Varhoma 7:4 - Testamente Leyimpsha Xichangana

⁴ Svivulaka lesvi vamakwerhu: Na n'wina mifile hi tlhelo ra Nawu, hikuva miyendla miri wun'we na Kriste; svihlaya lesvaku miva mun'wana, anga yena lweyi apfuxiweke xikarhi ka vafi lesvaku hiveka mihandzu leyitsakisaka Xikwembu.

BIBELE Mahungu Lamanene

⁴ Swi nga leswi ke, vamakwerhu, na n'wina mi file hi tlhelo ra Nawu, hikuva mi endla miri wun'we na Kriste; swi vula leswaku mi va un'wana, a nga yena loyi a pfuxiweke exikarhi ka vafi leswaku hi tswala mihandzu leyi tsakisaka Xikwembu.

Xitsonga (Bibele)

⁴ Hi mukhuva wolowo, na n'wina vamakwerhu, mi fisiwile hitlhelo ra nawu hi miri wa Kriste, leswaku mi va eka un'wana, a nga loyi a pfukeke eku feni, leswaku hi vekela Xikwembu mihandzu.

Varhoma 7:4 Iomraidhean Croise

Matewu 26:26

Loko vahali kujeni, Yesu ateka xinkwa, kutani loko axikatekisile, axikhema, anyika vajondzisiwa, aku: “Tekani mija, lowu i miri wa mina.”

Marka 4:20

Timbewu letiweleke misaveni leyinene, hi lava vayingisaka Rito, variyamukela, vaveka mihandzu; mbewu yin'we yichela makume manharhu, yin'wana ntlhanu wa makume ni rin'we (60), yin'wana dzana (100).”

Yohane 15:8

Tatana wa mina adzunisiwa hi loko miveka mihandzu leyotala, kukombisa lesvaku mivajondzisiwa va mina va ntiyiso.

Yohane 3:29

Lweyi anga ni mutekiwa i muteki; kambe munghanu wa muteki, hi lweyi ayimaka amuyingisa, atsaka hi kutsaka lokukulu, loko atwa rito ra muteki. Xilesvo, kutsaka ka mina loku hi loku kuhetisekeke.

Yohane 6:51

Hi mina vusva lebzi bzihanyaka lebzixikeke hi le tilweni; loko munhu aja vusva bzakona, atahanya hilaha kungaheliki, kutani vusva lebzi ningatabzinyika vanhu, i nyama ya mina; leyi ningatayinyika misava, lesvaku yihanya.”

Varhoma 6:11

Hi mukhuva wolowo, na n'wina tivoneni na mili lavafeke hi tlhelo ra kujoha, kutani na mili lavahanyelaka Xikwembu ha Yesu Kriste.

Varhoma 6:14

Kujoha kungahamifumi, hikuva amili hansi ka Nawu, kambe svosvi mi le hansi ka timpsalu.

Varhoma 6:2

Nikutsongo! Hina hifeke hi tlhelo ra kujoha, xana hingahahanyela yini kujoheni ke?

Varhoma 6:22

Kambe svosvi, mitshunxiwile kujoheni, mihundzukile vatirhi va Xikwembu, kutani mihandzu leyi miyitshovelaka svosvi yimiyisa kutengeni; kuheteleleni, mitakuma vutomi lebzingaheliki.

Varhoma 7:3

Hikolaho, loko atekana ni wanuna mun'wana, kasi nuna wa yena wahahanya, atahlayiwa muwosvi; kambe loko nuna wa yena afile, atshunxekile nawini; svihlaya lesvaku loko atekana ni wanuna mun'wana, angakala angavuliwi muwosvi.

Varhoma 7:6

Kambe svosvi hitshunxiwile Nawini, lesvi hingafa hi tlhelo ra lesvi ahibohiwile hi svona khale; hi kolaho ke, hitirhela Xikwembu hi ndlela leyimpsha ya Moya, kungali hi leyi ya khale ya lesvitsaliweke Nawini.

Varhoma 8:2

Hikuva Nawu wa Moya lowunyikaka vutomi ha Yesu Kriste, wunitshunxile ka nawu wa kujoha ni wa rifu.

