1 Juan 2:5 - Jiñi Tsiji' bʌ Wen T'añ cha'añ Estudio

⁵ Jiñi mu' bʌ i jac'ben i t'añ Jesús, woli' wen c'uxbin Dios; che' jiñi la cujil añonla ti Jesús.

Chol de Tumbalá Bible

⁵ Jini mu' bʌ i ch'ujbiben i t'an Jesús, woli' wen c'uxbin Dios. Che' jini la cujil añonla ti Jesús.

Chol Tila

⁵ Pero mi chʌncox lac ch'ujbiben i t'an chʌncox lac wen p'untyan Dios. Che' jini mux lac ña'tyan añonixla ti' tyojlel.

Chol: I T’an Dios

⁵ Jini mu' bʌ i ch'ujbiben i t'an Jesús, woli' wen c'uxbin Dios. Che' jini la cujil añonla ti Jesús.

1 Juan 2:5 Iomraidhean Croise

Lucas 11:28

Jesús tsi' su'be: —Ñumen tijicñayob jiñi mu' bʌ i yu'bibeñob i t'añ Dios yic'ot jiñi mu' bʌ i jac'ob.

Juan 14:21

Jiñi mu' bʌ i cʌn c mandar yic'ot mu' bʌ i jac', jiñʌch mu' bʌ i c'uxbiñon. Jiñi mu' bʌ i c'uxbiñon, mi caj i c'uxbintel tic Tat, joñon ja'el mi caj j c'uxbin, mi caj cʌq'ueñetla la' wen cʌñon.

Juan 14:23

Jesús tsi' jac'ʌ, tsi' su'be: —Jiñi mu' bʌ i c'uxbiñon mi caj i jac'beñon c t'añ; mi caj i c'uxbintel tic Tat, mi caj c tilel lojon ba'añ, che' ja'el mi caj c cha'len lojon chumtʌl yic'ot.

Juan 15:5

Joñon jiñi ac', jatetla j c'ʌbetla, jiñi mu' bʌ i yajñel ti joñon che' bajche' joñon mi cajñel ti jiñi wiñic, jiñʌch mu' bʌ i yʌc' ca'bʌl i wut, come mi ma'añic mi la' wajñel ti joñon, ma'añic chuqui mi' mejlel la' bajñel mel.

Juan 6:56

Jiñi mu' bʌ i c'ux c bʌc'tal, mu' bʌ i jap c ch'ich'el, mi' yajñel ti joñon, joñon ja'el mi cajñel ti' pusic'al.

Romanos 8:1

Jiñi cha'añ ma'añix tojmulil ti tojlelob jiñi año' bʌ ti Cristo Jesús, [jiñi mach bʌ añix mi' chʌn jac'beñob i tsuculel i pusic'al, pero mi' jac'beñob jiñi Espíritu,]

1 Corintios 1:30

Come Dios tsi' yʌq'ueyetla la' wajñel ti Cristo Jesús, Dios tsi' yʌq'ueyonla Cristo jiñʌch lac ña'tʌbal tilem bʌ ti Dios, tsa' bʌ i q'ueleyonla ti toj, tsa' bʌ i sʌc-esayonla, yic'ot tsa' bʌ i yʌc'ʌyonla ti libre,

2 Corintios 5:17

Jiñi cha'añ majqui jach añ ti Cristo tsijib melbilix. Tsa'ix jili jiñi tsucul tac bʌ. Awilan tsijib melbil ti' pejtelel.

2 Corintios 5:21

Come Cristo ma'añic tsi' wis ñopo mulil, pero Dios tsi' yʌq'ue i cuch pejtelel lac mul ti' bʌc'tal ya' ti cruz cha'añ mi' yʌq'ueñonla toj bʌ lac pusic'al ti Cristo.

Santiago 2:22

Ña'tan che' jiñi, mach cojic jach tsi' ñopo Dios pero tsi' mele chuqui wen. Tsiquil uts'at tsi' ñopo Dios come tsi' pʌsʌ i ñopbal yic'ot wen bʌ i melbal.

1 Juan 3:24

Jiñi mu' bʌ i jac'ben i mandar mi' yajñel ti Dios. Dios mi' yajñel ti jiñi wiñic ja'el. Cʌntesʌbilonla cha'añ jiñi Espíritu tsa' bʌ i yʌq'ueyonla, la cujil woli' yajñel Dios ti joñonla.

1 Juan 4:17

Wen la cujilix c'uxbiya che' ma'añic mi lac bʌc'ñʌben i q'uiñilel tojmulil, come wʌ' ti pañimil lajalonla bajche' Jesús.

1 Juan 4:18

Ma'añic bʌq'uen che' añ c'uxbiya, che' ts'ʌcʌl laj c'uxbiya mi' laj loq'uel lac bʌq'uen, jiñi mu' bʌ i bʌc'ñan tojmulil añ ca'bʌl i wocol, come jiñi mu' bʌ ti bʌq'uen maxto wen yujilic c'uxbiya.

1 Juan 5:2

La cujil woli laj c'uxbin i yalobilob che' mi laj c'uxbin Dios, che' mi lac jac'ben i mandar ja'el.

1 Juan 5:20

La cujil tsa'ix tili i Yalobil Dios, tsa'ix i yʌq'ueyonla lac ña'tʌbal cha'añ mi laj cʌn jiñi mero isujm bʌ. Añonla ti jiñi mero isujm bʌ jiñʌch Jesucristo, i Yalobil Dios. Jiñʌch mero Dios yic'ot laj cuxtʌlel mach bʌ añic mi' jilel.

2 Juan 1:6

Jiñʌch laj c'uxbiya che' mi lac cha'len xʌmbal che' bajche' mi' yʌl i mandar. Tsa' la' wu'bi jiñi mandar c'ʌlʌl ti' cajibal: Yom mi laj c'uxbin lac bʌ.

Apocalipsis 12:17

Jiñi ajin ca'bʌl tsi' mich'le jiñi x'ixic, tsa' majli i cha'len guerra ti' contra pejtelel i p'olbal jiñi x'ixic mu' bʌ i jac'beñob i mandar Dios, mu' bʌ i ñopbeñob i t'añ Jesucristo.

Apocalipsis 14:12

Jiñi cha'añ la' i cuchob wocol ti' xuc'tʌlel i pusic'al i cha'año' bʌ Dios mu' bʌ i jac'beñob i mandar Dios yic'ot i cʌntesʌbal Jesús.