Yohane 16:28 - Testamente Leyimpsha Xichangana

²⁸ Nihumile ka Tatana, kutani nitile misaveni; svosvi nitlhela nisuka misaveni, niya ka Tatana.”

BIBELE Mahungu Lamanene

²⁸ Ndzi humile eka Tatana, kutani ndzi tile emisaveni; sweswi ndzi tlhela ndzi suka emisaveni, ndzi ya eka Tatana.”

Xitsonga (Bibele)

²⁸ Ndzi humile eka Tatana, kutani ndzi tile emisaveni; sweswi, ndzi tlhela ndzi suka emisaveni ndzi ya eka Tatana.”

Yohane 16:28 Iomraidhean Croise

Luka 24:51

Loko ali karhi avakatekisa, ahambana na vona [atlakuliwa, aya tilweni].

Luka 9:51

Loko nkarhi wa kususiwa ka yena misaveni wulava kufika, Yesu akanya mbilu, akhoma ndlela yoya Yerusalema

Yohane 13:1

Nkhuvu wa Paska awungasifika, kambe Yesu aativa lesvaku nkarhi wa yena wufikile wakusuka laha misaveni, aya ka Tatana. Aarhandza vanhu va yena laha misaveni, kutani avarhandzile ngopfu kuyisa kuheteleleni.

Yohane 13:3

Yesu, hi kutiva lesvaku Tatana avekile svilo hinkwasvu mavokweni ya yena, ni lesvaku ahumile ka Xikwembu, nasvona aya ka Xikwembu,

Yohane 14:28

Minitwile loko nite ka n'wina: ‘Nafamba, kutani nitatlhela nivuya niva na n'wina.’ Loko onge minirhandzile, ingi mitsakile hi lesvi niyaka ka Tatana, hikuva Tatana i nkulu kutlula mina.

Yohane 16:10

hi ta kululama, hikuva niya ka Tatana, kutani amingahanivoni;

Yohane 16:16

“Ndzhaku ka nkarhinyana, amingahanivoni; kutani ndzhaku ka nkarhinyana kambe, mitanivona.”

Yohane 16:30

Svosvi hatwisisa lesvaku utiva svilo hinkwasvu, kutani asvifaneli lesvaku munhu akuvutisa nchumu; hikolaho ka svona, hapfumela lesvaku uhuma ka Xikwembu.”

Yohane 16:5

Kambe svosvi niya ka lweyi anirhumeke, kutani aku na mun'we wa n'wina lweyi anivutisaka, aku: ‘Uya kwihi xana?’

Yohane 17:11

Anahali misaveni, kambe vona va laha misaveni, kutani nita koseyo ka wena. Tatana lweyi akwetsimeke, vahlayise hi matimba ya vito ra wena, leri uninyikeke rona, lesvaku vava mun'we kufana na hina.

Yohane 17:13

Svosvi nita koseyo ka wena, kutani nivula svilo lesvi nili misaveni, lesvaku kutsaka ka mina kuva loku kuhetisekeke ka vona.

Yohane 17:5

Svosvi Tatana, nidzunise mahlweni ka wena hi kudzuneka loku anili nakona ka wena, matilo ni misava svingasivakona.

Yohane 8:14

Yesu avahlamula aku: “Ni loko nitihumesela vumboni, vumboni bza mina bzitiyile, hikuva nitiva lomu nihumaka kona, ni lomu niyaka kona; kambe n'wina amikutivi lomu nihumaka kona, ni lomu niyaka kona, amikutivi.

Yohane 8:42

Yesu aku ka vona: “Loko Xikwembu axili tatana wa n'wina, amitanirhandza, hikuva mina nihumile, nasvona nita hi ka Xikwembu; anititisanga, kambe nirhumiwile hi yena.