Yohane 7:17 - Testamente Leyimpsha Xichangana

¹⁷ Loko munhu alava kuyendla sva yena, atasvitiva lesvaku jondzo leyi yihuma ka Xikwembu, kumbe no tivulavulela sva mina ntsena?

BIBELE Mahungu Lamanene

¹⁷ Loko munhu a navela ku endla ku rhandza ka Xikwembu, ú ta tiva loko dyondzo leyi yi huma eka Xikwembu, kumbe loko ndzi tivulavulela swa mina ntsena?

Xitsonga (Bibele)

¹⁷ Kungakuloko munhu a rhandza ku endla ku rhandza ka Xikwembu, u ta tiva dyondzo ya mina leswaku xana yi huma eka Xikwembu, kumbexana ndzi vulavula ndzi tisungulela swa mina.

Yohane 7:17 Iomraidhean Croise

Matewu 6:22

Rivoni ra miri i tihlo; hikolaho, loko mahlo ya wena mali manene, miri wa wena hinkwawu wutava kuvonakaleni.

Luka 8:15

Kambe mbewu leyingawela misaveni leyinene, i vanhu lavayingisaka Rito hi timbilu letolulama, letinene, varihlayisa, vaveka mihandzu hi kutiyisela.

Yohane 3:21

Kambe lweyi ahanyaka ntiyisweni, wata kuvonakaleni, lesvaku mintirho ya yena mitavoneka yili leyiyendleliweke Xikwembu.

Yohane 8:43

Hikolaho ka yini mingatwisisi lesvi nisvivulaka xana? I mhaka ya lesvi mitsandzekaka kuyingisa rito ra mina.

Yohane 8:44

Tatana wa n'wina i Diyavulosi, kutani mitsakela kuyendla kurhandza ka tatana wa n'wina. Aali mudlayi ni le kusunguleni. Angatshamanga ntiyisweni, hikuva kuhava ntiyiso ka yena. Loko avulavula mavunhwa, akombisa lesvi anga svona, hikuva i muhembi, ni tatana wa mavunhwa.

Yohane 8:47

Lweyi anga wa Xikwembu ayingisa marito ya Xikwembu; kambe n'wina amiyingisi hikuva amihumi ka Xikwembu.”

Timhaka 17:11

Va le Bereya, avatlula va le Thesalonika hi malwandla, vayamukela Rito hi kukhensa lokukulu, vakambisisa Matsalwa masiku hinkwawu, valava kutiva lesvaku xana timhaka titano ke.