi cha'añ la' i cuchob wocol ti' xuc'tʌlel i pusic'al i cha'año' bʌ Dios mu' bʌ i jac'beñob i mandar Dios yic'ot i cʌntesʌbal Jesús.

Apocalipsis 19:10

Tsa' c pʌcchoco c bʌ ti' tojel i yoc cha'añ mic ch'ujutesan jiñi ángel, pero tsi' su'beyon: “Q'uele, mach che'ic yom ma' cha'len, I wiñicon Dios lajal bajche'et yic'ot a wermañujob mu' bʌ i jac'beñob i t'añ Jesús. ¡Ch'ujutesan Dios!” (Come jiñi Espíritu tsa' bʌ i pejcayonla ti Jesús mi' ñijcañonla ti subt'añ).

Apocalipsis 20:4

Tsa' j q'uele ca'bʌl buchlibʌl, jiñi tsa' bʌ buchleyob ya'i, tsa' aq'uentiyob i ye'tel ti meloñel. Yic'ot tsa' j q'uele i ch'ujlel wiñicob x'ixicob tsa' bʌ set' t'ojbentiyob loq'uel i bic' cha'añ isujmlel Jesús yic'ot cha'añ i t'añ Dios, ma'añic tsi' ch'ujutesayob jiñi jontol bʌ bʌte'el yic'ot i yejtal, ma'añic tsi' ch'ʌmbeyob i ts'ijbal ti' pam mi ti' c'ʌb, tsa' cha' cuxtʌyiyob, tsi' cha'leyob yumʌl yic'ot Cristo lujunc'al i yuxbajc' ja'b.

Apocalipsis 3:10

Come xuc'ul woli la' jac'beñon c t'añ anquese wersa mi la' cuch wocol, jiñi cha'añ mi caj cʌntañetla che' ti' yorajlel wocol mu' bʌ caj i tilel ti pejtelel pañimil cha'añ mi yilʌbentelob i pusic'al jiñi chumulo' bʌ ti pañimil.

Apocalipsis 6:9

Che' bʌ tsi' jamʌ i jo'p'ejlel sello, tsa' j q'uele ti' ye'bal i pulʌntib i majtañ Dios i ch'ujlel pejtelel wiñicob x'ixicob tsa' bʌ tsʌnsʌntiyob cha'añ xuc'ulob ti' t'añ Dios, tsi' yʌc'ʌyob ti cʌjñel Cristo.

Apocalipsis 7:14

Tsa' c su'be: “C yum, awujil jatet.” Tsi' su'beyon: “Jiñobʌch tsa' bʌ loq'uiyob ti ñuc bʌ wocol. Tsa'ix i wuts'uyob i pislel, tsi' sʌc-esayob ti' ch'ich'el jiñi Tʌñʌme'.