Yakobo 3:17 - Testamente Leyimpsha Xichangana

¹⁷ Kambe vutlhari bzota hi le henhla, bzi ni kurhula, ni kuwolova, ni kuyingiseta, bzitele musa ni mihandzu leyinene; kambe ngopfungopfu bzitengile; abziyi hi nghohe, kumbe kukanganyisa.

BIBELE Mahungu Lamanene

¹⁷ Kambe vutlhari byo ta hi le henhla, byi ni ku rhula, ni ku olova, ni ku yingisela, byi tele musa ni mihandzu leyinene; kambe ngopfu-ngopfu byi tengile; a byi yi hi nghohe, kumbe ku kanganyisa.

Xitsonga (Bibele)

¹⁷ Kambe vutlhari lebyi pfaka ehenhla, ku sungula ka byona i ku tenga, byi engeta byi va ni ku rhula, ni ku olova, ni ku yingisela, byi tele tintswalo, ni mihandzu leyinene, a byi tsekatseki, a byi kanganyisi.

Yakobo 3:17 Iomraidhean Croise

Matewu 23:28

Hi mukhuva wolowo vanhu vamivona na mili lava valulameke handle, kasi ndzeni, mitele hi vukanganyisi ni vubihi.

Matewu 5:8

Kukatekile lavanga ni timbilu letibaseke, hikuva vatavona Xikwembu.

Matewu 5:9

Kukatekile lavatisaka kurhula, hikuva vatavuliwa vana va Xikwembu.

Luka 21:15

hikuva mina nitaminyika marito ya vutlhari lawa valala va n'wina hinkwavu vangatatsandzeka kulwa na wona ni kumakaneta.

Luka 6:36

Miva ni timpsalu kukota lesvi Tatana wa n'wina na yena anga ni musa.

Yohane 1:14

Rito ritihundzule nyama riva ritshama xikarhi ka hina, kutani hiva hivona akukwetsima ka yena lokunga kukwetsima ka N'wana lweyi angapsaliwa hi Tatana ali yexe, angatala hi timpsalu ni ntiyiso.

Yohane 1:47

Yesu avona Nataniyeli ata ka yena, kutani avulavula ha yena aku: Vonani Muisrayele wa ntiyiso, lweyi kungaliki na kukanganyisa ka yena.

Timhaka 11:24

Barnaba aali wanuna wa munene, lweyi ateleke hi Moya Wokwetsima ni kupfumela; kutani ntshungu lowukulu wuyengeteleka ntlaweni wa Hosi.

Timhaka 9:36

Doropeni ra Yopa, akuli ni mujondzisiwa wa xisati, lweyi avaku i Tabita (hi Xigirika: Dorkazi, hi lesvaku N'wa-Mhunti); aatolovela kutirha mintirho leyinene, arhandza ni kunyika.

Varhoma 12:18

Yendlani hinkwasvu lesvi misvikotaka, hi tlhelo ra n'wina, kuhanyisana ni vanhu hinkwavu hi kurhula.

Varhoma 12:9

Rirhandzu ringatshuki riva ni kukanganyisa. Vengani lesvi sva kubiha, minamarhela lesvinene.

Varhoma 15:14

Loko nili mina, vamakwerhu, natshemba lesvaku na n'wina mitaleliwile hi vunene, ni lesvaku mi ni vutivi lebzinyingi bza tinxakaxaka; masvikota ni kutsundzuxana.

1 Vakorinto 12:8

Mun'we anyikiwa hi Moya kuvulavula sva vutlhari, mun'wana anyikiwa kuvulavula sva vutivi, hi kuya hi Moya wolowo;

2 Vakorinto 10:1

Mina Pawulo hanoxe, na mikhongotela hi musa ni vunene bza Kriste, mina Pawulo lweyi minge ni ntsongo loko nili xikarhi ka n'wina, kasi loko nili kule na n'wina mili ni nhenha!

2 Vakorinto 6:6

Hi kutenga, ni vutivi, ni kuleha mbilu, ni timpsalu, hitiyiselile hi matimba ya Moya Lowokwetsima, ni rirhandzu leringaliki na kukanganyisa,

2 Vakorinto 7:11

Vonani hinkwasvu lesvi kuvaviseka ka n'wina hi mukhuva lowutsakeliwaka hi Xikwembu kungatisa svona xikarhi ka n'wina: Mingavona kuhiseka ka n'wina, ni kunavela ka n'wina ka kutihlamulela, ni kukarhateka ka n'wina moyeni, ni kuchava ka n'wina, ni kutitwa ka n'wina, ni kuchivirika ka n'wina, ni kunavela ka n'wina ka kutshinya xijoho! Hi matlhelo hinkwawu mitikombile na mili lavangaliki na nandzu mhakeni leyi.

2 Vakorinto 9:10

Lweyi anyikaka mbewu ka mubzali, ni svakuja, atamilavela mbewu atlhela ayimilisa; atamiyandzisela ntshovelo wa kunyika ka n'wina;

Vaefesa 5:9

hikuva kuvonakala hi kona loku kuvekaka mihandzu leyotala, yinga ya vunene ni kululama ni ntiyiso.

