Varhoma 2:4 - Testamente Leyimpsha Xichangana

⁴ Kumbe, xana usola vunene lebzikulu bza xona, ni bza kutsetselela ka xona, ni bza mbilu ya xona yoleha ngopfu, ungativi lesvaku vunene bza Xikwembu bzikukokela kuhundzukeni, ke?

BIBELE Mahungu Lamanene

⁴ Kumbe, xana u sola vukulu bya nsovo wa xona, ni bya ku tsetselela ka xona, ni bya mbilu ya xona yo leha ngopfu, u nga tivi leswaku vunene lebyi bya Xikwembu byi ku kokotelela eku hundzukeni, xana?

Xitsonga (Bibele)

⁴ Kumbe u tsan'wa vunene, ni xivindzi, ni musa wa Xikwembu, u nga tsundzuki leswaku vunene bya xona byi ku byisela eku hundzukeni xana?

Varhoma 2:4 Iomraidhean Croise

Varhoma 10:12

Aku na kuhambana xikarhi ka Muyuda ni wamatiko, hikuva hinkwavu va ni Hosi yin'we, leyi minkateko ya yona yitalelaka hinkwavu lava vayikhongelaka.

Varhoma 11:22

Hikolaho, lavisisa vunene bza Xikwembu, ni nhonga ya xona; nhonga henhla ka lavaweke, ni vunene henhla ka wena, loko utiyisela vuneneni bza xona; kambe loko ungatiyiseli, na wena utatsemiwa.

Varhoma 11:33

Vukosi bza Xikwembu, ni vutlhari bza xona, ni vutivi bza xona, ahikuyeta ka svona! Makungu ya xona mangapimisiwa kuyini, ni tindlela ta xona tingatwisisiwa kuyini xana?

Varhoma 3:25

Xikwembu ximuvekile lesvaku hi kufa ka yena, vanhu va rivaleliwa svijoho, loko vapfumela ka yena; xiyendlele kukomba hilaha xiyendlaka vanhu vava lavalulameke hakona, hikuva axirivalele vanhu kujoha ka vona ka khale, minkameni ya kutsetselela ka xona;

Varhoma 6:1

Loko svilitano, xana hitakuyini? Xana hitaya mahlweni hijoha lesvaku timpsalu titala ke?

Varhoma 6:15

Kutani-ke? Xana hitajoha, hi lesvi hingaliki hansi ka Nawu, kambe hinga hansi ka timpsalu ke? Nikutsongo!

2 Vakorinto 8:2

Varingiwile ngopfu hi maxangu, kambe xikarhi ka svona hinkwasvu, kutsaka ka vona kuyile kuyengeteleka. Kutani hambilesvi avali avusiwaneni lebzikulu, vanyikelile rifuwo ra vona hi kunyika loku kutlulisaka mpimo.

Vaefesa 1:18

na mahlo ya timbilu ta n'wina mavoningiwile, mitativa lesvaku kulangutela loku ximivitanelaka kona hi loku koyini, ni lesvaku kutala ka ndzhaka ya xona leyosaseka ngopfu leyitshembisiwaka vahlawuliwa va xona, hi leyoyini,

Vaefesa 1:7

Hikuva, hi kufa ka Kriste, haponisiwa, hirivaleliwa svijoho sva hina. Timpsalu ta Xikwembu i tikulu ngopfu,

Vaefesa 2:4

Kambe Xikwembu xi ni timpsalu svinene, hikolaho ka rirhandzu lerikulu leri xingahirhandza ha rona.

Vaefesa 2:7

Xiyendlile lesvi kukomba minkarhi leyitaka, kutala lokungapimekiki ka timpsalu ta xona, hi vunene lebzi xihiyendleleke bzona ha Yesu Kriste.

Vaefesa 3:16

Nikombela Xikwembu lesvaku ntalwini wa kudzuneka ka xona, ximinyika matimba, hi Moya wa xona, kutiya ka munhu wa n'wina wa le ndzeni,

Vaefesa 3:8

Mina, ninga lwentsongo ngopfu ka vahlawuliwa va Xikwembu hinkwavu, ninyikiwile nkateko lowu wa kufikisa ka vamatiko Evhangeli ya rifuwo leringakontekiki ra Kriste,

Vafilipiya 4:19

Kutani Xikwembu xa mina xitaminyika hi ntalu hinkwasvu lesvi misvipfumalaka, hi kuya hi rifuwo ra xona ni kudzuneka ka xona ka Yesu Kriste.

Vakolosa 1:27

Ka vona Xikwembu xirhandzile kutivisa rifuwo ra xihundla lexi, ni kutwala ka xona xikarhi ka vamatiko; xihundla xakona hi lesvaku Kriste a le ka n'wina, kutani ha yena milangutela kutwala ka Xikwembu lokutaka.

Vakolosa 2:2

Nilava lesvaku timbilu ta vona titiyisiwa, ni lesvaku vakhomana svin'we hi rirhandzu, kutani vatachaveleliwa hi matlhelo hinkwawu hi kunyikiwa kutwisisa loku kuhetisekeke, lesvaku vativa xihundla xa Xikwembu, anga Kriste.

1 Timotiya 1:16

Kambe ni tsetseleliwile, kuyendlela lesvaku mina lweyi ninga mujohi worhanga hi vubihi, Kriste Yesu atasvikota kukomba kuleha ka mbilu ya yena lokuhetisekeke, kutani xiva xikombiso ka lavangatapfumela ka yena, vakuma vutomi lebzingaheliki.

1 Timotiya 6:17

Kambe loko vali lava vanga ni rifuwo ra misava leyi, vabzele lesvaku vangatikulisi, kumbe kuveka kulangutela ka vona rifuweni leringatiyangiki, kambe vaveka kulangutela ka vona ka Xikwembu: Hi xona xihinyikaka hi ntalu svilo hinkwasvu, lesvaku hitiphina ha svona.

1 Petro 3:20

leyi kusunguleni yikalaka yingayingisanga Xikwembu loko xilehisa mbilu xiyima xingayendli nchumu, nkameni lowu Nowa angayaka ha wona ngalawa. Ngalaweni leyi kunghenile vangali vangani, hi lesvaku vanhu va ntlhanu ni vanharhu, lavaponisiweke ha yona matini.

2 Petro 1:11

Hi ndlela yoleyo, mitanyikiwa mfanelo hinkwayu ya kunghena Mfun'wini lowungaheliki wa Hosi ni muponisi wa hina Yesu Kriste.

2 Petro 3:15

Kutani, twisisani lesvaku loko Hosi ya hina yilehisa mbilu, yiyendlela kuhiponisa. Makwerhu Pawulo murhandziwa wa hina, na yena amitsalele hi yona ndlela leyi, hi kulandza vutlhari lebzi anyikiweke bzona.

2 Petro 3:3

Xosungula, mifanela kutwisisa lesvaku, masikwini yohetelela, kutahumelela vasandzi lavafambisiwaka hi kunavela ka vona lokobiha;

2 Petro 3:9

Hosi ayihlweli kuyendla lesvi yingatshembisa svona, hilaha van'wana vatwisisaka “kuhlwela” hakona, kambe yilehisa mbilu hikolaho ka n'wina; ayilavi lesvaku ni mun'we wa n'wina alahleka, kambe yilava lesvaku hinkwavu vata kuhundzukeni.

Nhlavutelo 2:21

Nimunyikile nkarhi lesvaku ahundzuka, kambe wayala kuhundzuka atshika vuwosvi bza yena.

Nhlavutelo 3:20

Vona, niyimile nyangweni, nagongondza. Loko munhu atwa rito ra mina apfula xipfalu, nitanghena kaya ka yena nija na yena, na yena ataja na mina.