Yakobo 1:21 - Testamente Leyimpsha Xichangana

²¹ Hikolaho, susani chaka hinkwaru ni vubihi hinkwabzu lebzihantlaka kumila, kutani miyamukela hi kutitsongahata rito leribzaliwaka timbilwini ta n'wina, lerikotaka kumiponisa.

BIBELE Mahungu Lamanene

²¹ Hikokwalaho, susani thyaka hinkwaro ni vubihi hinkwabyo lebyi hatlaka ku mila, kutani mi amukela hi ku titsongahata rito leri byariwaka etimbilwini ta n'wina, leri kotaka ku mi ponisa.

Xitsonga (Bibele)

²¹ Hikwalaho, cukumetani thyaka hinkwaro, ni hinkwaswo swa lunya, mi amukela hi ku olova rito leri byariweke etimbilwini ta n'wina, leri kotaka ku londzovota mimoya ya n'wina.

Yakobo 1:21 Iomraidhean Croise

Matewu 5:5

Kukatekile lavorhula, hikuva vataja ndzhaka ya misava.

Yohane 6:63

Amoya hi wona lowuhanyisaka, nyama ayipfuni nchumu. Marito lawa nimibzelaka wona, i moya ni vutoni.

Yohane 6:68

Simoni Petrosi ahlamula, aku ka yena: Hosi, hingaya ka mani xana? Wena u ni marito ya vutomi lebzingaheliki.

Timhaka 10:33

Hikolaho nihantlisile nirhumela vanhu ka wena; kutani uyendlile svona loko utile; svosvi-ke hinkwerhu hitshamile svin'we, laha mahlweni ka Xikwembu, kuyingisa hinkwasvu lesvi Hosi yikuleleteke svona.”

Timhaka 13:26

“N'wina valekwerhu minga rixaka ra Abrahamu, ni van'wana lava vachavaka Xikwembu xikarhi ka n'wina: Mahungu lawa ya kuponisiwa marhumeliwile ka hina.”

Varhoma 1:16

Mhaka hi lesvaku a ni na tingana hi Evhangeli, hikuva i matimba ya Xikwembu yoponisa hinkwavu lavapfumelaka, kusukela ka Vayuda, kuyafika ka vamatiko.

Varhoma 11:17

Kambe lesvi marhavi man'wana maphatluliweke, ni lesvi wena olivhera wa le nhoveni unamarhetiweke matshan'wini ya vona, utlhela uphameliwa nhome ya rimintsu ra olivhera wa le kaya,

Varhoma 6:17

Kambe akukhensiwe Xikwembu, hikuva n'wina lava va khale amili svikarawa sva kujoha, svosvi miyingisile hi mbilu hinkwayu ntiyiso wa jondzo leyi miyikumeke.

1 Vakorinto 15:2

mikarhi miponisiwa hi yona, loko kunene mihlayisa vumboni bza mina ka yona, ni loko kupfumela ka n'wina, ka yona kungavanga ka hava.

2 Vakorinto 7:1

Varhandziwa, svitshembiso lesvi svinyikiwile hina. Hikolaho, hifanele kutibasisa, hisusa chaka hinkwaru ra miri ni ra moya, hihetiseka vutowini lebzohlawuleka, na hili karhi hichava Xikwembu.

Vaefesa 1:13

Asvili tano na n'wina vamatiko, loko mitwile Rito ra ntiyiso, anga Evhangeli ya kuponisiwa ka n'wina: Mipfumelile ka Kriste, kutani Xikwembu ximifungile hi Moya Lowokwetsima lowu axitshembisile kuminyika wona.

Vaefesa 4:22

Hikolaho, tshikani mahanyela ya n'wina ya khale, mihlivila munhu wa khale lweyi aawonhiwa hi mhaka ya kunavela ka yena loku kukanganyisaka.

Vaefesa 4:25

Hikolaho-ke, tshikani mavunhwa; mun'wana ni mun'wana aavulavuli ntiyiso ka munhukulobze, hikuva hinkwerhu hi svirho sva miri wun'we.

Vaefesa 5:4

Mingatirhiseni marito ya kurhuketela, ni ya vuphukuphuku, ni ya mafenya, hikuva amalaveki; tirhisani ntsena marito lamakhensaka Xikwembu!

1 Vatesalonika 1:5

Hikuva Evhangeli ya hina, ayifikanga ka n'wina hi marito ntsena, kambe hi matimba, ni Moya Lowokwetsima, ni kukholwisa ka yona loku kuhetisekeke, tani hilaha mitivaka hakona lesvi hihanyisaniseke xisvona na n'wina.

1 Vatesalonika 2:13

Kutani mhaka leyi yihisusumetaka kukhensa Xikwembu masiku hinkwawu, hi leyi: Loko himitisele rito ra Xikwembu, miriyingisile ni kuriyamukela, kungali kukota mahungu ya kuhuma ka vanhu, kambe tani hi mahungu ya kuhuma ka Xikwembu. Hakunene mahungu lawa mahuma ka xona, hikuva hi xona xitirhaka hi matimba xikarhi ka n'wina lavapfumeleke.

Tito 2:11

Hakunene timpsalu ta Xikwembu ta kuponisa vanhu hinkwavu, tihumeseliwe rivaleni;

Vaheveru 12:1

Hikolaho, lesvi hirhendzeliweke hi refu lerikulu ra timboni, na hina ahitshikeni hinkwasvu lesvi svihisivelaka, ni vujoho lebzihantlaka kuhinamarhela, hitsutsuma na hili ni kutiyisela kutsutsumeni ka mpfhuka lowu hi vekeliweke wona.

Vaheveru 2:3

xana hina hingapona hi ndlela yihi, loko hinyenya kuponisiwa lokukulu kotanu ke? Hosi yivulile ta kuponisiwa loku, na kahali kusunguleni, kutani kutlhela kutiyisiwa ka hina hi lava vatweke timhaka takona.

Vaheveru 4:2

Hikuva Evhangeli yitile ka hina kufana svinene ni lesvi yingata ka vona; kambe Evhangeli leyi vayitweke ayivapfunanga nchumu, hikuva ayikumananga ni kupfumela ka vona lava vayitweke.

Yakobo 4:8

Tshinelani kusuhi ni Xikwembu kutani xitatshinela kusuhi na n'wina. Hlambani mandla ya n'wina, n'wina vajohi, mibasisa timbilu ta n'wina, n'wina vanhu va miyehleketo yimbirhi.

Yakobo 5:20

tsundzukani lesvi: Mani na mani lweyi avuyiselaka ndleleni mujohi lweyi aalahlekile, ataponisa moya wa munhu lweyo kufeni, kutani atafunengeta svijoho lesvotala.

1 Petro 1:22

Lesvi mibasiseke mimoya ya n'wina hi kuyingisa ntiyiso ni kurhandza vamakwenu hi rirhandzu ra ntiyiso, rhandzananani svinene hi timbilu ta n'wina hinkwatu.

1 Petro 1:9

na mili karhi mikuma mihandzu ya kupfumela ka n'wina, kunga kuponisiwa ka mimoya ya n'wina.

1 Petro 2:1

Hikolaho, tshikani mona hinkwawu, ni vubihi hinkwabzu, ni vukanganyisi, ni mavondzo, ni kulumbeta hinkwaku.

1 Petro 2:11

Varhandziwa, lesvi minga vatshami ni vayendzi misaveni, namikhongotela hi matimba lesvaku mihambana ni kunavela ka miri, lokulwaka ni mimoya ya n'wina.