1 Vakorinto 10:16

Ndzheko wa minkateko lowu hiwukhensaka, xana awuvuli lesvaku hi ni kuhlangana svin'we ni ngati ya Kriste ke? Ni xinkwa lexi hikhemelanaka, xana axihlayi lesvaku hi ni kuhlangana svin'we ni miri wa Kriste ke?

2 Vakorinto 11:2

Namihisekela kukota lesvi Xikwembu na xona ximihisekelisaka xisvona. Niminyiketile ka Kriste kukota nhwanyana atengeke, lesvaku ava ni nuna mun'we ntsena anga Kriste.

Vagalatiya 3:13

Kriste ahiponisile khombzeni ra xirhuko xa Nawu, hi kutiyendla lweyi arhukiweke hikolaho ka hina, hikuva Matsalwa mali: “Akurhukiwe mun'wana ni mun'wana lweyi ahayekiweke mhandzeni.”

Vagalatiya 5:18

Kambe loko mifambisiwa hi Moya, amile hansi ka Nawu.

Vaefesa 2:15

Ahelisile Nawu lowunga ni svileriso ni svinawanawana; ayendlile lesvi lesvaku, hi tinxaka leti timbirhi, atavumba vanhu van'we lavampsha lavahlanganaka ka yena, kutani svitisa kurhula.

Vafilipiya 1:11

vutomi bza n'wina bzitatala hi mihandzu ya lesvolulama, leyitisiwaka ha Yesu Kriste, lesvaku Xikwembu xidzunisiwa ni kutwalisiwa ha yona.

Vafilipiya 4:17

Ahi lesvaku nilava kukuma tinyiko, kambe nilava lesvaku n'wina mikuma mihandzu leyi yingatayandza yimitwalisa.

Vakolosa 1:10

hi ndlela leyi, mitahanya vutomi lebzi bzifanelaka Hosi, miyitsakisa timhakeni hinkwatu, miveka mihandzu hi kutirha mintirho leyinene ya tinxakaxaka, miya mikula hi tlhelo ra kutiva Xikwembu.

Vakolosa 1:22

kambe svosvi, Xikwembu xiyendlile lesvaku mivuyelelana na xona, hi N'wana wa xona lweyi angahanya na ali munhu, atlhela afa lesvaku mitisiwa ka Xikwembu na mili vakwetsimi, mingali na xisandzu kumbe kusoleka mahlweni ka xona.

Vakolosa 1:6

leyifikeke ka n'wina kukota lesvi yifikeke matikweni hinkwawu; yikarhi yiveka mihandzu ni kukula, kukota lesvi yiyendlisaka xisvona ka n'wina, kusukela siku leri mitweke ni kutwisisa timpsalu ta Xikwembu hi ntiyiso wa tona.

Vakolosa 2:14

xihelisa tsalwa leri khale arihirhwexa nandzu, rihimangalela hi milawu ya rona, kutani xiyisusele tlhelo, xirigongondzela xihambanwini.

Vakolosa 2:20

Loko mifile na Kriste ni kuhambana ni mimoya leyifumaka misava leyi, hikolaho ka yini mahahanya kufana ni loko mahali va misava xana?

Vaheveru 10:10

Kutani, lesvi ayendleke kurhandza loku ka Xikwembu, hina hiyendliwile lavahlawulekeke hi miri wa Yesu Kriste, lowu awunyiketeke kuva mhamba kan'we ntsena sviva svihela kolaho.

1 Petro 2:24

Yena hi yexe, arhwele svijoho sva hina mirini wa yena le xihambanwini, lesvaku na hina hifa hi tlhelo ra kujoha, hihanyela kululama. Miholisiwile hi svilondza sva yena.

Nhlavutelo 19:7

Ahitsakeni hitsakisisa, hixidzunisa, hikuva nkhuvu wa vukati bza Xinyempfana wufikile, ni mutekiwa wa xona atilulamisile;

Nhlavutelo 21:9

Kutani kufika yin'we ka tintsumi leti ta ntlhanu ni timbirhi letinga ni mindzheko ya ntlhanu ni yimbirhi, leyiteleke hi mintungu leyohetelela; ntsumi yivulavula na mina yiku: “Tana, nitakokumba Mutekiwa, nsati wa Xinyempfana.”