Vaheveru 6:2 - Testamente Leyimpsha Xichangana

² jondzo henhla ka ta kukhuvula, nitakutlhanteka vanhu mavoko, ni ta kupfuka ka vafi, ni ta siku ra kuyavanyisiwa ka makumu.

BIBELE Mahungu Lamanene

² ni dyondzo ehenhla ka ta ku tibasisa, ni ta ku tlhandleka vanhu emavoko, ni ta ku pfuka ka vafi, ni ta siku ra ku avanyisiwa ka makumu.

Xitsonga (Bibele)

² ni ya dyondzo ya ku khuvula, ni ya ku tlhandleka ka mavoko, ni ya ku pfuka ka lava feke, ni ku avanyisa loku nga heriki.

Vaheveru 6:2 Iomraidhean Croise

Matewu 28:19

hi kolaho, fambani ka tinxaka hinkwatu, mivayendla vajondzisiwa va mina, mivakhuvula hi vito ra Tatana, ni ra N'wana, ni ra Moya Lowokwetsima,

Matewu 3:14

Kambe Yohani ayala aku: “Hi mina lweyi nifanelaka kukhuvuliwa hi wena, kambe wena uta ka mina!”

Marka 16:16

Lweyi angatapfumela, ava akhuvuliwa, ataponisiwa; kambe lweyi angapfumeliki, atayavanyisiwa.

Marka 7:4

Ni loko vavuya hi le kuxaveni, avaji na vangasihlamba, vaha hlayisa ni mikhuva yin'wana leyotala leyi vayitoloveleke, tani hi leyi ya kuhlampsa mindzheko, timbita, svibza sva koporo ni mibedo.

Marka 7:8

“Mitshika Nawu wa Xikwembu, kambe minamarhela mikhuva leyi miyikumeke ka vanhu ntsena.”

Luka 11:38

Kambe Mufarisi ahlamala loko avona lesvaku angarhanganga hi kuhlamba angasija.

Luka 12:50

Kambe ni ni nkhuvulo lowu nifanelaka kukhuvuliwa ha wona, kutani ni le kukarhatekeni lokukulu, kukondza nkhuvulo lowu wuhetiseka.

Luka 14:14

utakateka, hikuva ava na sva kukutlhelisela vakukhensa ha svona, kutani hi siku ra kupfuka ka lavolulama utatlheliseliwa svona.”

Luka 3:16

Yohani avahlamula hinkwavu, aku: “Loko nili mina, nimikhuvula hi mati, kambe wata lweyi anitlulaka hi matimba, lweyi svinganifaneliki kutlhantlha tingoti ta masandhazi ya yena; yena atamikhuvula hi Moya Lowokwetsima ni ndzilo.

Yohane 1:33

Mina aningamutivi, kambe lweyi anirhumeke kukhuvula hi mati, anibzelile aku: Lweyi ungatavona Moya wuxikela ka yena, utshama henhla ka yena, hi yena lweyi akhuvulaka hi Moya Lowokwetsima.

Yohane 5:29

kutani vatahuma. Lava vayendleke lesvinene vatapfuka vaya vuton'wini lebzingaheliki, lavayendleke lesvobiha vatapfuka vaya kuyavanyisiweni. ”

Timhaka 10:47

“I mani lweyi angayalaka svosvi lesvaku vanhu lava vakhuvuliwa hi mati, lesvi vayamukeleke Moya Wokwetsima kufana na hina ke?”

Timhaka 13:3

Kutani loko vatitsonile svakuja ni loko vakhongelile, vavatlhanteka mavoko, kutani vavapfulela tindlela.

Timhaka 16:15

Kuteloko atsakamisiwile svin'we ni va njangu wa yena, ahikombela, aku: “Loko mivona lesvaku ni munhu lweyi apfumeleke ka Hosi hakunene, minga nghena kaya ka mina, mitshama kona.” Kutani ahisindzisa kuya kona.

Timhaka 16:33

Kutani, nkarhini wolowo wa vusiku, mulanguteli avateka avahlampsa mimpfembeti ya vona; kutani hi nomo-lo akhuvuliwa, yena ni njangu wa yena hinkwawu.

Timhaka 17:18

Kambe tintlhari tin'wana ta ntlawa wa Vaepikuro ni wa Svitoyika tikanetana na yena; van'wana vaku: “Xana munhu lweyi wa miharihari alava kuhibzela yini ke?” Van'wana vaku: “Ingi i mujondzisi wa ta svikwembu svin'wana.” Avavula svosvo, hikuva Pawulo aavabzela ta Yesu nitakupfuka kufeni.

