1 Juan 5:4 - Jiñi Tsiji' bʌ Wen T'añ cha'añ Estudio

⁴ Come jiñi tsa' bʌ i yila pañimil ti Dios, mi' t'uchtan i cha'añ bʌ pañimil. Jiñʌch i t'uchtʌntel pañimil che' mi lac ñop Dios.

Chol de Tumbalá Bible

⁴ Come jini tsa' bʌ i yila pañimil ti Dios, mi' t'uchtan i cha'an bʌ pañimil. Jiñʌch i t'uchtʌntel pañimil che' mi lac ñop Dios.

Chol Tila

⁴ Pejtyelel jini yalobilob Dios mi' ganarin i p'ʌtyʌlel mach'ʌ wen am bʌ ti mulawil. Che' tsa'ix lac ch'ujbi Dios mi la cʌq'uentyel lac p'ʌtyʌlel cha'an mi lac ganarin i p'ʌtyʌlel mach'ʌ wen.

Chol: I T’an Dios

⁴ Come jini tsa' bʌ i yila pañimil ti Dios, mi' t'uchtan i cha'an bʌ pañimil. Jiñʌch i t'uchtʌntel pañimil che' mi lac ñop Dios.

1 Juan 5:4 Iomraidhean Croise

Juan 1:13

Tsi' cha' ilayob pañimil, mach ti bʌc'talic mi ti' ch'ich'elic, mi cha'añic che' yom i tat i ña', mi cha'añic che' yom wiñic, cha'añʌch che' yom Dios

Juan 16:33

Tsa' c su'beyetla jiñi t'añ cha'añ mi la' taj i ñʌch'tʌlel la' pusic'al ti joñon. Ti pañimil mi caj la' taj wocol, pero yom ch'ejletla come joñon tsa' c jisʌbe i yumʌntel pañimil.

Juan 3:3

Jesús tsi' jac'be Nicodemo: —Isujm, isujm mic su'beñet, jiñi mach bʌ añic mi' cha' ilan pañimil, mach mejlic i q'uel i yumʌntel Dios.

1 Corintios 15:57

Pero wocolix i yʌlʌ Dios mu' bʌ i yʌq'ueñonla lac p'ʌtʌlel ti lac Yum Jesucristo cha'añ mi' mʌjlel lac cha'añ.

1 Juan 2:29

La' wujil tojʌch Cristo, la' wujil ja'el tsa'ix i yilayob pañimil ti Dios pejtelel mu' bʌ i melob chuqui toj.

1 Juan 3:9

Jiñi tsa'ix bʌ i yila pañimil ti Dios ma'añix mi' chʌn cha'len mulil, come woli' yajñel i yEspíritu Dios ti' pusic'al; mach mejlic i chʌn cha'len mulil, come tsa'ix i yila pañimil ti Dios.

1 Juan 4:4

Calobilob, i cha'añetla Dios, tsa'ix la' t'uchta jiñi xlotob come ñumen ñuc jiñi am bʌ ti la' pusic'al bajche' jiñi am bʌ ti pañimil.

1 Juan 5:1

Pejtelel jiñi mu' bʌ i ñop Cristojʌch jiñi Jesús, tsa'ix i yila pañimil ti Dios, majqui jach mi' c'uxbin lac Tat tsa' bʌ i yʌq'ueyonla lac cha' ilan pañimil mi' c'uxbin ja'el i yalobilob.

1 Juan 5:18

La cujil ma'añic mi' chʌn cha'len mulil jiñi tsa'ix bʌ i yila pañimil ti Dios. Jiñi xi'ba mach mejlix i chʌn tic'lan, come i Yalobil Dios mi' cʌntan.

1 Juan 5:5

¿Majqui jiñi mu' bʌ i t'uchtan jiñi pañimil? Jiñʌch woli bʌ i ñop i Yalobilʌch Dios jiñi Jesús.

Apocalipsis 12:11

Jiñi hermañujob tsi' mʌlbeyob xi'ba cha'añ ti' ch'ich'el jiñi Tʌñʌme' yic'ot i t'añ tsa' bʌ i su'beyob. Ma'añic tsi' c'uxbiyob i cuxtʌlel che' bʌbʌq'uen mi' yʌjq'uelob ti chʌmel.

Apocalipsis 15:2

Che' ja'el tsa' j q'uele mar melbil bʌ ti espejo yilal, xʌbʌl ti c'ajc, ya'añob wiñicob tsa'ix bʌ i mʌlbeyob jontol bʌ bʌte'el yic'ot i yejtal, yic'ot i númerojlel i c'aba'. Wa'alobix ti' pam jiñi mar melbil bʌ ti espejo, añ i cha'añob arpa tac aq'uebilo' bʌ i cha'añ Dios.

Apocalipsis 2:11

Jiñi am bʌ i chiquin la' i yu'biben i t'añ jiñi Espíritu mu' bʌ i su'ben xñopt'añob. Jiñi mu' bʌ i mʌjlel i cha'añ ma'añic mi caj i chʌmel ti' cha'yajlel.”

Apocalipsis 2:17

Jiñi am bʌ i chiquin la' i yu'biben i t'añ jiñi Espíritu mu' bʌ i su'ben xñopt'añob. Jiñi mu' bʌ i mʌjlel i cha'añ mi caj cʌq'uen i c'ux mucul bʌ maná, mi caj cʌq'uen jump'ejl sʌsʌc bʌ alʌ xajlel, ba' otsʌbil tsiji' bʌ i c'aba', ma'añic majch yujil chuqui otsʌbil, cojach jiñi mu' bʌ i ch'ʌm.”

Apocalipsis 2:26

Jiñi mu' bʌ i mʌjlel i cha'añ yic'ot jiñi mu' bʌ i melbeñon que'tel c'ʌlʌl ti' jilibal mi caj cotsan ti' yum colem tejclumob.

Apocalipsis 2:7

Jiñi am bʌ i chiquin la' i yu'biben i t'añ i yEspíritu Dios mu' bʌ i su'ben xñopt'añob mu' bʌ i tempañob i bʌ. Jiñi mu' bʌ i mʌjlel i cha'añ mi caj cʌq'uen i c'uxben i wut jiñi te' i yejtal bʌ laj cuxtʌlel am bʌ ti' yojlil i paraíso Dios.”

Apocalipsis 3:12

Jiñi mu' bʌ i mʌjlel i cha'añ mi caj i yajñel che' bajche' oy ti' templo c Dios, ma'añix mi caj i chʌn loq'uel ya'i. Mi caj c ts'ijbuben i c'aba' c Dios ti jiñi wiñic yic'ot tsiji' bʌ j c'aba' yic'ot i c'aba' i tejclum c Dios, jiñi tsiji' bʌ Jerusalén mu' bʌ i loq'uel tilel ti panchan ch'oyol bʌ tic Dios.

Apocalipsis 3:21

Jiñi mu' bʌ i mʌjlel i cha'añ mi caj c su'ben buchtʌl quic'ot tic yumʌntel, che' bajche' tsa' buchleyon quic'ot c Tat ti' yumʌntel che' bʌ tsa' mʌjli c cha'añ.

Apocalipsis 3:5

Jiñi mu' bʌ i mʌjlel i cha'añ mi caj i yʌq'uentel i lʌp sʌsʌc bʌ i pislel. Ma'añic mi caj c yʌpben i c'aba' ti juñ ba' otsʌbilob i c'aba' año' bʌ i cuxtʌlel. Mi caj c su'b ti' tojel c Tat yic'ot ti' tojel i yángelob.