Yuda 1:3 - Testamente Leyimpsha Xichangana

³ Varhandziwa, aninavela ngopfu kumitsalela timhaka ta kuponisiwa lokunga ka hina hinkwerhu, kambe nikumile lesvaku svanifanela kumitsalela nimikhongotela kulwela vupfumeli lebzi Xikwembu xibzinyikeke kan'we vahlawuliwa va xona.

BIBELE Mahungu Lamanene

³ Varhandziwa, a ndzi navela ngopfu ku mi tsalela timhaka ta ku ponisiwa loku nga ka hina hinkwerhu, kambe ndzi kumile leswaku swa ndzi fanela ku mi tsalela ndzi mi khongotela ku lwela vupfumeri lebyi Xikwembu xi byi nyikeke vahlawuriwa va xona, kan'we swi hela kwalaho.

Xitsonga (Bibele)

³ Varhandziwa, loko ndzi ri karhi ndzi chivirikela ku mi tsalela timhaka ta ku hlayiseka loku hi ku averiweke swin'we, a swi ndzi fanerile ku mi tsalela leswaku ndzi mi khongotela, ndzi ku: Mi lwela ku pfumela loku vakwetsimi va ku nyikiweke kan'we.

Yuda 1:3 Iomraidhean Croise

Timhaka 17:3

na amahlamusela, ni kuringanisa ha wona lesvaku Mesiya aafanele kutwisiwa kuvaviseka, ni kupfuka kufeni; kutani aku: “Yesu lweyi ni mitivisaka yena, hi yena Mesiya.”

Timhaka 18:28

hikuva, hi marito ya matimba, aakanetana ni Vayuda rivaleni, na avakomba hi Matsalwa lesvaku Mesiya, hi yena Yesu.

Timhaka 20:27

hikuva animifihlelanga makungu ya Xikwembu kambe ni mitivisile wona hinkwawu.

Timhaka 28:28

“Loko svilitano, svitiveni lesvaku mahungu ya kuponisiwa hi Xikwembu marhumeliwile ka vamatiko; vona vatamayingisa.”

Timhaka 4:12

“Kutani kuponisiwa aku kumeki ka munhu mun'wana, hikuva vanhu avanyikiwanga vito rin'wana laha misaveni, handle ka vito ra Yesu, leri hifanelaka kuponisiwa ha rona.”

Timhaka 6:7

Rito ra Xikwembu riya mahlweni; na yona nhlayo ya vajondzisiwa yiya yitala ngopfu Yerusalema, nasvona vaprista lavotala vatinyiketa kupfumeleni.

Timhaka 9:13

Ananiya ahlamula, aku: “Hosi, nitwile lavotala va vulavula hi munhu lweyi, ni lesvaku ayendlile lesvobiha ngopfu ka vahlawuliwa va wena le Yerusalema.

Timhaka 9:22

Kambe Sawulo aali karhi ayengeteleliwa matimba, amiyeta Vayuda lavayakeke Damaska, hi kuvakombisa lesvaku Yesu i Mesiya.

1 Vakorinto 15:3

Nimihundzisele lesvi na mina nisviyamukeleke, svinga lesvikulu ka hinkwasvu: Hi lesvaku Yesu afele svijoho sva hina, hilaha Matsalwa mavulaka hakona;

Vagalatiya 2:5

ahipfumelanga ni siku ni rin'we kutiveka hansi ka vona, kambe hilavile lesvaku ntiyiso wa Evhangeli wuhlayiseliwa n'wina svinene.

Vagalatiya 3:28

Hikolaho, aku na Muyuda kumbe Mugriki, aku na xikarawa kumbe mutshunxeki, aku na wanuna kumbe wansati, hikuva hinkwenu miwun'we ka Yesu Kriste.

Vagalatiya 6:11

Vonani maletera makulu lawa ni mitsalelaka hi wona! Kutsala mina hi nexe, hi voko ra mina.

Vaefesa 1:1

Mina Pawulo, mupostola wa Kriste Yesu hi kurhandza ka Xikwembu, nitsalela vakwetsimi va Xikwembu [lavanga le Efesa], lavatshembekaka ka Yesu Kriste, nili:

Vafilipiya 1:1

Mina Pawulo, nandza wa Kriste Yesu, na Timotewu nandzakulorhi, hitsalela vakwetsimi va Xikwembu hinkwavu lavatshamaka Filipi, lavanga va ka Yesu Kriste, svin'we ni vabixopo va kereke ni vadiyakoni, hili:

Vafilipiya 1:27

Ntsena, mahanyela ya n'wina mafanela kufambelana ni Evhangeli ya Kriste, lesvaku hambi ni ta nitatamivona, hambi ni ngati, nitatwa lesvaku mahayimile na mitiyile moyeni wun'we, milwa svin'we hi mbilu yin'we, milwela kupfumela loku kutisiwaka hi Evhangeli.