Vafilipiya 1:11

vutomi bza n'wina bzitatala hi mihandzu ya lesvolulama, leyitisiwaka ha Yesu Kriste, lesvaku Xikwembu xidzunisiwa ni kutwalisiwa ha yona.

Vafilipiya 4:8

Kuheteleleni vamakwerhu, hinkwasvu lesvinga ntiyiso, hinkwasvu lesvichavisekaka, hinkwasvu lesvilulameke, hinkwasvu lesvibaseke, hinkwasvu lesvitsakisaka, hinkwasvu lesvikhensekaka, ni loko kuli ni svin'wana lesvinga ni vunene kumbe kudzuneka, svilo lesvi hinkwasvu, tshamani na mili karhi misviyanakanya.

Vakolosa 1:10

hi ndlela leyi, mitahanya vutomi lebzi bzifanelaka Hosi, miyitsakisa timhakeni hinkwatu, miveka mihandzu hi kutirha mintirho leyinene ya tinxakaxaka, miya mikula hi tlhelo ra kutiva Xikwembu.

1 Vatesalonika 2:7

hambilesvi ahitava hisvikotile kumitikisela hi svikombelo sva hina, hi mhaka ya kuva vapostola va Kriste, hihanyisane na n'wina hi moya wa timpsalu, kukotisa mamana lweyi ahlayisaka svinene vana va yena.

1 Timotiya 5:21

Mahlweni ka Xikwembu ni ka Kriste Yesu ni ka tintsumi letohlawuleka, nakukhongotela svinene kuhlayisa timfanelo leti, ungatekeli kuyavanyisa, nakona ungayi hi nghohe.

2 Timotiya 2:24

Nandza wa Hosi angafaneli kuva munhu wa timholova, kambe aave ni timpsalu ka munhu mun'wana ni mun'wana, ativa kujondzisa, alehisa mbilu,

Tito 1:15

Svilo hinkwasvu svitengile ka lava vatengeke; kambe aku na lexitengeke ka lavanyameke, ni ka lava vangapfumeliki, hikuva miyehleketo ya vona ni mapfalu ya vona svinyamisiwile.

Tito 3:2

vangatshuki vavulavula svobiha hi van'wana, kambe vava lavorhula, vava ni vuxaka masiku hinkwawu, vava ni musa ni vanhu hinkwavu.

Vaheveru 12:11

Hikuva kulaya hinkwaku, kuvoneka na kuvavisa hi nkarhinyana wolowo, lokungatsakisiki, kambe ndzhaku, kuveka mihandzu ya kurhula ya vutomi lebzolulama, ka lava vajondzisiweke hi kona.

Vaheveru 12:14

Ringetani hi matimba kuhanya hi kurhula ni vanhu hinkwavu, miringeta ni kukwetsima, hikuva handle ka kukwetsima aku na munhu ni mun'we lweyi angatavona Hosi.

Yakobo 1:17

Nyiko yin'wana ni yin'wana leyosaseka ni minkateko hinkwayu leyihetisekeke svita hi le henhla, svixika hi le ka Muvumbi wa lesvivoningaka, lweyi kungahava kucincacinca ka yena, kumbe kufularhela munhu asala xinyameni.

Yakobo 1:5

Loko mun'we wa n'wina apfumala vutlhari, aakombele ka Xikwembu, lexinyikaka vanhu hinkwavu hi timpsalu, kungali ni kuvilela, kutani atanyikiwa bzona.

Yakobo 2:13

Hakunene kuyavanyisa kungakala kungatweli vusiwana munhu lweyi angatweliki vusiwana van'wana. Kambe kutwela vusiwana kutahlula sikwini ra kuyavanyisa.

Yakobo 2:4

Hakunene, loko miyendlisa svosvo, miya hi nghohe, mikomba kuhambana xikarhi ka n'wina kutani mihundzuka vayavanyisi lavanga ni miyehleketo leyobiha.

Yakobo 3:15

Vutlhari bzotano ahi bzona bzota hi le henhla, kambe i bza misava, bza vuhari ni bza madimoni.

Yakobo 4:8

Tshinelani kusuhi ni Xikwembu kutani xitatshinela kusuhi na n'wina. Hlambani mandla ya n'wina, n'wina vajohi, mibasisa timbilu ta n'wina, n'wina vanhu va miyehleketo yimbirhi.

1 Petro 1:22

Lesvi mibasiseke mimoya ya n'wina hi kuyingisa ntiyiso ni kurhandza vamakwenu hi rirhandzu ra ntiyiso, rhandzananani svinene hi timbilu ta n'wina hinkwatu.

1 Petro 2:1

Hikolaho, tshikani mona hinkwawu, ni vubihi hinkwabzu, ni vukanganyisi, ni mavondzo, ni kulumbeta hinkwaku.

1 Petro 2:18

N'wina vatirhi, titsongahateni ka vinyi va n'wina hi xichavu lexilavekaka, kungali ntsena ka lavanga ni timpsalu ni vunene, kambe ni lava vokarhata.

1 Yohane 3:18

Vananga, hingarhandzaneni hi marito, kumbe hi kuvulavula ntsena, kambe akuve hi mintirho ni ntiyiso.

1 Yohane 3:3

Kutani mani na mani lweyi amulangutelaka, watihlampsa yena hi yexe, kufana ni lesvi yena angatenga.