Yohane 5:19 - Testamente Leyimpsha Xichangana

¹⁹ Hi loko Yesu aku ka vona: “Nitiyisile nili ka n'wina. N'wana angakala angatisunguleli ayendla xilo hi yexe; ayendla ntsena lexi axivoneke xiyendliwa hi Tatana wa yena; hinkwasvu lesvi Tatana asviyendlaka, na yena N'wana wasviyendla.

BIBELE Mahungu Lamanene

¹⁹ Kutani Yesu a ku ka vona: “Ndzi tiyisisile ndzi ri ka n'wina, N'wana a nga ka a nga tisunguleli a endla xilo hi yexe; ú endla ntsena lexi a xi voneke xi endliwa hi Tata wa yena; hinkwaswo leswi Tatana a swi endlaka, na yena N'wana wa swi endla.

Xitsonga (Bibele)

¹⁹ Yesu a hlamula, a ku eka vona: “Ndzi vurisile ndzi ri eka n'wina: N'wana a nga swi koti ku tisungulela a tirha nchumu loko a nga swi vonanga swi tirhiwa hi Tata wa yena; hikuva hinkwaswo leswi endliwaka hi Tatana, N'wana u swi endlisa sweswo na yena.

Yohane 5:19 Iomraidhean Croise

Matewu 26:39

Kutani aya kulenyana, akhinsama, mombo wa yena wukhumba hansi ali karhi akhongela aku: “Tatana, loko svingakoteka, ndzheko lowu wungafambela kule na mina! Ntsena kungayendleki kurhandza ka mina, kambe akuyendleke kurhandza ka wena!”

Luka 21:15

hikuva mina nitaminyika marito ya vutlhari lawa valala va n'wina hinkwavu vangatatsandzeka kulwa na wona ni kumakaneta.

Yohane 10:18

Aku na munhu lweyi anitekelaka bzona, kambe nabzinyiketa hi kurhandza ka mina; ni ni matimba ya kubzinyiketa, nasvona ni ni matimba ya kutlhela nibzikuma. Hi svona lesvi Tatana wa mina anibzeleke kuyendla svona.”

Yohane 12:49

Hikuva anivulavulanga svohuma ka mina, kambe Lweyi anirhumeke, yena Tatana hi xiviri xa yena, anileletile lesvi nifaneleke kusvitivisa ni kusvivula.

Yohane 12:50

Nitiva lesvaku kulerisa ka yena i vutomi leringaheliki kutani lesvi nisvivulaka, nisvivula hilaha Tatana anibzeleke hakona.”

Yohane 14:10

Xana awupfumeli lesvaku ni le ka Tatana, ni lesvaku Tatana a le ka mina ke? Lesvi nimibzelaka svona asvihumi ka mina. Tatana lweyi anga ka mina, hi yena lweyi atirhaka mintirho leyi ya yena.

Yohane 2:19

Yesu avahlamula aku: “Hahlulani Tempele leyi, kutani mina nitayipfuxa hi masiku manharhu.”

Yohane 3:3

Yesu amuhlamula aku: “Nitiyisile nili ka wena, aku na munhu lweyi angatavona Mfumu wa Xikwembu, loko angatlhelanga apsaliwa ra vumbirhi.”

Yohane 5:21

Kukotisa lesvi Tatana apfuxaka vafi, atlhela avanyika vutomi, svitano na yena N'wana, anyika vutomi ka lava arhandzaka kuvanyika bzona.

Yohane 6:38

Hikuva nixikile hi le tilweni, kungali kutayendla kurhandza ka mina, kambe kuyendla kurhandza ka lweyi anirhumeke.

Yohane 8:28

Yesu aku ka vona: “Loko mitava mitlakusile N'wana-wa-Munhu, hi kona mingatativa lesvaku mina ni mani, ni lesvaku aniyendli nchumu hi kurhandza ka mina, kambe nivula svilo lesvi Tatana anijondziseke svona.

Yohane 9:4

Hifanela kutirha mintirho ya lweyi anirhumeke, jambu ringasipela; vusiku bzata, lebzi munhu angatakala angahakoti kutirha.

