1 Juan 4:12 - Jiñi Tsiji' bʌ Wen T'añ cha'añ Estudio

¹² Maxto añic mi' juntiquil tsa' bʌ i q'uele Dios, che' woli laj c'uxbin lac bʌ, Dios mi' yajñel ti joñonla, che' jiñi wolix i ts'ʌctiyel majlel i c'uxbiya ti lac pusic'al.

Chol de Tumbalá Bible

¹² Maxto anic majch tsi' q'uele Dios ti pejtelel ora. Che' woli laj c'uxbin lac bʌ, Dios mi' yajñel ti joñonla. Che' jini wolix i ts'ʌctʌyel majlel i c'uxbiya ti lac pusic'al.

Chol Tila

¹² Ma'an majch ti yilʌ Dios pero che' mi lac p'untyan lac bʌ wʌ'ʌch an la quic'ot Dios che' jini. Mi lac cha'len p'untyaya che' bajche' yom.

Chol: I T’an Dios

¹² Maxto anic majch tsi' q'uele Dios ti pejtelel ora. Che' woli laj c'uxbin lac bʌ, Dios mi' yajñel ti joñonla. Che' jini wolix i ts'ʌctʌyel majlel i c'uxbiya ti lac pusic'al.

1 Juan 4:12 Iomraidhean Croise

Genesis 32:30

Jacob tsi' yotsʌbe i c'aba' ti Peniel jiñi ajñibʌl, come tsi' yʌlʌ: “Tsa' j q'uelbe i wut Dios, ma'añic tsi' tsʌnsayon.”

Exodo 33:20

Mach mejlic a q'uel c wut, come ma'añic mi mejlel i q'uelon wiñic. Mi tsi' q'ueleyon juntiquil mux i chʌmel.

Numeros 12:8

Mic caj c cha'len t'añ quic'ot Moisés che' bajche' mi la' pejcan la' bʌ ti jamʌl. Mach muculic c t'añ ti' tojlel. Mi caj i cʌñon che' bajche' quilal. ¿Chucoch ma'añic tsa' la' cha'le bʌq'uen che' bʌ tsa' la' wulwul a'le c wiñic Moisés?”

Juan 1:18

Ma'añic majqui wis q'uelbil i cha'añ Dios; jiñi jach cojach bʌ i Yalobil, am bʌ ti' t'ejl i Tat, jiñi tsi' yʌc'ʌ ti cʌjñel i Tat.

1 Corintios 13:13

Wʌle añ to lac cha'añ uxchajp: i xuc'tʌlel lac pusic'al ti Dios, lac pijtaya yic'ot laj c'uxbiya. Pero jiñi ñumen ñuc bʌ jiñʌch c'uxbiya.

1 Timoteo 1:17

La' q'uejlic ti ñuc jiñi Rey am bʌ ti pejtelel ora, mach bʌ yujilic chʌmel, mach bʌ tsiquilic ti lac wut, jiñʌch jiñi cojach bʌ Dios am bʌ i ña'tʌbal, la' tsictiyic i ñuclel ti pejtelel ora. Amén.

1 Timoteo 6:16

jiñi cojach bʌ mach bʌ añic mi' chʌmel, jiñi chumul bʌ ti' sʌclel ba' mach mejlic lac lʌc'tesan lac bʌ, jiñi mach bʌ q'uelbilic i cha'añ wiñicob mi juntiquilic, mach bʌ mejlic laj q'uel ja'el. La' q'uejlic ti ñuc, la' yumʌntic ti pejtelel ora. Amén.

Hebreos 11:27

Cha'añ tsi' ñopo Dios, tsa' loq'ui Moisés ti Egipto, ma'añic tsi' bʌc'ñʌbe i mich'ajel jiñi rey; come xuc'ul jach tsa' ajñi, lajal che' bajche' woli i q'uel jiñi mach bʌ tsiquilic ti lac wut.

1 Juan 2:5

Jiñi mu' bʌ i jac'ben i t'añ Jesús, woli' wen c'uxbin Dios; che' jiñi la cujil añonla ti Jesús.

1 Juan 3:24

Jiñi mu' bʌ i jac'ben i mandar mi' yajñel ti Dios. Dios mi' yajñel ti jiñi wiñic ja'el. Cʌntesʌbilonla cha'añ jiñi Espíritu tsa' bʌ i yʌq'ueyonla, la cujil woli' yajñel Dios ti joñonla.

1 Juan 4:16

Tsa'ix laj cʌmbe i c'uxbiya Dios, tsa'ix lac ñopo ja'el xc'uxbiyajʌch Dios. Jiñi yujil bʌ c'uxbiya mi' yajñel ti Dios. Dios mi' yajñel ti jiñi wiñic.

1 Juan 4:20

Che' añ mu' bʌ i yʌl: Wolij c'uxbin Dios, pero mi woli' ts'a'len i yermañu, xlotʌch, come mi mach c'uxic mi yu'bin i yermañu woli bʌ i q'uele, ¿bajche' mi mejlel i c'uxbin Dios mach bʌ añic tsi' q'uele?

1 Juan 4:6

Joñonla i cha'añonla Dios. Jiñi mu' bʌ i cʌn Dios, mi' yu'bin lac t'añ. Jiñi mach bʌ añic mi' cʌn Dios ma'añic mi' yu'bin lac t'añ. Che' jiñi mi laj cʌn jiñi Espíritu mu' bʌ i su'b isujmlel yic'ot jiñi espíritu mu' bʌ i cha'len lot.