Yohane 17:24 - Testamente Leyimpsha Xichangana

²⁴ Tatana, nilava lesvaku hinkwavu lava uninyikeke vona, vava na mina laha ninga kona; vatahamba vahlalela kukwetsima ka mina loku uninyikeke kona, hikuva unirhandzile misava yingasitumbuluxiwa.

BIBELE Mahungu Lamanene

²⁴ Tatana, ndzi lava leswaku hinkwavo lava u ndzi nyikeke vona, va va na mina laha ndzi nga kona; va ta hamba va hlalela ku kwetsima ka mina loku u ndzi nyikeke kona, hikuva u ndzi rhandzile misava yi nga si tumbuluka.

Xitsonga (Bibele)

²⁴ Tatana, lava u ndzi nyikeke vona, ndzi rhandza leswaku laha ndzi nga kona, na vona va va kona na mina, va ta hamba va hlalela ku kwetsima ka mina loku u ndzi nyikeke kona, hikuva u ndzi rhandzile misava yi nga si va kona.

Yohane 17:24 Iomraidhean Croise

Matewu 25:21

“Hosi ya yena yiku ka yena: ‘Hi svona mutirhi lwenene, lweyi atshembekeke; utshembekile ka svilo svingali svingani, nitakuveka kuva mulanguteli wa lesvotala; nghena kutsakeni ka hosi ya wena.’”

Matewu 25:23

“Hosi ya yena yiku ka yena: ‘Hi svona mutirhi lwenene, lweyi atshembekeke; utshembekile ka svilo svingali svingani, nitakuveka kuva mulanguteli wa svilo lesvotala; nghena kutsakeni ka hosi ya wena.’”

Matewu 25:34

Hilaha Hosi yingatabzela lavanga vokweni ra yona ra xinene yiku: “‘Tanani n'wina lavakatekisiweke hi Tatana wa mina, yamukelani Mfumu lowungalungiseliwa n'wina hi mpfhuka misava yitumbuluka;

Matewu 26:29

Kambe nili ka n'wina: Kusukela svosvi, aningahanwi kambe sva mihandzu ya mvhinya, kukondza kufika siku leri ningatasvinwa na n'wina hi ximpsha, Mfun'wini wa Tatana wa mina.”

Luka 12:37

Kukatekile malandza lawa n'winyi wa wona angatamakuma na marindzile, siku leri avuyaka! Nitiyisile nili ka n'wina: Atatikhama, amatshamisisa kujeni, amaphamela.

Luka 23:43

Yesu aku ka xona: “Nitiyisile nili ka wena: Namuntlha utava na mina Paradiseni.”

Yohane 1:14

Rito ritihundzule nyama riva ritshama xikarhi ka hina, kutani hiva hivona akukwetsima ka yena lokunga kukwetsima ka N'wana lweyi angapsaliwa hi Tatana ali yexe, angatala hi timpsalu ni ntiyiso.

Yohane 12:26

Loko munhu anitirhela, aanilandze, kutani laha ninga kona, na yena nandza wa mina atava kona. Loko munhu anitirhela, Tatana atamukomba malwandla.

Yohane 14:3

Loko niyile kuyamilungisela kona, nitavuya; kutani nitamiteka mita ka mina, lesvaku laha ninga kona, miva kona na n'wina.

Yohane 15:9

“Tani hi lesvi Tatana anirhandzeke, na mina nimirhandzile; tshamani arirhandzwini ra mina.

Yohane 17:2

Hakunene, umunyikile vuhosi henhla ka vanhu hinkwavu, lesvaku hinkwavu lava umunyikeke vona, yena avanyika vutomi lebzingaheliki.

Yohane 17:22

Nivanyikile kudzuneka loku uninyikeke kona, lesvaku vava mun'we kufana na hina hinga mun'we:

Yohane 17:5

Svosvi Tatana, nidzunise mahlweni ka wena hi kudzuneka loku anili nakona ka wena, matilo ni misava svingasivakona.

Yohane 6:37

Hinkwasvu lesvi Tatana aninyikaka svona, svitata ka mina; ni lweyi ataka ka mina, ningakala ningamucukumeti handle.

Yohane 6:39

Kutani kurhandza ka lweyi anirhumeke, hi lesvaku ningalahlekeliwi hi lava aninyikeke vona, kambe nivapfuxa hi siku ra makumu.

Yohane 8:58

Yesu aku ka vona: “Nitiyisile, nili ka n'wina: Loko Abrahamu angasipsaliwa, mina se anili ‘lweyi ninga yena.’”

1 Vakorinto 13:12

Svosvi hivona hi riphume tani hi le ka xivonivoni; kambe nkameni wolowo, hitalangutana hi mahlo; svosvi vutivi bza mina abzihetisekanga, kambe nkameni wolowo nitativa hi kuhetiseka, tani hi lesvi Xikwembu na xona xinitivaka hi kuhetiseka.

2 Vakorinto 3:18

Hina hinkwerhu lava hinga ni tinghohe tofununguliwa, hikombaka kuphatima ka Hosi kufana ni xib'uku, hihundzukile lavafanaka na yena hi kuphatima loku kungangamukaka kuya mahlweni. Hosi yiyendlile svosvo, yona yinga Moya.

2 Vakorinto 4:6

Hikuva hi xona Xikwembu lexi nga te: “Kuvonakala akuvoninge munyameni!” Hi xona lexingavonakalisa kuvonakala atimbilwini ta hina, hitativa kukwetsima ka xona loku kuvonakalaka nghoheni ya Kriste.

2 Vakorinto 5:8

kutani nili, hitiya nhlana, nasvona ahitatsakela kurhurha mirini lowu, lesvaku hitava kaya Hosini.

Vafilipiya 1:23

Nisusumetiwa hala ni hala: Kunavela ka mina i kurhurha niyatshama na Kriste, hikuva hi svona lesvisasekeke ngopfu;

1 Vatesalonika 4:17

kutani hina lava hingatava hahahanya, hitatlakuliwa hiya henhla marefini svin'we na vona, hiyakumana ni Hosi mpfhukeni. Kutani hi ndlela yoleyo, hitava ni Hosi hilaha kungaheliki.

1 Petro 1:21

Hikolaho ka yena, mi ni kutshemba ka Xikwembu, lexi ximipfuxeke xikarhi ka vafi, xinyika kudzuneka, kuyendlela lesvaku kupfumela ka n'wina ni kulangutela ka n'wina sviva ka Xikwembu.

1 Yohane 3:2

Varhandziwa, svosvi hi vana va Xikwembu, asvisitikomba lesvi hingatava svona. Kambe hasvitiva lesvaku, loko yena atatikombisa ka hina, hitafana na yena, hikuva hitamuvona tani hi lesvi anga xisvona.

Nhlavutelo 21:22

Tempele aniyivonanga doropeni, hikuva Tempele ya rona, i Hosi Xikwembu xa matimba hinkwawu, ni Xinyempfana.

Nhlavutelo 3:21

Lweyi ahlulaka, nitamunyika kutshama na mina xiluvelweni xa mina, kukotisa lesvi na mina hi xiviri nihluleke, kutani nitshamaka ni Tatana wa mina xiluvelweni xa yena.