Yohane 12:49 - Testamente Leyimpsha Xichangana

⁴⁹ Hikuva anivulavulanga svohuma ka mina, kambe Lweyi anirhumeke, yena Tatana hi xiviri xa yena, anileletile lesvi nifaneleke kusvitivisa ni kusvivula.

BIBELE Mahungu Lamanene

⁴⁹ Hikuva a ndzi vulavulanga swo huma emiehleketweni ya mina, kambe Loyi a ndzi rhumeke, yena Tatana hi xiviri xa yena, ú ndzi lerisile leswi ndzi faneleke ku swi tivisa ni ku swi vula.

Xitsonga (Bibele)

⁴⁹ Hikuva a ndzi vulavulanga ndzi tisungulela swa mina; kambe Tatana la ndzi rhumeke, hi yena la ndzi leriseke leswi ndzi swi vulaka, ni mukhuva lowu ndzi swi vulaka ha wona;

Yohane 12:49 Iomraidhean Croise

Yohane 14:10

Xana awupfumeli lesvaku ni le ka Tatana, ni lesvaku Tatana a le ka mina ke? Lesvi nimibzelaka svona asvihumi ka mina. Tatana lweyi anga ka mina, hi yena lweyi atirhaka mintirho leyi ya yena.

Yohane 14:24

Lweyi anganirhandziki, angahlayisi marito ya mina; kutani rito leri miritwaka, ahi ra mina, kambe i ra Tatana lweyi anirhumeke.

Yohane 14:31

Hinkwasvu lesvi, svilava kukomba misava lesvaku nirhandza Tatana, ni lesvaku nitirha hilaha Tatana anileleteke hakona. Sukani miyima, ahifambeni hisuka la!

Yohane 15:15

Anahamivuli malandza, hikuva nandza angativi lexi n'winyi wa yena axiyendlaka; kambe nimivulile vanghanu, hikuva nimitivisile hinkwasvu lesvi nisvitweke ka Tatana wa mina.

Yohane 17:8

hikuva nivanyikile marito lawa uninyikeke wona; vamayamukelile, kutani vajondzile hakunene lesvaku nihuma ka wena, kutani vapfumelile lesvaku nirhumiwile hi wena.

Yohane 3:11

Nitiyisile nili ka wena, hina hivulavula lesvi hisvitivaka nasvona hiveka vumboni bza lesvi hisvivoneke; kambe amipfumeli vumboni bza hina.

Yohane 3:32

Kutani aveka vumboni bza lesvi asvivoneke ni kusvitwa; kambe aku na munhu lweyi apfumelaka vumboni bza yene.

Yohane 5:19

Hi loko Yesu aku ka vona: “Nitiyisile nili ka n'wina. N'wana angakala angatisunguleli ayendla xilo hi yexe; ayendla ntsena lexi axivoneke xiyendliwa hi Tatana wa yena; hinkwasvu lesvi Tatana asviyendlaka, na yena N'wana wasviyendla.

Yohane 5:30

“Ningakala ningatisunguleli niyendla xilo hinoxe; niyavanyisa hilaha nibzeliwaka hakona; hi kolaho, kuyavanyisa ka mina kululamile, hikuva anilavi kuyendla kurhandza ka mina, kambe kurhandza ka lweyi anirhumeke.”

Yohane 6:68

Simoni Petrosi ahlamula, aku ka yena: Hosi, hingaya ka mani xana? Wena u ni marito ya vutomi lebzingaheliki.

Yohane 7:16

Yesu avahlamula aku: “Jondzo leyi niyijondzisaka ahi ya mina, kambe i ya lweyi anirhumeke.

Yohane 8:26

Ni ni lesvotala lesvi nifanelaka kumibzela ni kusviyavanyisa henhla ka n'wina; kambe lweyi anirhumeke i ntiyiso wa xiviri; kutani lesvi nisvitweke ka yena lesvo, nisvivulavula ka misava.

Yohane 8:28

Yesu aku ka vona: “Loko mitava mitlakusile N'wana-wa-Munhu, hi kona mingatativa lesvaku mina ni mani, ni lesvaku aniyendli nchumu hi kurhandza ka mina, kambe nivula svilo lesvi Tatana anijondziseke svona.

Yohane 8:42

Yesu aku ka vona: “Loko Xikwembu axili tatana wa n'wina, amitanirhandza, hikuva mina nihumile, nasvona nita hi ka Xikwembu; anititisanga, kambe nirhumiwile hi yena.

Nhlavutelo 1:1

Loku i kuhlavutela ka Yesu Kriste, loku Xikwembu ximunyikeke kona, lesvaku atakomba malandza ya yena svilo lesvi svifanelaka kuhumelela kungali khale. Kriste asvitivisile hi kurhumela ntsumi ya yena ka Yohani nandza wakwe.