Apocalipsis 1:16 - Jiñi Tsiji' bʌ Wen T'añ cha'añ Estudio

¹⁶ Ti ñoj bʌ i c'ʌb añ wucp'ejl ec', woli' loq'uel ti' yej junts'ijt espada jay bʌ i yej ti' cha'wejlel, che'ʌch i wut bajche' jiñi q'uiñ che' ti xinq'uiñil.

Chol de Tumbalá Bible

¹⁶ Ti ñoj bʌ i c'ʌb an wucp'ejl ec'. Woli' loq'uel ti' yej junts'ijt espada jay bʌ i yej ti' cha'wejlel. Che'ʌch i wut bajche' jini q'uin che' ti xinq'uiñil.

Chol Tila

¹⁶ Ti' ñoj bʌ i c'ʌb an siete ec' tyac. Yic'ot ti ti' mi loq'uel espada wen jay bʌ ti cha'wejlel i yej. Chʌ'ʌch yilal i ñi' i wut che' bajche' q'uin che' mi ts'ʌjyel ti xinq'uinil.

Chol: I T’an Dios

¹⁶ Ti ñoj bʌ i c'ʌb an wucp'ejl ec'. Woli' loq'uel ti' yej junts'ijt espada jay bʌ i yej ti' cha'wejlel. Che'ʌch i wut bajche' jini q'uin che' ti xinq'uiñil.

Apocalipsis 1:16 Iomraidhean Croise

Mateo 17:2

Tsa' yʌjñi Jesús ti' wutob. Ts'ʌylaw i wut che' lajal bajche' q'uiñ; wen sʌsʌc tsa' ajñi i pislel lajal bajche' i sʌclel pañimil.

Hechos 26:13

che' ti xinq'uiñil, c rey, che' woli c majlel ti bij tsa' j q'uele i sʌclel c'ajc ch'oyol bʌ ti panchan, ñumen i sʌclel bajche' q'uiñ, tsi' yʌc'ʌ i sʌclel tic joytʌlel yic'ot ti' joytʌlel jiñi woliyo' bʌ ti xʌmbal quic'ot.

Efesios 6:17

C'ʌcʌla i mʌctʌjib la' jol, jiñʌch la' coltʌntel, chucula jiñi espada mu' bʌ i c'ʌn jiñi Espíritu jiñʌch i t'añ Dios;

Hebreos 4:12

Come cuxul i t'añ Dios yic'ot wen p'ʌtʌl. Ñumen jay bajche' espada am bʌ i yej ti' cha'wejlel, mi' sʌl jec' lac pusic'al yic'ot lac ch'ujlel; lac p'aquel yic'ot mi' ñumel ti lac yojlom bʌquel mi' tsictesan chuqui woli' yʌl lac pusic'al yic'ot chuqui yom lac pusic'al.

Apocalipsis 1:20

Mi caj c su'beñet isujmlel jiñi wucp'ejl ec' tsa' bʌ a q'uele ti ñoj bʌ j c'ʌb, yic'ot jiñi wucts'ijt lámpara melbil bʌ ti oro: Jiñi wucp'ejl ec' jiñʌch ángelob mu' bʌ i yajñel yic'ot jiñi wucmojt xñopt'añob; Jiñi wucts'ijt lámpara tsa' bʌ a q'uele, jiñʌch wucmojt xñopt'añob mu' bʌ i tempañob i bʌ.

Apocalipsis 10:1

Tsa' j q'uele tsa' loq'ui ti panchan yam bʌ p'ʌtʌl bʌ ángel, tsa' ju'bi tilel, añ tocal ti' joytʌlel, añ t'oxja' ti' chañelal i jol. Che' yilal i wut bajche' q'uiñ. Che'ʌch i yoc bajche' wa'al bʌ c'ajc.

Apocalipsis 12:1

Tsa' tsictiyi ñuc bʌ i yejtal i p'ʌtʌlel Dios ti panchan: juntiquil x'ixic lʌpʌl bʌ i cha'añ q'uiñ. Añ uw ti ye'bal i yoc. C'ʌcʌl ti' jol jump'ejl corona melbil bʌ ti lajchʌmp'ejl (12) ec'.

Apocalipsis 19:15

Ya' ti' yej mi' loq'uel junts'ijt jay bʌ espada cha'añ mi c'ʌn i low jiñi año' bʌ ti tejclum tac, che' ja'el mi caj i c'ʌn bara melbil bʌ ti tsucu taq'uiñ che' mi' cha'len i yumʌntel. Mi caj i t'uchtan i yʌjts'ib ts'usub yilal ti tsʌts bʌ i mich'ajel Dios Mach bʌ Añic i P'isol i P'ʌtʌlel.

Apocalipsis 19:21

Jiñi c'ʌchʌl bʌ ti caballo tsi' tsʌnsa jiñi yaño' bʌ ti espada tsa' bʌ loq'ui ti' yej, pejtelel te'lemut tsa' ñaj-ayob ti' c'uxol bʌc'talʌl.

Apocalipsis 2:1

Ts'ijbuben juñ xcʌntaya i cha'añ jiñi xñopt'añob mu' bʌ i tempañob i bʌ ya' ti Éfeso: “Jiñi chucul bʌ i cha'añ wucp'ejl ec' ti ñoj bʌ i c'ʌb, jiñi mu' bʌ i cha'len xʌmbal ti' yojlil jiñi wucts'ijt lámpara melbil bʌ ti oro, jiñʌch mu' bʌ i yʌl ili t'añ:

Apocalipsis 2:12

Ts'ijbuben juñ xcʌntaya i cha'añ xñopt'añob mu' bʌ i tempañob i bʌ ya' ti Pérgamo: “Jiñi am bʌ i yespada jay bʌ i yej ti' cha'wejlel, mi' yʌl ili t'añ:

Apocalipsis 2:16

Jiñi cha'añ cʌyʌla la' mul, mi ma'añic mi la' cʌy la' mul mi caj c bʌc' tilel ba'añetla, mi caj j contrajin jiñi nicolaítajob yic'ot jiñi espada am bʌ ti quej.

Apocalipsis 3:1

Ts'ijbuben xcʌntaya i cha'añ xñopt'añob mu' bʌ i tempañob i bʌ ya' ti Sardis: “Jiñi am bʌ i cha'añ wuctiquil espíritu i cha'añ Dios yic'ot wucp'ejl ec', jiñʌch mu' bʌ i yʌl ili t'añ: Cʌmbil c cha'añ la' melbal, cujil chʌmeñetla yilal anquese lon cuxuletla ti alol.