Timhaka 2:24

Kambe Xikwembu ximupfuxile kufeni, ximutshunxa kuvavisekeni ka rifu, hikuva asvingayendleki lesvaku abohiwa ha rona.

Varhoma 6:4

Loko svilitano, hikhuvuleliwa kufa ka yena, hilahliwile na yena, lesvaku kukotisa lesvi Kriste apfuxiweke xikarhi ka vafi, hi matimba ya kukwetsima ya Tatana, na hina hitahanya hi ndlela leyimpsha.

Varhoma 8:11

Kutani loko Moya wa Xikwembu lexingapfuxa Yesu xikarhi ka vafi wuyakile ka n'wina, yena lweyi apfuxeke Kriste xikarhi ka vafi, atahanyisa miri wa n'wina lowufaka, hi Moya wa yena lowuyakeke ka n'wina.

1 Vakorinto 15:12

Loko kujondzisiwa lesvaku Kriste apfuxiwile kufeni, xana sviyendlisa kuyini lesvaku van'wana xikarhi ka n'wina vaku vafi avapfuki?

2 Vakorinto 4:14

hikuva hasvitiva lesvaku Xikwembu lexi xipfuxeke Hosi Yesu kufeni, xitahipfuxa na hina svin'we na Yesu, kutani xitahihumelelisa svin'we mahlweni ka xona, hina na n'wina.

2 Vakorinto 5:10

Hikuva hinkwerhu hitafanela kuyima mahlweni ka Xitshamu xa kuyavanyisa xa Kriste, lesvaku mun'wana ni mun'wana atayamukela hakelo ya lesvi asviyendleke loko ahali mirini, hambi lesvosaseka kumbe lesvobiha.

Vaefesa 2:5

Hikolaho, hambilesvi ahifile hi mhaka ya milandzu ya hina, xihivuyisile vuton'wini svin'we na Kriste. I timpsalu ta Xikwembu leti timiponiseke.

Vaefesa 3:16

Nikombela Xikwembu lesvaku ntalwini wa kudzuneka ka xona, ximinyika matimba, hi Moya wa xona, kutiya ka munhu wa n'wina wa le ndzeni,

Vafilipiya 3:21

Atahundzula miri wa hina lowusolekaka, awuyendla lowufanaka ni miri wa yena lowokwetsima, hi matimba lawa ha wona akotaka kuveka hinkwasvu hansi ka mfumu wa yena.

Vafilipiya 4:13

Ningayendla hinkwasvu hi matimba ya Lweyi anitiyisaka.

Vakolosa 1:11

Mawaku loko mingatiyisiwa svinene hi matimba, hi kuya hi ntamu wa xona wotwakala, mikota kutiyisela svinene, ni kuleha mbilu na mitsakile.

Vakolosa 1:16

Ha yena, Xikwembu xitumbuluxile svilo hinkwasvu, matilweni ni laha misaveni, svilo lesvivonekaka ni lesvingavonekiki, kukota sviluvelo kumbe lesvinga ni vuhosana, ni lesvinga ni vufumi kumbe matimba yofuma. Hinkwasvu svitumbuluxiwile hi yena, nasvona svitumbuluxeliwe yena.

1 Vatesalonika 4:14

Hikuva lesvi hipfumelaka lesvaku Yesu afile, atlhela apfuka kufeni, hi ndlela yoleyo, hi pfumela lesvaku lavatiyetleleleke, Xikwembu xitavapfuxa na Yesu kufeni, xivavuyisa svin'we na yena.

1 Petro 3:18

Kriste na yena afele svijoho kan'we, afela n'wina; yena munhu lowolulama afele lavangalulamangiki, lesvaku atamifikisa ka Xikwembu; adlayiwile hi tlhelo ra miri, kambe ayendliwile lweyi ahanyaka hi tlhelo ra moya.

Nhlavutelo 2:23

Nitadlaya vana va yena, kutani tikereke hinkwatu titativa lesvaku hi mina lweyi akambisisaka miyanakanyu ni timbilu. Kutani nitayavanyisa mun'wana ni mun'wana hi kuya hi mintirho ya n'wina.