1 Juan 4:7 - Jiñi Tsiji' bʌ Wen T'añ cha'añ Estudio

⁷ C'uxbibilet bʌ la, la' laj c'uxbin lac bʌ ti lac pejtelel, come ch'oyol ti Dios jiñi c'uxbiya, majqui mi' cha'len c'uxbiya, tsa'ix i yila pañimil ti Dios, i cʌñʌyʌch Dios.

Chol de Tumbalá Bible

⁷ C'uxbibilet bʌ la, la' laj c'uxbin lac bʌ ti lac pejtelel, come ch'oyol ti Dios jini c'uxbiya. Majqui mi' cha'len c'uxbiya, tsa'ix i yila pañimil ti Dios, i cʌñʌyʌch Dios.

Chol Tila

⁷ P'untyʌbilet bʌ la hermañujob, jin cha'an, yom mi lac p'untyan lac bʌ como ya' tyʌlem ti Dios pejtyelel lac p'untyaya. Pejtyelel jini mu' bʌ i p'untyan i pi'ʌl i yalobilʌch Dios. Cʌñʌlix i cha'an Dios.

Chol: I T’an Dios

⁷ C'uxbibilet bʌ la, la' laj c'uxbin lac bʌ ti lac pejtelel, come ch'oyol ti Dios jini c'uxbiya. Majqui mi' cha'len c'uxbiya, tsa'ix i yila pañimil ti Dios, i cʌñʌyʌch Dios.

1 Juan 4:7 Iomraidhean Croise

Juan 13:34

Mi cʌq'ueñetla tsiji' bʌ mandar: C'uxbin la' bʌ. Che' bajche' tsa' j c'uxbiyetla, che' yom mi' la' c'uxbin la' bʌ.

Juan 17:3

Jiñʌch i cuxtʌlel mach bʌ añic mi' jilel che' mi' cʌñetob, jiñi cojach bʌ isujm bʌ Dios, yic'ot Jesucristo tsa' bʌ a choco tilel.

1 Corintios 8:3

Pero mi añ majch mi' c'uxbin Dios, cʌmbilʌch jiñi wiñic ti Dios.

2 Corintios 4:6

Come Dios tsa' bʌ i yʌc'ʌ mandar cha'añ mi' tsictiyel i sʌclel pañimil ti ic'ch'ipan bʌ, jiñʌch i sʌclel tsa' bʌ i yʌc'ʌ ti tsictiyel ti lac pusic'al cha'añ mi lac ch'ʌmben isujm woli' pʌsbeñonla i ñuclel Dios ti Jesucristo.

Gálatas 4:9

pero wʌle, che' bʌ tsa'ix la' cʌñʌ Dios, ñumen mi' cʌñetla ja'el, ¿Chucoch woli la' cha' mulan i cʌntesʌbal lac ñojte'el mach bʌ añic i p'ʌtʌlel cha'añ mi' coltañetla? ¿La' wom ba la' cha' ochel ti xmajtan e'tel?

Gálatas 5:22

Pero i yʌc'bal jiñi Espíritu jiñʌch laj c'uxbiya, i tijicñʌyel lac pusic'al, i ñʌch'tʌlel lac pusic'al, lac p'ʌtʌlel ti' cuchol wocol, yic'ot p'untaya, coltaya, i xuc'tʌlel lac pusic'al,

Deuteronomio 30:6

Lac Yum Dios mi caj i sʌc-esan la' pusic'al yic'ot i pusic'al la' walobilob cha'añ mi la' c'uxbin lac Yum Dios ti pejtelel la' pusic'al, yic'ot ti pejtelel la' ch'ujlel cha'añ cuxul mi la' wajñel.

2 Timoteo 1:7

Yom ch'ejlonla, come i yespíritu Dios ma'añic mi yʌc'onla ti bʌq'uen, pero tsi' yʌq'ueyonla lac p'ʌtʌlel yic'ot laj c'uxbiya, tsi' yʌq'ueyonla i bajñel p'ʌtʌlel lac pusic'al.

