Yohane 20:1 - Testamente Leyimpsha Xichangana

¹ Ni mpundzu wa siku ra Sonto, loko ka haphumile, Mariya wa Magadala aya sirheni, kutani ayakuma lesvaku ribze risusiwile non'weni wa sirha.

BIBELE Mahungu Lamanene

¹ Nimpundzu wa siku ra Sonto, loko ka ha phumile, Mariya wa Magadala a ya esirheni, kutani a ya kuma leswaku ribye ri susiwile enon'weni wa sirha.

Xitsonga (Bibele)

¹ Hi siku ro sungula ra vhiki, Mariya wa Magadala a vindzuka a ya esirheni, bya ha ri vusiku, kutani a vona leswaku ribye a ri susiwile esirheni.

Yohane 20:1 Iomraidhean Croise

Matewu 27:56

Xikarhi ka vona, akuli na Mariya wa Magadala, na Mariya mamana wa Yakobe na Yosefa, ni mamana wa vana va Zebedewu.

Matewu 27:60

kutani aveka ntsumbu sirheni ra yena lerimpsha, leri aarikovotlile ribzeni; kutani avumbuluta ribze lerikulu ropfala nomo wa sirha, kutani atifambela.

Matewu 27:64

Hikolaho, lerisa lesvaku sirha rilaveleliwa kukondza kufika siku ra vunharhu, lesvaku vajondzisiwa va yena vangatshuki vayamuyiva, kutani vatabzela vanhu vaku: ‘Apfukile kufeni!’ Vunhwa lero ringatlula lerorhanga hi kubiha.”

Matewu 27:66

Kutani vaya, vayatiyisa ribze hi kuveka amfungo wa vona, nasvona vaveka ni varindzi lesvaku vasala varindza.

Matewu 28:1

Loko siku ra Savata rihundzile, Mariya wa Magadala, na Mariya lweyi mun'wana, vapfuka na kahali mpundzu wa siku ra Sonto, vayalanguta sirha.

Matewu 28:2

Kutani, kuva ni kutsekatseka lokukulu ka misava; hikuva ntsumi ya Hosi ayixikile hi le tilweni, yivumbuluta ribze, yitshamisa henhla ka rona.

Marka 15:46

Yosefa ayaxava lansoro rosaseka rolahla ha rona; kutani amuhawula, amuphutsela ha rona, amuveka sirheni lerikovotliweke ribzeni, kutani avumbuluta ribze ripfala nomo wa sirha.

Marka 16:9

Loko Yesu apfukile kufeni, ni mpundzu wa siku lerosungula ra vhiki, arhanga atikomba ka Mariya wa Magadala, anga wansati lweyi Yesu aahlongolile madimoni ya ntlhanu ni mambirhi ka yena.

Yohane 11:38

Yesu atlhela atlhaveka moyeni, ata kusuhi ni sirha. Sirha rakona arili mhakwa, mhakwa yakona ayipfaliwile hi ribze.

Yohane 11:41

Hi loko vasusa ribze, kutani Yesu alanguta tilweni, aku: “Tatana, nakukhensa, hikuva uniyingisile.

Yohane 19:25

Nkarhini wolowo, mamana wa Yesu, ni makwavu Mariya, nsati wa Klopasi, na Mariya wa Magadala, avayimile kusuhi ni xihambanu.

Yohane 20:26

Loko kuhundzile masiku ya ntlhanu ni manharhu, vajondzisiwa vatlhela vava kona ndlwini. Tomasi na yena aali na vona. Yesu ata, svipfalu asvipfaliwile, ayima xikarhi ka vona, aku: “Kurhula akuve na n'wina!”

Timhaka 20:7

Hi siku rorhanga ra vhiki, loko hihlengeletene kukhema xinkwa, Pawulo avulavula ni va le Trowasi, alehisa kuvulavula ka yena kuyafika xikarhi ka vusiku, hikuva aalava kufamba ni mixo wakona.

1 Vakorinto 16:2

Hi siku rosungula ra vhiki, mun'wana ni mun'wana wa n'wina aaveke xanchumu hi tlhelo, ka lesvi asvibindzuliseke, lesvaku nhlengo wungahayendliwi siku leri nitaka.

Nhlavutelo 1:10

Kutani, hi siku ra Hosi, anikumeka Moyeni, ni twa rito lerihuwelelaka hi le ndzhaku ka mina, ripfuma kufana ni mhalamhala,