Timhaka 2:38

Petrosi aku ka vona: “Hundzukani, kutani mun'wana ni mun'wana wa n'wina akhuvuliwa hi vito ra Yesu Kriste, lesvaku mirivaleliwa svijoho sva n'wina; kutani mitayamukela nyiko, wunga Moya Wokwetsima,

Timhaka 2:41

Hi loko lavayamukeleke marito ya yena, vakhuvuliwa; kutani sikwini lero, kuyamukeliwa vanhu lavalavaka kuva makhulu manharhu (3 000).

Timhaka 23:6

Kutani Pawulo, hi kutiva lesvaku van'wana xikarhi ka vona i Vasaduki, kasi van'wana i Vafarisi, atlakusa rito hubzeni aku: “N'wina valekwerhu, ni Mufarisi, n'wana wa Vafarisi, kutani nithethisiwa kola hikuva nilangutelile kupfuka ka vafi.”

Timhaka 24:15

Lesvi nisvilanguteleke ka Xikwembu, hi svona lesvi na vona vasvilanguteleke: Hi lesvaku lavolulama ni lavangalulamangiki vatapfuka kufeni.

Timhaka 24:21

vangavula xilo xin'we ntsena lexininga huwelela ha xona xikarhi ka vona, loko nite: ‘Nibihisiwa hi n'wina namuntlha hikolaho ka kupfuka ka vafi.’”

Timhaka 24:25

Kambe loko Pawulo avulavula hi ta kululama, ni ta kutikhoma, ni ta kuthethisiwa lokungatata, Felikisi akhomiwa hi kuchava, ahlamula, aku: “Namuntlha, famba uyatshama; siku leri ningatakuma nkama, nitatlhela nikuvitana.”

Timhaka 26:8

N'wina Vayuda, xana mitsandzeka ha yini kupfumela lesvaku Xikwembu xingapfuxa vafi ke?

Timhaka 4:2

avakarhateka hikuva vapostola avajondzisa vanhu ni kuvula ta kupfuka ka vafi hikolaho ka kupfuka ka Yesu kufeni.

Timhaka 6:6

Nhlengeletanu yivatisa ka vapostola; kaku loko vona vakhongelile, vavatlhanteka mavoko.

Varhoma 2:16

svitava tano hi siku leri Xikwembu xingatathethisa svihundla sva vanhu ha Yesu Kriste, hilaha Evhangeli leyi niyijondzisaka yihlayaka hakona.

1 Vakorinto 10:2

Apapeni ni le lwandle vakhuvuliwile hinkwavu xinakulobzeni xa Moxe,

1 Vakorinto 12:13

Hinkwerhu, hambi hili Vayuda kumbe Vagirika, svikarawa kumbe lavatifumaka, hihundzukile miri wun'we, hi kutsakamisiwa ka hina Moyeni wun'we; hinkwerhu hinyikiwile kunwa Moya wun'we ntsena.

2 Vakorinto 5:10

Hikuva hinkwerhu hitafanela kuyima mahlweni ka Xitshamu xa kuyavanyisa xa Kriste, lesvaku mun'wana ni mun'wana atayamukela hakelo ya lesvi asviyendleke loko ahali mirini, hambi lesvosaseka kumbe lesvobiha.

Vafilipiya 3:21

Atahundzula miri wa hina lowusolekaka, awuyendla lowufanaka ni miri wa yena lowokwetsima, hi matimba lawa ha wona akotaka kuveka hinkwasvu hansi ka mfumu wa yena.

Vakolosa 2:12

Hi kukhuvuliwa, milahliwile sirheni svin'we na yena, mitlhela mipfuxiwa kufeni svin'we na yena, hi kupfumela lesvaku i matimba ya Xikwembu lamangamipfuxa xikarhi ka vafi.

2 Timotiya 2:18

lavatshikeke ntiyiso, hi kuvula lesvaku sva kupfuka kufeni svihundzeliwe hi nkama, kutani vahambukisa van'wana kupfumeleni.

Vaheveru 11:35

Vavasati vatlhele vayamukela vafi va vona lavapfuxiweke kufeni. Van'wana vaxanisiwile ngopfu mirini, kambe vayala kutshunxiwa, lesvaku vatapfukela vuton'wini lebzinene.

Vaheveru 9:10

kambe svotirha ka svakuja, ni sva kunwa, ni mikhuva leyotala ya kutibasisa, ni milawu ya sva miri leyivekiweke, kukondza kufika nkarhi wa kupfuxeta hinkwasvu.

2 Petro 3:7

Kambe hi ro rito lero, matilo ni misava ya svosvi, svihlayiseliwe kupsha hi ndzilo, sviyimele siku ra kuyavanyisiwa ni ra kuhelisiwa ka vanhu lavangaliki na mhaka ni Xikwembu.