Yuda 1:6 - Testamente Leyimpsha Xichangana

⁶ Nasvona ku ni tintsumi letingahlayisangiki xiyimu xa tona, kambe tisukile laha akuli kaya ka tona; hi kolaho, Xikwembu xibohile tintsumi takona hi machini, xitipfalela hilaha kungaheliki xinyameni lexichavisaka, tirindzela siku lerikulu ra kuyavanyisiwa.

BIBELE Mahungu Lamanene

⁶ Naswona ku ni tintsumi leti ti nga hlayisangiki xiyimo xa tona, kambe ti sukile laha a ku ri kaya ka tona ka xiviri; hikokwalaho, Xikwembu xi bohile tintsumi ta kona hi tinketani, xi ti pfalela hilaha ku nga heriki exinyamini lexi chavisaka ku fikela siku lerikulu ra ku avanyisiwa.

Xitsonga (Bibele)

⁶ kambe, ni tintsumi leti nga hlayisangiki swa ku sungula ka tona, kambe ti sukele ekaya ka tona, yi ti hlayisile emunyameni, hi ku bohiwa loku nga heriki, ku langutela kona ku avanyisa ka siku lerikulu.

Yuda 1:6 Iomraidhean Croise

Matewu 10:15

Nitiyisile nili ka n'wina: Hi siku ra kuyavanyisa, tiko ra Sodoma na Gomora ritavevukiseliwa kutlula doropa rolero.

Matewu 25:41

“Kutani Hosi yitabzela lavanga vokweni ra yona ra ximantsi yiku: ‘Sukani ka mina, n'wina lavarhukiweke; miya ndzilweni lowungatimekiki, lowulungiseliweke Diyavulosi ni tintsumi ta yena;

Matewu 8:29

Kutani vahuwelela, vaku: “Mhaka ya wena na hina hi yihi ke, wena N'wana wa Xikwembu? Xana utele kutahixanisa nkarhi wungasifika ke?”

Yohane 8:44

Tatana wa n'wina i Diyavulosi, kutani mitsakela kuyendla kurhandza ka tatana wa n'wina. Aali mudlayi ni le kusunguleni. Angatshamanga ntiyisweni, hikuva kuhava ntiyiso ka yena. Loko avulavula mavunhwa, akombisa lesvi anga svona, hikuva i muhembi, ni tatana wa mavunhwa.

Varhoma 2:5

Hi mbilu ya wena leyi ya kunonon'hwa, leyingalaviki kuhundzuka, utiyengetelela vukarhi lebzingatakuwela hi siku lerochavisa, leri kuthethisa loku kululameke ka Xikwembu kungatahumelela ha rona.

Vaefesa 6:12

Hikuva ahilwi ni vanhu va misava leyi, kambe hilwa ni mimoya leyobiha leyinga mpfhukeni: Hilwa ni vafumi, ni vuhosi, ni vakhinyavezi va misava leyi ya munyama, ni mimoya yobiha leyi hanyaka pfukeni.

Vaheveru 10:27

kambe kuyo sala ntsena kulangutela lokuchavisaka ka kuyavanyisiwa, ni vukarhi lebzipfurhaka lebzingatahelisa valala va Xikwembu.

2 Petro 2:4

Xikwembu axitsetselelanga tintsumi loko tijohile, kambe xiticukumetile Tiheleni, ni kutinghenisa na tibohiwile axivandleni xa vafi, laha tipfaleliweke kona kuyafika siku ra kuyavanyisa,

2 Petro 2:9

Lesvi svihlaya lesvaku Hosi yasvitiva kuponisa vanhu va vukhongeli kukarhatekeni ka vona, ni kutshika vanhu lavohomboloka na vali kubiweni kufikela siku ra kuyavanyisa,

Yuda 1:13

i magandlati yoleva ya lwandle, lawa matlhutlhaka khuvi ra tingana ta vona; i tinyeleti totsendzeleka letihlayiseliweke munyama lowukulu ngopfu, hilaha kungaheliki.

Nhlavutelo 20:10

Diyavulosi lweyi aavakanganyisa ahoxiwa tiveni ra ndzilo ni xivavula, laha xivandzana ni muprofeta wa mavunhwa vanga kona, kutani vataxanisiwa vusiku ni nhlekanhi hilaha kungaheliki.

Nhlavutelo 20:2

Kutani yikhoma dragona, nyoka leyi ya khale yiriboha nkarhi woringana malembe ya khulu (1 000).