1 Pedro 1:22

Tsa'ix la' sʌc-esa la' pusic'al ti' jac'ol isujmlel, jiñi cha'añ mi la' c'uxbin la' wermañujob ti isujm. Wen c'uxbin la' bʌ ti jump'ejl la' pusic'al.

1 Juan 2:10

Jiñi mu' bʌ i c'uxbin i yermañu, añix ti' sʌclel pañimil, ma'añic mi' yʌsan ti mulil i yermañu.

1 Juan 2:29

La' wujil tojʌch Cristo, la' wujil ja'el tsa'ix i yilayob pañimil ti Dios pejtelel mu' bʌ i melob chuqui toj.

1 Juan 2:3

Mi woli lac jac'ben i mandar Dios, che' jiñi cʌñʌlix lac cha'añ Jesús.

1 Juan 2:4

Jiñi mu' bʌ i yʌl: J cʌñʌyʌch Jesús, pero mi ma'añic mi' jac' i mandar Dios, woli ti lot jiñi wiñic, ma'añic isujmlel ti' pusic'al.

1 Juan 2:7

Hermañujob, mach tsijibic ili mandar woli bʌ c ts'ijbubeñetla, pero jiñʌch oñiyix bʌ mandar tsa' bʌ su'bentiyetla ti' cajibal. Jiñi oñiyix bʌ mandar jiñʌch jiñi t'añ tsa'ix bʌ la' wu'bi c'ʌlʌl ti' cajibal.

1 Juan 3:9

Jiñi tsa'ix bʌ i yila pañimil ti Dios ma'añix mi' chʌn cha'len mulil, come woli' yajñel i yEspíritu Dios ti' pusic'al; mach mejlic i chʌn cha'len mulil, come tsa'ix i yila pañimil ti Dios.

1 Juan 4:11

C'uxbibilet bʌ la, mi che'ʌch tsi' c'uxbiyonla Dios, che'ʌch yom mi laj c'uxbin lac bʌ ti lac pejtelel.

1 Juan 4:12

Maxto añic mi' juntiquil tsa' bʌ i q'uele Dios, che' woli laj c'uxbin lac bʌ, Dios mi' yajñel ti joñonla, che' jiñi wolix i ts'ʌctiyel majlel i c'uxbiya ti lac pusic'al.

1 Juan 4:16

Tsa'ix laj cʌmbe i c'uxbiya Dios, tsa'ix lac ñopo ja'el xc'uxbiyajʌch Dios. Jiñi yujil bʌ c'uxbiya mi' yajñel ti Dios. Dios mi' yajñel ti jiñi wiñic.

1 Juan 4:20

Che' añ mu' bʌ i yʌl: Wolij c'uxbin Dios, pero mi woli' ts'a'len i yermañu, xlotʌch, come mi mach c'uxic mi yu'bin i yermañu woli bʌ i q'uele, ¿bajche' mi mejlel i c'uxbin Dios mach bʌ añic tsi' q'uele?

1 Juan 4:8

Jiñi mach bʌ yujilic c'uxbiya mach i cʌñʌyic Dios. Come Dios xc'uxbiyajʌch.

1 Juan 5:1

Pejtelel jiñi mu' bʌ i ñop Cristojʌch jiñi Jesús, tsa'ix i yila pañimil ti Dios, majqui jach mi' c'uxbin lac Tat tsa' bʌ i yʌq'ueyonla lac cha' ilan pañimil mi' c'uxbin ja'el i yalobilob.

2 Juan 1:5

Wʌle, x'ixic, mic su'beñet ti wocol t'añ, ma'añic wolic ts'ijbubeñet tsiji' bʌ mandar, pero jiñʌch mandar tsa' bʌ aq'uentiyonla c'ʌlʌl ti' cajibal, cha'añ yom mi laj c'uxbin lac bʌ ti lac pejtelel.