Yakobo 2:14 - Testamente Leyimpsha Xichangana

¹⁴ Svipfuna yini, vamakwerhu, loko munhu aku a ni kupfumela, kambe angali na mintirho? Xana kupfumela ka yena kungamuponisa ke?

BIBELE Mahungu Lamanene

¹⁴ Swi pfuna yini, vamakwerhu, loko munhu a ku, ú ni ku pfumela, kambe a nga kombi hi mintirho? Xana ku pfumela ka yena ku nga n'wi ponisa xana?

Xitsonga (Bibele)

¹⁴ Vamakwerhu, swi pfuna yini loko munhu a ku: “Ndzi ni ku pfumela,” a nga ri na mitirho; xana ku pfumela ka yena ku nga n'wi hlayisa xana?

Yakobo 2:14 Iomraidhean Croise

Matewu 5:20

Hikuva namibzela nili: Loko kululama ka n'wina kungatluli kululama ka Vatsali ni ka Vafarisi, amingangheni Mfun'wini wa matilo.

Luka 3:11

Ahlamula aku ka xona: “Lweyi anga ni mabanci mambirhi, aapambulele lweyi apfumalaka; ni lweyi anga ni svakuja, aayendlise svosvo na yena.”

Luka 6:49

Kambe lweyi atwaka, kutani angayendli, afana ni munhu lweyi ayakeke yindlo henhla ka sava, yingali na masungulu lawa yotiya: Loko boboma riba yindlo leyi, yihantla yiwa, kutani kuwonheka ka yindlo yakona kuva lokukulu.”

Timhaka 15:9

xikarhi ka hina na vona, axihlawulanga: Xibasisile timbilu ta vona, hikuva vapfumelile.

Timhaka 8:13

Na yena Simoni apfumela, akhuvuliwa, kutani anamarhela Filipi, ahlamala ngopfu hi kuvona mahlori ni lesvohlamalisa lesvikulu lesvi asvihumelela.

Timhaka 8:21

Ntirho lowu ahi wa wena, awungheni ka wona, hikuva mbilu ya wena ayilulamanga mahlweni ka Xikwembu.

Varhoma 2:25

Svatwala lesvaku kuyimba kapfuna, loko uhlayisa Nawu; kambe loko utlula Nawu, kuyimba ka wena kutofana ni loko ungayimbanga.

1 Vakorinto 15:2

mikarhi miponisiwa hi yona, loko kunene mihlayisa vumboni bza mina ka yona, ni loko kupfumela ka n'wina, ka yona kungavanga ka hava.

1 Vakorinto 16:22

Loko munhu angarhandzi Hosi, aave xirhukweni! “Maranatha! Tana, Hosi!”

Vagalatiya 5:13

Loko ali n'wina vamakwerhu, mivitaniwile lesvaku miva lavatshunxekeke; kambe mingateki kutshunxeka ka n'wina, mikuhundzula mpfumelelo wo yendla lesvi ntumbuluku wa n'wina wa laha misaveni wusvinavelaka; matshan'wini ya svosvo, tirhelanani hi rirhandzu.

Vagalatiya 5:6

Hikuva ka Yesu Kriste, kuyimba kumbe kuva munhu wokala angayimbanga, asvivuli nchumu, kambe lexinga xona i kupfumela loku kutirhaka hi rirhandzu.

1 Vatesalonika 1:3

Mahlweni ka Xikwembu Tatana wa hina, hitsundzuka hilaha kupfumela ka n'wina kutikombeke hakona hi sviyendlo, ni lesvaku michivirika kulanguteleni ka Hosi ya hina Yesu Kriste, hi rirhandzu ni kutikarhata.

1 Timotiya 1:5

Kasi, laha xitsundzuxu xa hina xikongomeke kona, i kupfuxa rirhandzu lerihumaka mbilwini leyobasa ni le ripfalwini lerinene, ni le kupfumeleni ka ntiyiso.

1 Timotiya 4:8

hikuva hambi loko kuchukachukisa miri kuli loku kupfunaka hi matlhelo man'wana, vukhongeli bzipfuna hi matlhelo hinkwawu, nasvona bzitshembisa vutomi bza nkama lowu, ni bza lowutaka.

Tito 1:16

Hi milomo ya vona, vavula lesvaku vativa Xikwembu, kambe hi mintirho ya vona vaxilandzula. Hikolaho vanyenyentsa, vayala kuyingisa, avakoti kuyendla ntirho ni wun'we lowunene.

Tito 3:8

Mhaka leyi yitiyile. Kutani nilava lesvaku utiyisa timhaka leti svinene, lesvaku lava vapfumeleke ka Xikwembu, valava tindlela ta kutinyiketa, vatirha mintirho leyinene. Hi svona lesvinga svinene, lesvipfunaka vanhu.

Vaheveru 11:17

Hi kupfumela, Abrahamu, siku leri aringiweke ha rona, anyiketile Izaki alitarini. Abrahamu aanyikiwile svitshembiso, kambe atiya ahumesa mhamba hi n'wana wa yena yelweyi wa mun'we;

Vaheveru 13:9

Mingakanganyisiweni hi tijondzo ta tinxakaxaka letingatwisisekiki. Svilulamile loko mbilu yitiyisiwa hi timpsalu ta Xikwembu, kungali hi milawu hi tlhelo ra svakuja, lesvingapfuniki nchumu ka lava vasvilandzelelaka.

Yakobo 1:16

Mingatshukeni mitikanganyisa, vamakwerhu lavarhandzekaka.

Yakobo 2:16

kutani mun'wana wa n'wina aku ka vona: “Fambani hi kurhula, mikufumela, mixurha.”, na angavanyikanga lesvilavekaka sva miri wa vona, xana svingapfuna yini svosvo ke?

Yakobo 2:18

Kambe munhu angavula aku: “Wena u ni kupfumela; Mina ni ni mintirho.” “Nikombe kupfumela ka wena lokungaliki ni mintirho, kutani mina hi mintirho ya mina nitakukomba kupfumela ka mina!”

Yakobo 2:26

Hikolaho, tani hi lesvi miri lowungahava moya wufeke, kupfumela nakona lokungahava mintirho kufile.

2 Petro 1:5

Hikolaho ka svona svosvo, yendlani hi matimba hinkwawu kuseketela kupfumela ka n'wina hi vunene, vunene bzona mibziseketela hi vutivi,