Varhoma 1:7 - Testamente Leyimpsha Xichangana

⁷ Namixeweta, n'wina hinkwenu lava minga Roma, lavarhandziwaka hi Xikwembu, lavavitaniweke kuva vahlawuliwa va xona, nili: Timpsalu ni kurhula asvive na n'wina, svihuma ka Xikwembu Tatana wa hina, ni ka Hosi Yesu Kriste.

BIBELE Mahungu Lamanene

⁷ Ndza mi xeweta, n'wina hinkwenu lava mi nga eRhoma, lava rhandziwaka hi Xikwembu, lava vitaniweke ku va vahlawuriwa va xona, ndzi ri: Tintswalo ni ku rhula a swi ve na n'wina, swi huma eka Xikwembu Tata wa hina, ni ka Hosi Yesu Kriste.

Xitsonga (Bibele)

⁷ Eka n'wina hinkwenu mi nga le Rhoma, varhandziwa va Xikwembu mi vitaneriweke ku kwetsima: tintswalo ni ku rhula a swi ve na n'wina swi huma eka Xikwembu, Tata wa hina, ni le ka Hosi Yesu Kriste!

Varhoma 1:7 Iomraidhean Croise

Matewu 5:16

Kuvonakala ka n'wina akuvoningele vanhu hi mukhuva wolowo, lesvaku vatavona mintirho ya n'wina leyosaseka, vadzunisa Tatana wa n'wina lweyi anga matilweni.

Yohane 20:17

Yesu aku ka yena: “Unganikhomi, hikuva anisitlhantukela ka Tatana; kambe yana ka vamakwerhu, uyavativisa lesvaku nitlhantukela ka Tatana wa mina, anga Tatana wa n'wina, ka Xikwembu xa mina, xinga Xikwembu xa n'wina.”

Timhaka 15:23

Vafamba ni papela leringe: “Hina vapostola ni vakulukumba, hinga vamakwavu Hosini, ka n'wina vamakwerhu mingavelekiwa na mili vamatiko, n'wina mingale Antiyoka, ni le Siriya, ni le Kilikiya: Xeweni!

Timhaka 9:13

Ananiya ahlamula, aku: “Hosi, nitwile lavotala va vulavula hi munhu lweyi, ni lesvaku ayendlile lesvobiha ngopfu ka vahlawuliwa va wena le Yerusalema.

Varhoma 1:6

na n'wina mapatsiwa ka svona, n'wina mingavitaniwa kuva va ka Yesu Kriste.

Varhoma 5:1

Loko svilitano, lesvi hingayendliwa lavalulameke hi mhaka ya kupfumela, hi ni kurhula ka Xikwembu, hi Hosi ya hina Yesu Kriste;

Varhoma 5:5

kutani kulangutela akuhikhomisi tingana, hikuva Xikwembu xichelile rirhandzu ra xona timbilwini ta hina hi Moya Lowokwetsima lowu hinyikiweke wona.

Varhoma 8:28

Nakona hitiva lesvaku, svilo hinkwasvu svihlengela kun'we kutiyisa, lesvinene ka lava vaxirhandzaka, vanga lava xivavitaneke, hi kuya hi sviboho sva makungu ya xona.

Varhoma 8:39

leyinga henhla mpfhukeni kumbe leyinga hansi ka misava, hambi xingava xivumbiwa xihi ni xihi, nili: Axi kona lexingatakota kuhihambanisa ni rirhandzu ra Xikwembu leri ringa kona ka Kriste Yesu, Hosi ya hina.

Varhoma 9:25

Xihlayise svosvo bukwini ya Hozeya, loko xiku: “Lava avangali vanhu va mina, nitavavula vanhu va mina; ni wansati lweyi aangarhandziwi, nitamuvula murhandziwa.

1 Vakorinto 1:24

kambe ka lavavitaniweke, hambi vali Vayuda, hambi vali Vagirika, Kriste i matimba ya Xikwembu ni vutlhari bza xona.

1 Vakorinto 16:23

Timpsalu ta Hosi Yesu ative na n'wina!

