Yohane 16:11 - Testamente Leyimpsha Xichangana

¹¹ hi ta kuyavanyisa, hikuva mufumi wa misava leyi ayavanyisiwile.

BIBELE Mahungu Lamanene

¹¹ hi ta ku avanyisa, hikuva mufumi wa misava leyi ú avanyisiwile.

Xitsonga (Bibele)

¹¹ ku avanyisa ku kona, hikuva hosi ya misava leyi, yi avanyisiwile.

Yohane 16:11 Iomraidhean Croise

Matewu 12:18

“Vonani nandza wa mina lweyi ningatihlawulela yena, murhandziwa wa mina lweyi mbilu ya mina yimutsakelaka. Nitaveka Moya wa mina henhla ka yena, kutani atativisa vamatiko lesvaku kuyavanyisa lokolulama ku kona;

Matewu 12:36

Hikolaho namibzela lesvaku, hi siku ra kuyavanyisa, vanhu vatatihlamulela ka rito rin'wana ni rin'wana ra hava leri vatshamaka varivula,

Luka 10:18

Yesu aku ka vona: “Nivonile Sathana, awa hi le tilweni kufana ni rihati.

Yohane 12:31

Misava leyi svosvi yikarhi yiyavanyisiwa, kutani hosana ya misava leyi atahlongoliwa svosvi.

Yohane 14:30

Aningahavulavuli svotala na n'wina, hikuva mufumi wa misava leyi wata; kambe anga na matimba henhla ka mina.

Yohane 16:12

“Nahali ni lesvotala lesvi nifanelaka kumibzela svona, kambe svingamitikela svosvi.

Timhaka 10:42

Kutani ahileletile kupaluxa Evhangeli tikweni, ni kutiyisa vumboni bza lesvaku hi yena lweyi avekiweke hi Xikwembu kuva muyavanyisi wa lavahanyaka ni lavafeke.

Timhaka 24:25

Kambe loko Pawulo avulavula hi ta kululama, ni ta kutikhoma, ni ta kuthethisiwa lokungatata, Felikisi akhomiwa hi kuchava, ahlamula, aku: “Namuntlha, famba uyatshama; siku leri ningatakuma nkama, nitatlhela nikuvitana.”

Timhaka 26:18

utapfula mahlo ya vona lesvaku vahuma munyameni, vanghena kuvonakaleni, ni lesvaku vahuma kufumeni ka Sathana vanghena ka Xikwembu; loko vapfumela ka mina, vatakuma kurivaleliwa ka svijoho, kutani vatayaveliwa ndzhaka xikarhi ka vahlawuliwa va Xikwembu.’

Varhoma 16:20

Xikwembu lexinyikaka kurhula, xitahantla xipfotlosela Sathana hansi ka milenge ya n'wina. Timpsalu ta Hosi ya hina Yesu, ative na n'wina!

Varhoma 2:16

svitava tano hi siku leri Xikwembu xingatathethisa svihundla sva vanhu ha Yesu Kriste, hilaha Evhangeli leyi niyijondzisaka yihlayaka hakona.

1 Vakorinto 4:5

Hikolaho mingayavanyiseleni nchumu makumu, na nkama wungasifika. Rindzelani Hosi yikondza yivuya; hi yona leyingatahumesela rivaleni svilo sva munyama lesvifihliweke, ni kupaluxa makungu ya timbilu ta vanhu; kutani hi kona mun'wana ni mun'wana angatakuma kudzunisiwa ka yena loku kuhumaka ka Xikwembu.

2 Vakorinto 4:4

Xikwembu xa misava leyi xipfalile miyehleketo ya vanhu lava vangapfumeliki; xivasive mahlo lesvaku vangavoni kuvonakala ka Evhangeli leyi yitwalisaka kukwetsima ka Kriste, yena lweyi anga xifaniso xa Xikwembu.

Vaefesa 2:2

Minkameni yoleyo, amihanya ka svona, loko mahalandza svihena lesvobiha sva misava leyi. Amili hansi ka hosana leyifumaka mimoya ya le henhla mpfhukeni, wunga moya lowutirhaka ni svosvi xikarhi ka vanhu lavangayingisiki Xikwembu.

Vakolosa 2:15

Kriste ahetile matimba ya mimoya ya tihosana ni ya tihosi, ayiyendla xisolo rivaleni, hi kuyihlulela makumu hi xihambanu.

Vaheveru 2:14

Hikolaho, lesvi vana vanga va nyama ni ngati yin'we hinkwavu, svitano na yena: I wa ntumbuluku mun'we na vona lesvaku, hi rifu ra yena, atakota kuhelisa lweyi anga ni matimba ya rifu, anga yena Diyavulosi,

Vaheveru 6:2

jondzo henhla ka ta kukhuvula, nitakutlhanteka vanhu mavoko, ni ta kupfuka ka vafi, ni ta siku ra kuyavanyisiwa ka makumu.

Vaheveru 9:27

Tanihilesvi kuyimisiweke lesvaku vanhu vafa kan'we, kutani ndzhaku ka svona kuta kuyavanyisiwa,

2 Petro 3:7

Kambe hi ro rito lero, matilo ni misava ya svosvi, svihlayiseliwe kupsha hi ndzilo, sviyimele siku ra kuyavanyisiwa ni ra kuhelisiwa ka vanhu lavangaliki na mhaka ni Xikwembu.

1 Yohane 3:8

Lweyi ajohaka i wa Diyavulosi, hikuva Diyavulosi i mujohi kusukela kusunguleni. Hi svolesvi sviyendleke lesvaku N'wana wa Xikwembu atikombisa lesvaku mitshunxiwa ka mintirho ya Diyavulosi.

Nhlavutelo 1:7

Vonani, wata ni marefu! Mahlo hinkwawu matamuvona, hambi lava vamutlhaveke. Tinxaka hinkwatu ta vanhu va misava titaba nkosi tirila hikolaho ka yena, hakunenenene! Amen.