Yohane 9:16 - Testamente Leyimpsha Xichangana

¹⁶ Van'wana xikarhi ka vafarisi vaku: “Lweyi ayendleke svilo lesvi angahumi ka Xikwembu, hikuva anga na mhaka ni siku ra Savata.” Van'wana vaku: “Xana munhu wa mujohi angasvikotisa kuyini kuyendla mahlori lawa yotanu ke?” Kutani kuva ni kuyavana xikarhi ka vona.

BIBELE Mahungu Lamanene

¹⁶ Vafarisi van'wana va ku: “La endleke swilo leswi a nga humi eka Xikwembu, hikuva a nga na mhaka ni siku ra Savata.” Van'wana va ku: “Xana munhu wa mudyohi a nga swi kotisa ku yini ku endla mahlori layo tano xana?” Kutani ku va ni ku hambana exikarhi ka vona.

Xitsonga (Bibele)

¹⁶ Hikwalaho Vafarisi van'wana va ku: “Munhu loyi a hi wa Xikwembu, hikuva a nga hlayisi Savata.” Van'wana va ku: “Mudyohi a nga endlisa ku yini masingita layo tano xana?” Kutani ku hambana ku va kona exikarhi ka vona.

Yohane 9:16 Iomraidhean Croise

Matewu 12:10

Kona kolaho, akuli ni munhu wa kukhwanyala voko. Kutani vavutisa Yesu hi kulava xomunyika nandzu ha xona vaku: “Xana svapfumeleliwa kuhanyisa munhu hi siku ra Savata ke?”

Matewu 12:2

Loko Vafarisi vasvivona, vaku ka yena: “Vona! Vajondzisiwa va wena vayendla lesvingapfumeleliwiki kuyendliwa hi siku ra Savata.”

Luka 13:14

Kambe murhangeli wa sinagoga ahlundzuka hi lesvi Yesu ahanyiseke munhu hi siku ra Savata, kutani atlakusa rito, aku ka xitshungu: “Ku ni masiku ya ntlhanu ni rin'we lawa mintirho yifanelaka kutirhiwa ha wona; tanani hi masiku wolawo kutahanyisiwa, kungali hi siku ra Savata.”

Yohane 10:19

Kuyavana kutlhela kuva kona xikarhi ka Vayuda hikolaho ka marito wolawo.

Yohane 14:11

Nipfumeleni loko niku ni le ka Tatana, ni lesvaku Tatana a le ka mina; loko minganikholwi, pfumelani hikolaho ka yona mintirho.

Yohane 15:24

Loko aningayendlanga, xikarhi ka vona, mintirho leyi yingasiki yendliwaka hi munhu ni mun'we, avangatava ni nandzu; kambe vayivonile mintirho ya mina, kutani vahivengile, mina na Tatana.

Yohane 2:11

Yesu asungulisa xisvosvo amahlori ya yena Kana wa Galileya, akombisa kukwetsima ka yena; kutani vajondzisiwa va yena vapfumela ka yena.

Yohane 3:2

Siku rin'wana aya ka Yesu nivusiku, aku ka yena: “Mujondzisi, hasvitiva khwatsi lesvaku uyena mujondzisi lweyi ata ka hi ka Xikwembu; hikuva aku na munhu lweyi angayendlaka svikombiso lesvi usviyendlaka, loko Xikwembu xingali na yena.”

Yohane 5:10

Hikolaho Vayuda vaku ka lweyi ahanyisiweke: “Namunhla i siku ra Savata, kutani utlula Nawu loko urhwala sangu ra wena.”

Yohane 5:36

Kambe vumboni lebzi ninga na bzona bzitlula bza Yohani, hikuva mintirho leyi Tatana aninyikeke lesvaku niyihetisisa, yinga yona mintirho leyi niyiyendlaka, hi yona leyivekaka vumboni henhla ka mina, bza lesvaku nirhumiwile hi Tatana.

Yohane 6:52

Vayuda vaphikizana hi xivona, vaku: “Xana munhu lweyi angahinyikisa kuyini nyama ya yena lesvaku hiyija ke?”

Yohane 7:12

Akuli ni kuhlevahleva ka xitshungu, hi mayelanu na yena. Van'wana avaku: “I munhu wa munene!” Van'wana avaku: “Ahihim, axenga xitshungu.”

Yohane 7:23

Loko miyimbisa munhu hi siku ra Savata, miyendlela kuhlayisa Nawu wa Moxe; kutani xana minikarihelela yini, lesvi mina ningahanyisa munhu mirini wa yena hinkwawu hi siku ra Savata ke?

Yohane 7:43

Hikolaho kupfuka kuyavana xikarhi ka xitshungu hi mhaka ya yena.

Yohane 9:24

Vatlhela vavitana kambe munhu lweyi aafile mahlo, vaku ka yena; “Dzunisa Xikwembu! Hina hasvitiva lesvaku munhu lweyi i mujohi.”

Timhaka 14:4

Kambe xitshungu xa doropa xiyavana, xin'wana xiyimela Vayuda, xin'wana xiyimela vapostola.