Yohane 3:34 - Testamente Leyimpsha Xichangana

³⁴ Lweyi arhumiwaka hi Xikwembu, avula marito ya Xikwembu, hikuva Xikwembu axipimi loko xinyika Moya wa xona.

BIBELE Mahungu Lamanene

³⁴ Loyi a rhumiweke hi Xikwembu, ú vula marito ya Xikwembu, hikuva Xikwembu a xi pimi loko xi nyika Moya wa xona.

Xitsonga (Bibele)

³⁴ Hikuva la rhumiweke hi Xikwembu, u vula marito ya Xikwembu, hikuva Xikwembu xi n'wi nyika Moya ku nga ri hi mpimo.

Yohane 3:34 Iomraidhean Croise

Matewu 12:18

“Vonani nandza wa mina lweyi ningatihlawulela yena, murhandziwa wa mina lweyi mbilu ya mina yimutsakelaka. Nitaveka Moya wa mina henhla ka yena, kutani atativisa vamatiko lesvaku kuyavanyisa lokolulama ku kona;

Luka 4:18

“Moya wa Hosi wu le henhla ka mina, hikuva yinitotile hi mafurha, yiva yinirhuma kuyabzela svisiwana Evhangeli; kuyativisa lavabohiweke lesvaku vatatshunxiwa, ni svifamahlo lesvaku svitavona; yinirhumile kutshunxa lava vaxanisiwaka,

Yohane 1:16

Kutani hina hinkwerhu hiyamukelile hi ntalu atimpsalu, hi kuphindha.

Yohane 15:26

“Siku kungatafika Muchaveleli lweyi ningatamurhumela yena ata hi le ka Tatana, anga Moya wa ntiyiso lowuhumaka ka Tatana, ataveka vumboni ha mina;

Yohane 16:7

Hambi svilitano, namibzela ntiyiso: Svitava svinene ka n'wina loko nifamba. Hikuva loko ningafambi, Muchaveleli angakala angati ka n'wina; kambe loko nifamba, nitamurhumela ata ka n'wina.

Yohane 3:17

Xikwembu axirhumelanga N'wana wa xona misaveni kutayavanyisa misava, kambe akuli kuyendlela lesvaku misava yitaponisiwa ha yena.

Yohane 5:26

Tani hi lesvi Tatana hi yexe anga xihlovo xa vutomi, hi mukhuva wolowo anyikile N'wana kuva xihlovo xa vutomi na yena.

Yohane 7:16

Yesu avahlamula aku: “Jondzo leyi niyijondzisaka ahi ya mina, kambe i ya lweyi anirhumeke.

Yohane 8:40

Kambe svosvi milava kunidlaya, mina lweyi ningamibzela ntiyiso lowu niwutweke ka Xikwembu! Abrahamu angayendlanga svona lesvi.

Yohane 8:47

Lweyi anga wa Xikwembu ayingisa marito ya Xikwembu; kambe n'wina amiyingisi hikuva amihumi ka Xikwembu.”

Timhaka 1:2

kuyafika siku leri angatlhantukisiwa ha rona aya tilweni, loko aleletile, hi Moya Wokwetsima, vapostola lava aavahlawulile.

Timhaka 10:38

mitiva ni ta Yesu wa Nazareta, ni hilaha Xikwembu xicheleke hakona Moya Wokwetsima ni matimba henhla ka yena. Aafambafamba hinkwaku, na ali karhi ayendla lesvinene, ahanyisa hinkwavu lava vaxanisiwaka hi Diyavulosi, hikuva Xikwembu axili na yena.

Varhoma 8:2

Hikuva Nawu wa Moya lowunyikaka vutomi ha Yesu Kriste, wunitshunxile ka nawu wa kujoha ni wa rifu.

Vaefesa 3:8

Mina, ninga lwentsongo ngopfu ka vahlawuliwa va Xikwembu hinkwavu, ninyikiwile nkateko lowu wa kufikisa ka vamatiko Evhangeli ya rifuwo leringakontekiki ra Kriste,

Vakolosa 1:19

Hikuva svitsakisile Xikwembu lesvaku kuhetiseka hinkwaku ka xona kutshama ka yena,

Vakolosa 2:9

Hikuva vukwembu hinkwabzu bziyakile hi ntalu mirini wa yena,

Nhlavutelo 21:6

Kutani aku ka mina: “Sviyendlekile! Hi mina Alfa na Omega, wosungula ni wohetelela. Lweyi anga ni torha, nitamunyika mati mahala angahakeli nchumu, mahuma xihlobzeni xa mati ya vutomi.

Nhlavutelo 22:1

Kutani ntsumi yinikomba nambu wa mati ya vutomi lowuvangamaka kufana ni “krixtali”, wukhuluka wuhuma Xitshan'wini xa Vuhosi xa Xikwembu ni xa Xinyempfana.