Vaheveru 8:3 - Testamente Leyimpsha Xichangana

³ Hikuva Vaprista lavakulu hinkwavu vavekiwile lesvaku vahumesa tinyiko ni timhamba; hi ndlela yoleyo svafanela lesvaku Muprista wakona na yena ava ni svin'wana lesvi asvihumesaka.

BIBELE Mahungu Lamanene

³ Muprista Lonkulu un'wana ni un'wana ú vekiwile leswaku a humesa tinyiko ni magandzelo; hi ndlela yoleyo swa fanela leswaku Muprista wa kona na yena a va ni swin'wana leswi a swi humesaka.

Xitsonga (Bibele)

³ Hikuva muprista lonkulu un'wana ni un'wana u vekiwe ku humesa mihlengo ni magandzelo; hikwalaho swa fanela leswaku, na yena yeloyi, a va ni lexi a nga humesaka xona.

Vaheveru 8:3 Iomraidhean Croise

Yohane 6:51

Hi mina vusva lebzi bzihanyaka lebzixikeke hi le tilweni; loko munhu aja vusva bzakona, atahanya hilaha kungaheliki, kutani vusva lebzi ningatabzinyika vanhu, i nyama ya mina; leyi ningatayinyika misava, lesvaku yihanya.”

Varhoma 4:25

Hi yena Yesu lweyi anganyiketiwa lesvaku adlayiwa hikolaho ka milandzu ya hina, atlhela apfuxiwa kufeni lesvaku hi ta tshunxiwa ka yona.

Varhoma 5:6

Loko hahali ni gome, Kriste afele lavohomboloka, hi nkama lowuvekiweke hi Xikwembu.

Varhoma 5:8

Kambe Xikwembu xikombisa rivaleni rirhandzu ra xona ka hina, hi lesvi Kriste angahifela loko hahali vajohi.

Vagalatiya 2:20

hi kolaho, angahali mina lweyi ahanyaka, kambe i Kriste lweyi ahanyaka ka mina. Svosvi, loko nihanya mirini, nihanya hi kupfumela, kunga kupfumela ka N'wana wa Xikwembu lweyi anirhandzeke, ava atinyiketa hikolaho ka mina.

Vaefesa 5:2

Hanyani hi moya wa rirhandzu, tani hi Kriste lweyi ahirhandzeke ni kutinyiketa hikolaho ka hina ahumesela Xikwembu nyiko ni mhamba ya risima, leyi yixitsakisaka.

Tito 2:14

Hi yena lweyi atinyiketeke hikolaho ka hina, lesvaku ahikutsula kuhombolokeni hinkwaku, ahiyendla vanhu lavatengeke, lava vanga va yena ntsena, ni lava vachivirikelaka kuyendla lesvinene.

Vaheveru 2:17

Hikolaho asvifanela lesvaku ayendliwa lweyi afanaka ni vamakwavu hi matlhelo hinkwawu, lesvaku atava Muprista lwenkulu wa timpsalu ni lweyi atshembekeke ntirhweni wa Xikwembu, lesvaku asusa svijoho sva vanhu.

Vaheveru 3:1

Loko svilitano, vamakwerhu lavakwetsimaka, lava na n'wina miyaveliwaka kuvitaniwa ka le tilweni, yanakanyani Yesu, murhumiwa wa Xikwembu ni Muprista lwenkulu wa vukhongeli bza hina.

Vaheveru 5:1

Muprista lwenkulu mun'wana ni mun'wana, lesvi ahlawuliweke xikarhi ka vanhu, avekiwile lesvaku atayimela vanhu kuhlanganeni ka vona ni Xikwembu, ni lesvaku ahumesa tinyiko ni timhamba hikolaho ka svijoho sva vona.

Vaheveru 7:27

Ahambanile ni Vaprista lavakulu lavaya. Angaboheki kurhanga atihumesela timhamba toriha svijoho sva yena masiku hinkwawu na angasihumesela vanhu van'wana timhamba toriha svijoho sva vona. Ahihim! Lesvi, asviyendlile kan'we loko atinyiketile hi yexe.

Vaheveru 8:4

Loko ingi ahali laha misaveni, aangatava Muprista nikutsongo, hikuva vaprista lavahumesaka tinyiko hi kulerisa ka Nawu, vakona;

Vaheveru 9:14

ngati ya Kriste yitava leyitlulisaka ngopfu hi matimba; hikuva Kriste atinyiketile hi yexe, hi Moya lowungaheliki, na angali na xisandzu mahlweni ka Xikwembu, kutani ngati ya yena yibasisa mapfalu ya hina mintirhweni leyifeke, lesvaku hitirhela Xikwembu lexihanyaka.