Vagalatiya 6:18

Timpsalu ta Hosi ya hina Yesu Kriste ative ni mimoya ya n'wina vamakwerhu. Amen!

Vaefesa 1:2

Timpsalu ni kurhula asvive na n'wina, svihuma ka Xikwembu Tatana wa hina, ni le ka Hosi Yesu Kriste.

Vaefesa 6:23

Kurhula ni rirhandzu leringa ni kupfumela, asvive ni vamakwerhu, svihuma ka Xikwembu Tatana, ni ka Hosi Yesu Kriste.

Vafilipiya 1:2

Timpsalu ni kurhula asvive na n'wina, svihuma ka Xikwembu Tatana wa hina, ni le ka Hosi Yesu Kriste.

Vafilipiya 4:13

Ningayendla hinkwasvu hi matimba ya Lweyi anitiyisaka.

Vafilipiya 4:20

Ka Xikwembu Tatana wa hina, akuve kudzuneka hi masiku ni masiku! Amen!

Vafilipiya 4:23

Timpsalu ta Hosi Yesu Kriste ative ni mimoya ya n'wina!

Vakolosa 1:2

hitsalela vakwetsimi va Xikwembu lavanga le Kolosa, vamakwerhu lavatshembekaka ka Kriste, hili: Timpsalu ni kurhula asvive na n'wina, svihuma ka Xikwembu Tatana wa hina.

Vakolosa 3:12

Hikolaho, lesvi mingavitaniwa hi Xikwembu kuva vahlawuliwa va xona lavarhandziwaka, yambalani moya wa timpsalu, ni vunene, ni kutitsongahata, ni kurhula, ni kuleha mbilu.

Vakolosa 3:15

Kutani yendlani lesvaku kurhula ka Kriste kufuma timbilwini ta n'wina, kunga kurhula loku mivitaneliweke kona, mirini wun'we ntsena. Nasvona jondzani kukhensa.

1 Vatesalonika 1:1

Mina Pawulo na Silvhano na Timotewu ka va kereke ya le Thesalonika, lavanga vanhu va Xikwembu Tatana, ni va Hosi Yesu Kriste, hili: Timpsalu ni kurhula asvive na n'wina!

1 Vatesalonika 1:3

Mahlweni ka Xikwembu Tatana wa hina, hitsundzuka hilaha kupfumela ka n'wina kutikombeke hakona hi sviyendlo, ni lesvaku michivirika kulanguteleni ka Hosi ya hina Yesu Kriste, hi rirhandzu ni kutikarhata.

1 Vatesalonika 1:4

Hasvitiva, vamakwerhu, lesvaku Xikwembu xa mirhandza, ni lesvaku ximihlawulile.

1 Vatesalonika 4:7

Hikuva Xikwembu axihivitanelanga kuhanya kutshakeni, kambe kubaseni.

1 Vatesalonika 5:28

Timpsalu ta Hosi ya hina Yesu Kriste ative na n'wina!

2 Vatesalonika 1:2

Timpsalu ni kurhula asvive na n'wina, svihuma ka Xikwembu Tatana, ni ka Hosi Yesu Kriste!

2 Vatesalonika 3:16

Svosvi-ke, Hosi ya kurhula, hi yoxe, ayiminyike kurhula minkama hinkwayu ni le matlhelweni hinkwawu. Hosi ayive na n'wina hinkwenu!

2 Vatesalonika 3:18

Timpsalu ta Hosi ya hina Yesu Kriste, ative na n'wina hinkwenu!

1 Timotiya 1:2

nitsalela Timotewu, n'wananga wa ntiyiso kupfumeleni, nili: Timpsalu ni vunene, ni kurhula, asvive na wena, svihuma ka Xikwembu Tatana ni ka Kriste Yesu Hosi ya hina.

1 Timotiya 6:2

Lavanga ni vinyi va vapfumeli, vangavayeyisi hi kuvona lesvaku i vamakwavu Hosini; kambe vafanele kuvatirhela hi malwandla, hi kutiva lesvaku vinyi lava vapfuniwaka hi kutirheliwa hi ndlela leyi, i vapfumeli lavarhandzekaka. Jondzisa vanhu timfanelo leto, uvaleleta tona.