Vakolosa 1:2

hitsalela vakwetsimi va Xikwembu lavanga le Kolosa, vamakwerhu lavatshembekaka ka Kriste, hili: Timpsalu ni kurhula asvive na n'wina, svihuma ka Xikwembu Tatana wa hina.

1 Vatesalonika 2:2

Hambi loko hirhange hi xanisiwa ni kurhuketeliwa le Filipi, hilaha misvitivaka hakona, Xikwembu xa hina xihinyikile matimba ya kumitivisa Evhangeli leyihumaka ka xona, hambilesvi lavotala avali karhi valwa na yona.

1 Timotiya 1:18

Timotewu n'wananga, niveka milawu leyi mavokweni ya wena, hikuva utsundzuka lesvaku ku ni lavangaprofeta lesvi ungatava svona; marito lawa amakutiyise, utakota kulwa nyimpi leyinene,

1 Timotiya 6:12

Lwana nyimpi leyinene ya kupfumela; khoma svitiya, vutomi lebzingaheliki, lebzi ungavitaniwa hikolaho ka bzona ni kuveka vumboni lebzinene henhla ka bzona, mahlweni ka vanhu lavotala lavangakutwa.

2 Timotiya 1:13

Tshama amaritweni lamatiyeke ya ntiyiso, lawa umatweke ka mina, kupfumeleni ni le rirhandzwini leringa ka Kriste Yesu.

Tito 1:4

Nitsalela Tito, n'wananga wa xiviri, kupfumeleni loku hinga nakona svin'we, nili: Timpsalu ni kurhula, asvive na wena, svihuma ka Xikwembu Tatana, ni ka Yesu Kriste Muponisi wa hina!

Vaheveru 13:22

N'wina vamakwerhu, na mikhongotela svinene, yamukelani marito ya mina, hambilesvi nimitsalelaka apapela rokoma.

Vaheveru 6:9

Ni loko hivulavulisa svosvo, ahikanakani hi tlhelo ra n'wina, varhandziwa, hikuva mitiva lesvinga svinene kutlula svin'wana, lesvi svingamifikisaka kuponisiweni.

1 Petro 5:12

Nimitsalela hi kukomisa, hi xiyandla xa Silvhano, makwerhu lweyi hi kuvona ka mina anga lweyi atshembekeke; namikhongotela, ni kutiyisa lesvaku timpsalu ta ntiyiso ta Xikwembu hi tona leti! Tiyani ka tona.

2 Petro 1:1

Mina Simoni Petrosi, nandza ni mupostola wa Yesu Kriste, nitsalela lavanyikiweke kupfumela loku hi risima leriringanaka ni kupfumela ka hina, hi kululama ka lweyi anga Xikwembu ni muponisi wa hina Yesu Kriste, nili:

2 Petro 2:21

Asvitava sviyampsile ka vona loko vangativanga ndlela ya kululama, handle ka loko vayitivile kutani vatlhelela ndzhaku vatshika Nawu lowohlawuleka lowu vanyikiweke wona.

Yuda 1:1

Mina Yuda, nandza wa Yesu Kriste ni makwavu wa Yakobe, nitsalela lava Xikwembu Tatana xivavitaneke, lavahanyaka rirhandzwini ra xona, na vali karhi vahlayisiwa hi Yesu Kriste, nili:

Yuda 1:17

Kambe n'wina varhandziwa, mifanele kutsundzuka lesvivuliweke khale hi vapostola va Hosi ya hina Yesu Kriste;

Yuda 1:20

Kambe n'wina, varhandziwa, tiyakeni kupfumeleni ka n'wina lokokwetsima ngopfu, Khongelani hi matimba ni Moya Lowokwetsima.

Nhlavutelo 12:11

Vamakwerhu vamuhlulile hi ngati ya Xinyempfana, ni vumboni lebzi vabzihumeseke, kutani avarhandzanga vutomi bza vona kuyafika kufeni.

Nhlavutelo 2:10

Ungachavi lesvinga kusuhi ni kukutwisa kuvava. Vona, Diyavulosi alava kuhoxa van'wana va n'wina jele, lesvaku mitaringiwa, kutani mitava ni kuxaniseka loku kungataheta khume ra masiku. Vana lweyi atshembekaka kufika kufeni, kutani mina nitakunyika hari ya vutomi.