Yohane 5:25 - Testamente Leyimpsha Xichangana

²⁵ Nitiyisile nili ka n'wina: Nkarhi wata, ni svosvi wutile, lowu vafi vangatatwa rito ra N'wana wa Xikwembu, kutani lava varitwaka vatahanya.

BIBELE Mahungu Lamanene

²⁵ Ndzi tiyisisile ndzi ri ka n'wina: Nkarhi wa ta, nisweswi wu tile, lowu vafi va nga ta twa rito ra N'wana wa Xikwembu, kutani lava va ri twaka va ta hanya.

Xitsonga (Bibele)

²⁵ “Ndzi vurisile ndzi ri eka n'wina, Nkarhi wa ta, ni sweswi wu tile, lowu vafi va nga ta yingisa rito ra N'wana wa Xikwembu, kutani lava nga ta ri yingisa va ta hanya.

Yohane 5:25 Iomraidhean Croise

Luka 15:24

hikuva n'wana lweyi wa mina aafile, kambe svosvi wahanya; aalahlekile, kambe svosvi akumiwile.’ Kutani vasungula kutsaka.

Luka 15:32

kambe hifanela kutsaka, hiba minkulungwana, hikuva makwenu lweyi aafile, svosvi wahanya; aalahlekile, svosvi akumiwile.’”

Luka 9:60

Yesu aku ka yena: “Tshika vafi, valahla vafi va vona; kambe wena famba uyapaluxa, ta Mfumu wa Xikwembu.”

Yohane 13:1

Nkhuvu wa Paska awungasifika, kambe Yesu aativa lesvaku nkarhi wa yena wufikile wakusuka laha misaveni, aya ka Tatana. Aarhandza vanhu va yena laha misaveni, kutani avarhandzile ngopfu kuyisa kuheteleleni.

Yohane 17:1

Yesu avulile timhaka leti. Kutani atlakusa mahlo, alanguta tilweni, aku: “Tatana, nkarhi wufikile; dzunisa N'wana wa wena, lesvaku N'wana akudzunisa.

Yohane 4:21

Yesu aku ka yena: “Wansati, pfumela ka mina. Nkarhi wata lowu mingatakala mingagandzeli Tatana ntshaveni leyi, hambi kuli Yerusalema.”

Yohane 4:23

Kambe nkarhi wata, ni svosvi se wutile, lowu vagandzeli va ntiyiso vangatagandzela Tatana hi moya ni ntiyiso, hikuva Tatana alava vagandzeli lavotano.

Yohane 5:21

Kukotisa lesvi Tatana apfuxaka vafi, atlhela avanyika vutomi, svitano na yena N'wana, anyika vutomi ka lava arhandzaka kuvanyika bzona.

Yohane 5:28

Mingahlamaleni hi mhaka leyi, hikuva nkarhi wata lowu hinkwavu lavanga masirheni vangatatwa rito ra yena,

Yohane 6:60

Loko vajondzisiwa va yena lavotala vatwile lesvi, vaku: “Marito lawa manonon'hwa i mani lweyi angama twisisaka xana?”

Yohane 8:43

Hikolaho ka yini mingatwisisi lesvi nisvivulaka xana? I mhaka ya lesvi mitsandzekaka kuyingisa rito ra mina.

Yohane 8:47

Lweyi anga wa Xikwembu ayingisa marito ya Xikwembu; kambe n'wina amiyingisi hikuva amihumi ka Xikwembu.”

Yohane 9:27

Avahlamula, aku: “Nimibzelile khale, kambe amitwisisi; hikolaho ka yini milava kutlhela mintwa mhaka leyi xana? Xana na n'wina milava kuva vajondzisiwa va yena ke?”

Varhoma 6:4

Loko svilitano, hikhuvuleliwa kufa ka yena, hilahliwile na yena, lesvaku kukotisa lesvi Kriste apfuxiweke xikarhi ka vafi, hi matimba ya kukwetsima ya Tatana, na hina hitahanya hi ndlela leyimpsha.

Vaefesa 2:1

Khale amifile moyeni hikolaho ka milandzu ya n'wina ni svijoho sva n'wina.

Vaefesa 2:5

Hikolaho, hambilesvi ahifile hi mhaka ya milandzu ya hina, xihivuyisile vuton'wini svin'we na Kriste. I timpsalu ta Xikwembu leti timiponiseke.

Vaefesa 5:14

hikuva xin'wana ni xin'wana lexikombiwaka lesvi xinga xisvona, xihundzuka kuvonakala. Hikolaho vange: “Pfuka wena lweyi uyetleleke, pfuka xikarhi ka vafi, kutani Kriste atakuvoninga.”

Vakolosa 2:13

Khale, amili lavafeke hikolaho ka milandzu ya n'wina, hi lesvi amili vamatiko lavangayimbangiki, kutani Xikwembu ximihanyisile svin'we na Kriste. Xihirivalelile milandzu ya hina hinkwayu,

Nhlavutelo 3:1

“Tsalela ni ntsumi ya kereke ya le Sarda, uku: “‘Marito ya lweyi anga ni mimoya ya ntlhanu ni yimbirhi ya Xikwembu ni tinyeleti ta ntlhanu ni timbirhi, hi lawa: Nitiva mintirho ya wena: U ni vito ra lesvaku wahanya, kuve ufile.