2 Timotiya 1:2

nitsalela Timotewu n'wananga lweyi arhandzekaka, nili: Timpsalu, ni vunene, ni kurhula, asvive na wena, svihuma ka Xikwembu Tatana, ni le ka Kriste Yesu Hosi ya hina.

2 Timotiya 4:22

Hosi ayive ni moya wa wena. Timpsalu ative na n'wina. Amen!

Tito 1:4

Nitsalela Tito, n'wananga wa xiviri, kupfumeleni loku hinga nakona svin'we, nili: Timpsalu ni kurhula, asvive na wena, svihuma ka Xikwembu Tatana, ni ka Yesu Kriste Muponisi wa hina!

Filemoni 1:25

Atimpsalu ta Hosi Yesu Kriste ative ni mimoya ya n'wina.

Filemoni 1:3

timpsalu ni kurhula asvive ka n'wina hinkwenu hi tlhelo ra Xikwembu, Tatana wa hina ni ra Hosi Yesu Kriste.

Yakobo 1:1

Mina Yakobe, nandza wa Xikwembu ni wa Hosi Yesu Kriste, nitsalela khume ra tinxaka ni timbirhi, vanga vakriste lavahangalakeke matikweni hinkwawu, nili: Xeweni!

1 Petro 1:15

Kambe, lesvi lweyi angamivitana akwetsimeke, kwetsimani na n'wina mahanyeleni hinkwawu ya n'wina.

1 Yohane 3:1

Vonani rirhandzu leronghasi leri Tatana ahinyikeke rona, lesvaku hivuliwa vana va Xikwembu. Hikolaho, misava ayihitivi; hikuva ayimutivanga yena.

2 Yohane 1:3

Timpsalu ni musa ni kurhula, asvive na n'wina, svihuma ka Xikwembu Tatana ni ka Hosi Yesu Kriste, N'wana wa Tatana, asvive na hina hi ntiyiso ni rirhandzu.

Nhlavutelo 2:1

Tsalela ntsumi ya kereke ya le Efesa, uku: Marito ya lweyi atamelaka tinyeleti ta ntlhanu ni timbirhi vokweni ra yena ra xinene, lweyi afambaka xikarhi ka svitlhomativoni sva ntlhanu ni svimbirhi sva golidi, hi lawa:

Nhlavutelo 2:12

Tsalela ni ntsumi ya kereke ya le Pergamo, uku: Marito ya lweyi anga ni tlhari lerilotiweke hi matlhelo ha mambirhi, hi lawa:

Nhlavutelo 2:18

Tsalela ni ntsumi ya kereke ya le Tiyatira, uku: Marito ya N'wana wa Xikwembu, lweyi anga ni mahlo lawa mafanaka ni malangavi ya ndzilo, lweyi minkondzo ya yena yifanaka ni koporo leyipolichiweke, hi lawa:

Nhlavutelo 2:29

Lweyi anga ni tindleve aayingise lesvi Moya wusvibzelaka tikereke.

Nhlavutelo 2:8

Tsalela ni ntsumi ya kereke ya le Smirna, uku: Marito ya lweyi wosungula ni lweyi wogamesa, lweyi afeke atlhela apfuka, hi lawa:

Nhlavutelo 22:21

Timpsalu ta Hosi Yesu ative ni hinkwavu!

Nhlavutelo 3:14

“Tsalela ni ntsumi ya kereke ya le Lawudokiya, uku: “‘Marito ya lweyi anga Amen, mboni leyitshembekeke ya ntiyiso, masungulu ya lesvitumbuluxiweke hi Xikwembu, hi lawa:

Nhlavutelo 3:22

“‘Lweyi anga ni tindleve, aayingise lesvi Moya wusvibzelaka tikereke.’”

Nhlavutelo 3:7

“Tsalela ni ntsumi ya kereke ya le Filadelfiya, uku: “‘Lweyi akwetsimeke, lweyi anga wa ntiyiso, lweyi atameleke khiya ra Davhida, lweyi apfulaka kungapfali munhu, lweyi apfalaka kungapfuli munhu, avula svosvo ali: